പരിശുദ്ധ ഖുർആൻ/ഇന്ഷിഖാഖ്
| പരിശുദ്ധ ഖുർആൻ അദ്ധ്യായങ്ങൾ |
|
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 |
1 ആകാശം പിളരുമ്പോൾ,
2 അത്‌ അതിൻറെ രക്ഷിതാവിന്‌ കീഴ്പെടുകയും ചെയ്യുമ്പോൾ-അത്‌ ( അങ്ങനെ കീഴ്പെടാൻ ) കടപ്പെട്ടിരിക്കുന്നുതാനും.
3 ഭൂമി നീട്ടപ്പെടുമ്പോൾ
4 അതിലുള്ളത്‌ അത്‌ ( പുറത്തേക്ക്‌ ) ഇടുകയും, അത്‌ കാലിയായിത്തീരുകയും ചെയ്യുമ്പോൾ,
5 അതിൻറെ രക്ഷിതാവിന്‌ അത്‌ കീഴ്പെടുകയും ചെയ്യുമ്പോൾ- അത്‌ ( അങ്ങനെ കീഴ്പെടാൻ ) കടപ്പെട്ടിരിക്കുന്നു താനും.
6 ഹേ, മനുഷ്യാ, നീ നിൻറെ രക്ഷിതാവിങ്കലേക്ക്‌ കടുത്ത അദ്ധ്വാനം നടത്തി ചെല്ലുന്നവനും അങ്ങനെ അവനുമായി കണ്ടുമുട്ടുന്നവനുമാകുന്നു.
7 എന്നാൽ ( പരലോകത്ത്‌ ) ഏതൊരുവന്ന്‌ തൻറെ രേഖ വലതുകൈയ്യിൽ നൽകപ്പെട്ടുവോ,
8 അവൻ ലഘുവായ വിചാരണയ്ക്ക്‌ ( മാത്രം ) വിധേയനാകുന്നതാണ്‌.
9 അവൻ അവൻറെ സ്വന്തക്കാരുടെ അടുത്തേക്ക്‌ സന്തുഷ്ടനായിക്കൊണ്ട്‌ തിരിച്ചുപോകുകയും ചെയ്യും.
10 എന്നാൽ ഏതൊരുവന്‌ തൻറെ രേഖ അവൻറെ മുതുകിൻറെ പിന്നിലൂടെ കൊടുക്കപ്പെട്ടുവോ
11 അവൻ നാശമേ എന്ന്‌ നിലവിളിക്കുകയും,
12 ആളിക്കത്തുന്ന നരകാഗ്നിയിൽ കടന്ന്‌ എരിയുകയും ചെയ്യും.
13 തീർച്ചയായും അവൻ അവൻറെ സ്വന്തക്കാർക്കിടയിൽ സന്തോഷത്തോടെ കഴിയുന്നവനായിരുന്നു.
14 തീർച്ചയായും അവൻ ധരിച്ചു; അവൻ മടങ്ങി വരുന്നതേ അല്ല എന്ന്‌.
15 അതെ, തീർച്ചയായും അവൻറെ രക്ഷിതാവ്‌ അവനെപ്പറ്റി കണ്ടറിയുന്നവനായിരിക്കുന്നു.
16 എന്നാൽ അസ്തമയശോഭയെക്കൊണ്ട്‌ ഞാൻ സത്യം ചെയ്തു പറയുന്നു:
17 രാത്രിയും അതു ഒന്നിച്ച്‌ ചേർക്കുന്നവയും കൊണ്ടും,
18 ചന്ദ്രൻ പൂർണ്ണത പ്രാപിക്കുമ്പോൾ അതിനെ കൊണ്ടും.
19 തീർച്ചയായും നിങ്ങൾ ഘട്ടംഘട്ടമായി കയറിക്കൊണ്ടിരിക്കുന്നതാണ്‌.
20 എന്നാൽ അവർക്കെന്തുപറ്റി? അവർ വിശ്വസിക്കുന്നില്ല.
21 അവർക്ക്‌ ഖുർആൻ ഓതികൊടുക്കപ്പെട്ടാൽ അവർ സുജൂദ്‌ ചെയ്യുന്നുമില്ല.
22 പക്ഷെ അവിശ്വാസികൾ നിഷേധിച്ചു തള്ളുകയാണ്‌.
23 അവർ മനസ്സുകളിൽ സൂക്ഷിച്ച്‌ വെക്കുന്നതിനെപ്പറ്റി അല്ലാഹു നല്ലവണ്ണം അറിയുന്നവനാകുന്നു.
24 ആകയാൽ ( നബിയേ, ) നീ അവർക്ക്‌ വേദനയേറിയ ഒരു ശിക്ഷയെപ്പറ്റി സന്തോഷവാർത്ത അറിയിക്കുക.
25 വിശ്വസിക്കുകയും സൽകർമ്മങ്ങൾ പ്രവർത്തിക്കുകയും ചെയ്തവർക്കൊഴികെ. അവർക്ക്‌ മുറിഞ്ഞു പോകാത്ത പ്രതിഫലമുണ്ട്‌.