ഗീതഗോവിന്ദം/അഷ്ടപദി 17

വിക്കിഗ്രന്ഥശാല സംരംഭത്തിൽ നിന്ന്
< ഗീതഗോവിന്ദം(അഷ്ടപദി - പതിനേഴ് എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ഗീതഗോവിന്ദം
രചന:ജയദേവൻ
അഷ്ടപദി - പതിനേഴ്
ഗീതഗോവിന്ദം


രജനിജനിതഗുരുജാഗരരാഗകഷായിതമലസനിമേഷം

വഹതി നയനമനുരാഗമിവ സ്ഫുടമുദിതരസാഭിനിവേശം

യാഹി മാധവ യാഹി കേശവ മാ വദ കൈതവവാദം

താമനുസര സരസീരുഹലോചന യാ തവ ഹരതി വിഷാദം

കഞ്ജളമലിനവിലോചനചുംബനവിരചിതനീലിമരൂപം

ദശനവസനമരുണം തവ കൃഷ്ണ തനോതി തനോരനുരൂപം

വപുരനുസരതി തവ സ്മരസംഗരഖരനഖരക്ഷതരേഖം

മരകതശകലകലിതകലധൌതലിപേരിവ രതിജയലേഖം

ചരണകമലഗളദലക്തകസിക്തമിദം തവ ഹൃദയമുദാരം

ദർ‍ശയതീവ ബഹിർ‍മദനദ്രുമനവകിസലയപരിവാരം

ദശനപദം ഭവദധരഗതം മമ ജനയതി ചേതസി ഖേദം

കഥയതി കഥമധുനാപി മയാ സഹ തവ വപുരേതദഭേദം

ബഹിരിവ മലിനതരം തവ കൃഷ്ണ മനോപി ഭവിഷ്യതി നൂനം

കഥമഥ വഞ്ചയസേ ജനമനുഗതമസമശരജ്വരദൂനം

ഭ്രമതി ഭവാനബലാകബളായവനേഷു കിമത്ര വിചിത്രം

പ്രഥയതി പൂതനികൈവ വധൂവധനിർ‍ദയബാലചരിത്രം

ശ്രീജയദേവഭണിതരതിവഞ്ചിതഖണ്ഡിതയുവതിവിലാപം

ശൃണുത സുധാമധുരം വിബുധാ വിബുധാലയതോപി ദുരാപം


ശ്ലോകം - അമ്പത്തിയാറ്

തദേവം പശ്യന്ത്യാഃ പ്രസരദനുരാഗം ബഹിരിവ

പ്രിയാപാദാലക്തച്ഛുരിതമരുണദ്യോതിഹൃദയം

മമാദ്യ പ്രഖ്യാതപ്രണയഭരഭങ്ഗേന കിതവ

ത്വദാലോകഃ ശോകാദപി കിമപി ലജ്ജാം ജനയതി


ശ്ലോകം- അമ്പത്തിയേഴ്

അന്തർമ്മോഹനമൌലിഘൂർണ്ണനചലൻ മന്ദാരവിസ്രംസന

സ്തബ്‌ധാകർഷണ ലോചനോത്സവ മഹാമന്തരഃ കുരംഗീദൃശാം

ദ്ര്യപ്യദ്ദാനവദൂയമാനദിവിഷദ്ദുർവ്വാരദുഃഖാപദാം

ധ്വംസഃകംസരിപോ പ്രയോപയതു വഃശ്രേയാംസിവംശീരവഃ


ശ്ലോകം- അമ്പത്തിയെട്ട്

താമഥ മന്മഥഖിന്നാം

രതിരസഭിന്നാം വിഷാദസമ്പന്നാം

അനുചിന്തിതഹരിചരിതാം

കലഹാന്തരിതമുവാച സഖീ

"https://ml.wikisource.org/w/index.php?title=ഗീതഗോവിന്ദം/അഷ്ടപദി_17&oldid=62328" എന്ന താളിൽനിന്ന് ശേഖരിച്ചത്