ഗീതഗോവിന്ദം/അഷ്ടപദി 12

വിക്കിഗ്രന്ഥശാല സംരംഭത്തിൽ നിന്ന്
Jump to navigation Jump to search
ഗീതഗോവിന്ദം
രചന:ജയദേവൻ
അഷ്ടപദി - പന്ത്രണ്ട്
ഗീതഗോവിന്ദം


അഷ്ടപദി - പന്ത്രണ്ട്

പശ്യതി ദിശി ദിശി രഹസി ഭവന്തം
ത്വദധരമധുരമധൂനി പിബന്തം
നാഥ! ഹരേ ജഗന്നാഥഹരേ! സീദതി രാധാ വാസഗൃഹേ
ത്വദഭിസരണരഭസേന വലന്തീ
പതതി പദാനി കിയന്തി ചലന്തി
വിഹിതവിശദബിസകിസലയവലയാ
ജീവതിപരമിഹ തവരതികലയാ
മുഹുരവലോകിത മണ്ഡന ലീലാ
മധുരിപുരഹമിതി ഭാവനശീലാ
ത്വരിതമുപൈതിന കഥമഭിസാരം
ഹരിരിതിവദതി സഖീമനുവാരം
ശ്ലിഷ്യതി ചുംബതി ജലധരകല്പം
ഹരിരുപഗത ഇതി തിമിരമനല്പം
ഭവതി വിളംബിനി വിഗളിതലജ്ജാ
വിലപതിരോദിതി വാസകസജ്ജാ
ശ്രീജയദേവ കവേരിദമുദിതം
രസികജനം തനുതാമതിമുദിതം

ശ്ലോകം- നാല്പത്തിരണ്ട്

വിപുലപുളക പാളീഃ സ്ഫീതസീൽക്കാരമന്തർ
ജനിതജഡിമ കാകുഃ വ്യാകുലം വ്യാഹരന്തീ
തവ കിതവ! വിധായാമന്ദകന്ദ്അർപ്പചിന്താം
രസജലനിധിമഗ്നാ ധ്യാനലഗ്നാ മൃഗാക്ഷി.

ശ്ലോകം - നാൽപ്പത്തിമൂന്ന്

അംഗേഷ്വാഭരണം കരോതി ബഹുശഃപത്രേപി സഞ്ചാരിണീ
പ്രാപ്തം ത്വാം പരിശങ്കതേ വിതനുതേ ശയ്യാം ചിരം ധ്യായതി
ഇത്യാകല്പ വികല്പ തല്പരചനാസങ്കല്പ ലീലാശത
വ്യാസക്താപി വിനാ ത്വയാ വരതനുന്നേഷാ നിശാംനേഷ്യതി

ശ്ലോകം - നാൽപ്പത്തിനാല്

കിം വിശ്രാമ്യസി കൃഷ്ണ! ഭോഗിഭവനേ ഭാണ്ഡീരഭ്രൂമീരുഹി
ഭ്രാതഃ പാന്ഥ! ന ദൃഷ്ടിഗോചരമിതഃ സാനന്ദനന്ദാസ്പദം
രാധായാഃ വചനം തദധ്വഗമുഖാന്നന്ദാന്തികേ ഗോപതോ
ഗോവിന്ദസ്യ ജയന്തി സായമതിഥിപ്രാശസ്യ ഗർഭാ ഗിരഃ


സർഗ്ഗം - ഏഴ് - നാഗരീകനാരായണഃ

ശ്ലോകം - നാൽപ്പത്തിയഞ്ച്

അത്രാന്തരേച കുലടാകുലവർത്മപാത
സംജാതപാതക ഇവ സ്ഫുടലാഞ്ഛനശ്രീഃ
വൃന്ദാവനാന്തരമദീപയദംശുജാലൈഃ
ദിക്സുന്ദരീവദനചന്ദനബിന്ദുരിന്ദുഃ


ശ്ലോകം - നാല്പത്തിയാറ്

പ്രസരതിശശധരബിംബേ വിഹിതവിളംബേ ച മാധവേ
വിധുരാ വിരചിതവിവിധ വിലാപം സാ പരിതാപം ചകാരോച്ചൈഃ

"https://ml.wikisource.org/w/index.php?title=ഗീതഗോവിന്ദം/അഷ്ടപദി_12&oldid=62317" എന്ന താളിൽനിന്ന് ശേഖരിച്ചത്