ഗീതഗോവിന്ദം/അഷ്ടപദി 5

വിക്കിഗ്രന്ഥശാല സംരംഭത്തിൽ നിന്ന്
Jump to navigation Jump to search
ഗീതഗോവിന്ദം
രചന:ജയദേവൻ
അഷ്ടപദി - അഞ്ച്
ഗീതഗോവിന്ദം


അഷ്ടപദി - അഞ്ച്

സഞ്ചരധരസുധാമധുരധ്വനി- മുഖരിത മോഹനവംശം
ചലിതദൃഗഞ്ചലചഞ്ചല മൌലി- കപോല വിലോലവതംസം
രാസേ ഹരിമിഹ വിഹിതവിലാസം സ്മരതി മനോമമകൃതപരിഹാസം.
ചന്ദ്രക ചാരുമയൂരശിഖണ്ഡക മണ്ഡല വലയിതകേശം
പ്രചുരപുരന്ദരധനുരനുരഞ്ജിതമേദുരമുദിരസുവേഷം
ഗോപകദംബനിതംബവതീ മുഖചുംബന ലംഭിതലോഭം
ബന്ധുജീവമധുരാധര പല്ലവ കലിതദരസ്മിതശോഭം
വിപുലപുളകഭുജപല്ലവ വലയിത വല്ലവയുവതിസഹസ്രം
കരചരണോരസി മണിഗണഭൂഷണ, കിരണവിഭിന്നതമിസ്രം
ജലദപടലചലദിന്ദുവിനിന്ദക ചന്ദനതിലകലലാടം
പീനപയോധരപരിസരമർദ്ദനനിർദ്ദയ ഹൃദയകവാടം
മണിമയമകരമനോഹരകുണ്ഡലമണ്ഡിതഗണ്ഡമുദാരം
പീതവസനമനുഗതമുനിമനുജസുരാസുരവരപരിവാരം
വികചകദംബതലേ മിളിതം കലികലുഷ ഭയം ശമയന്തം
മാമപി കിമപി തരംഗദനംഗദൃശാ വപുഷാ രമയന്തം
ശ്രീജയദേവഭണിതമതിസുന്ദരമോഹന മധുരിപുരൂപം
ഹരിചരണസ്മരണം പ്രതിസമ്പ്രതി പുണ്യവതാമനുരൂപം


ശ്ലോകം - പതിനഞ്ച്

ഗണയതി ഗുണഗ്രാമം ഭ്രാമംഭ്രമാദപി നേഹതേ
വഹതി ച പരിതോഷം ദോഷം വിമുഞ്ചതി ദൂരതഃ
യുവതിഷു ചലത്തൃഷ്ണേ കൃഷ്ണേ വിഹാരിണി മാംവിനാ
പുനരപി മനോവാമം കാമം കരോതി കരോമി കിം

"https://ml.wikisource.org/w/index.php?title=ഗീതഗോവിന്ദം/അഷ്ടപദി_5&oldid=62323" എന്ന താളിൽനിന്ന് ശേഖരിച്ചത്