വൈരുധ്യാത്മക ഭൗതികവാദം/പൊതുചോദ്യങ്ങൾ
| ←പഴയതിൽ നിന്ന് പുതിയതിലേക്ക് | വൈരുധ്യാത്മക ഭൗതികവാദം (തത്ത്വശാസ്ത്രം) രചന: പൊതുചോദ്യങ്ങൾ |
[ 127 ]
പൊതുചോദ്യങ്ങൾ
- ദർശനമെന്നാൽ എന്ത്? അതിൽ നമുക്ക് താല്പര്യമെന്ത്?
- മാർക്സിസം തൊഴിലാളിവർഗത്തിന്റെ ലോകവീക്ഷണമാണെന്നു പറയുന്നു. എങ്കിൽ അത് ഭാഗീകമായ ഒരു വീക്ഷണമല്ലേ? കൂടുതൽ പൂർണ്ണമായ ഒരു ലോക വീക്ഷണമല്ലേ വേണ്ടത്?
- 'മെറ്റാഫിസിക്സ്' എന്ന ഇംഗ്ലീഷ് പദത്തിന് നിഘണ്ടുക്കളിൽ 'ആധ്യാത്മികവാദം' എന്ന തർജുമ നൽകുന്നു. മാർക്സിയൻ ഗ്രന്ഥങ്ങളിൽ 'കേവലവാദം' എന്നും. എന്താണവ തമ്മിലുള്ള വത്യാസങ്ങൾ?
- ആശയവാദവും, ഭൗതികവാദവും തമ്മിലുള്ള തർകത്തിന് മാനവചിന്തയോളം പഴക്കമുണ്ടെന്നു പറയുന്നു. എന്തുകൊണ്ട് ആശയവാദം ഇനിയും തകർനിട്ടില്ല?
- മാർക്സിയൻ ദർശനത്തിലും, ഹൈസ്കൂളിലെ ഭൗതികത്തിലും മാറ്റർ ദ്രവ്യം എന്ന വാക്ക് ഉപയോഗിക്കുന്നുണ്ട്. പക്ഷേ, അർഥവ്യാപ്തിയിൽ വ്യത്യാസമുണ്ട്-എന്താണത്?
- പ്രകൃതിയിലും മനുഷ്യസമൂഹത്തിലും സദാ മാറ്റങ്ങൾ വന്നുകൊണ്ടിരിക്കുന്നു. ഈ മാറ്റത്തിനു പ്രേരകമായ ബലം, മാറ്റത്തിന്റെ രീതി, അതിന്റെ സ്വഭാവം എന്നിവയെക്കുറിച്ച് എന്തുപറയാൻ കഴിയും?
- വൈരുധ്യങ്ങൾ പലതരമുണ്ട്. എന്തൊക്കെയാണവ? ലോകത്തിലെ ഇന്നത്തെ പ്രധാന വൈരുധ്യങ്ങളേവ? ഇന്ത്യൻ സമൂഹത്തിലെ പ്രധാന വൈരുധ്യങ്ങളേവ?
- പ്രപഞ്ചസത്യങ്ങൾ കണ്ടുപിടിക്കാൻ ശാസ്ത്രത്തിന്റെതെന്ന പോലെ മതത്തിന്റെതായ രീതികളും പ്രയോഗിക്കാമെന്ന് ചില ആധുനിക ദാർശനികരും, ശാസ്ത്രജ്ഞരും പറയുന്നു. നിങ്ങൾ അതിനോട് യോജിക്കുന്നുവോ? ഉണ്ടെങ്കിലും ഇല്ലെങ്കിലും നിങ്ങളുടെ അഭിപ്രായം സമർഥിക്കുക.
- റോബിൻസൺക്രൂസോയും അയാളുടെ പട്ടിയും മാത്രം ഒരു ദ്വീപിൽ അകപ്പെട്ടു. രക്ഷപ്പെടുത്താൻ ഒരു കപ്പലും വന്നില്ല. അവിടെതന്നെ ശേഷിച്ച കാലം കഴിച്ചുകൂട്ടി. അതിനിടക്ക് ഒട്ടേറെ പുതിയ സസ്യജാലങ്ങൾ കണ്ടു Invalid template invocation→ [ 128 ] കണ്ടുപിടിച്ചു. ഉപകരണങ്ങൾ ഉണ്ടാക്കി. സിദ്ധാന്തങ്ങൾ ആവിഷ്കരിച്ചു. അയാളുടെ അറിവ് വളരെ വർദ്ധിച്ചു. ലോകവിജ്ഞാനത്തിന് അയാൾക്ക് നൽകിയ സംഭാവന ചെറുതല്ലായിരുന്നു. മേൽ കൊടുത്ത വിവരണത്തിൽ അപാകതകൾ എന്തെങ്കിലുമുണ്ടോ?
- പ്രകൃതിനിയമങ്ങൾ മനസിലാക്കുന്നതിലും പ്രകൃതിയെ രൂപാന്തരപ്പെടുത്തുന്നതിലുമുള്ള മനുഷ്യന്റെ കഴിവിന്റെ ഘട്ടം ഘട്ടമായുള്ള വളർച്ച പരിശോധിച്ച് അവ മാനവചരിത്രത്തിൽ എങ്ങനെ പ്രതിഫലിക്കപ്പെടുന്നു എന്ന് അപഗ്രഥിക്കുക.
- മുതലാളിത്തത്തിൽ നിന്ന് സോഷ്യലിസത്തിലേക്കുള്ള പരിവർത്തനം അനിവാര്യമാണെന്നു പറയുന്നു. എന്തുകൊണ്ട്?