മഹാഭാരതം മൂലം/വനപർവം/അധ്യായം16
| ←അധ്യായം15 | മഹാഭാരതം മൂലം/വനപർവം രചന: അധ്യായം16 |
അധ്യായം17→ |
1 [യ്]
വാസുദേവ മഹാബാഹോ വിസ്തരേണ മഹാമതേ
സൗഭസ്യ വധം ആചക്ഷ്വ ന ഹി തൃപ്യാമി കഥ്യതഃ
2 [വാ]
ഹതം ശ്രുത്വാ മഹാബാഹോ മയാ ശ്രൗതശ്രവം നൃപം
ഉപായാദ് ഭരതശ്രേഷ്ഠ ശാല്വോ ദ്വാരവതീം പുരീം
3 അരുന്ധത് താം സുദുഷ്ടാത്മാ സർവതഃ പാണ്ഡുനന്ദന
ശാല്വോ വൈഹായസം ചാപി തത് പുരം വ്യൂഹ്യ വിഷ്ഠിതഃ
4 തത്രസ്ഥോ ഽഥ മഹീപാലോ യോധയാം ആസ താം പുരീം
അഭിസാരേണ സർവേണ തത്ര യുദ്ധം അവർതത
5 പുരീ സമന്താദ് വിഹിതാ സപതാകാ സതോരണാ
സചക്രാ സഹുഡാ ചൈവ സയാന്ത്ര ഖനകാ തഥാ
6 സോപതൽപ പ്രതോലീകാ സാട്ടാട്ടാകല ഗോപുരാ
സകച ഗ്രഹണീ ചൈവ സോൽകാലാതാവപോഥികാ
7 സോഷ്ട്രികാ ഭരതശ്രേഷ്ഠ സഭേരീ പണവാനകാ
സമിത് തൃണകുശാ രാജൻ സശതഘ്നീക ലാംഗലാ
8 സഭുശുണ്ഡ്യ് അശ്മല ഗുഡാ സായുധാ സപരശ്വധാ
ലോഹചർമവതീ ചാപി സാഗ്നിഃ സഹുഡ ശൃംഗികാ
9 ശാസ്ത്രദൃഷ്ടേന വിധിനാ സംയുക്താ ഭരതർഷഭ
ദ്രവ്യൈർ അനേകൈർ വിവിധൈർ ഗദ സാംബോദ്ധവാദിഭിഃ
10 പുരുഷൈഃ കുരുശാർദൂല സമർഥൈഃ പ്രതിബാധനേ
അഭിഖ്യാത കുലൈർ വീരൈർ ദൃഷ്ടവീര്യൈശ് ച സംയുഗേ
11 മധ്യമേന ച ഗുൽമേന രക്ഷിതാ സാരസഞ്ജ്ഞിതാ
ഉത്ക്ഷിപ്ത ഗുൽമൈശ് ച തഥാ ഹയൈശ് ചൈവ പദാതിഭിഃ
12 ആഘോഷിതം ച നഗരേ ന പാതവ്യാ സുരേതി ഹ
പ്രമാദം പരിരക്ഷദ്ഭിർ ഉഗ്രസേനോദ്ധവാദിഭിഃ
13 പ്രമത്തേഷ്വ് അഭിഘാതം ഹി കുര്യാച് ഛാല്വോ നരാധിപഃ
ഇതി കൃത്വാപ്രമത്താസ് തേ സരേ വൃഷ്ണ്യന്ധകാഃ സ്ഥിതാഃ
14 ആനർതാശ് ച തഥാ സർവേ നടനർതക ഗായനാഃ
ബഹിർ വിവാസിതാഃ സർവേ രക്ഷദ്ഭിർ വിത്തസഞ്ചയാൻ
15 സങ്ക്രമാ ഭേദിതാഃ സർവേ നാവശ് ച പ്രതിഷേധിതാഃ
പരിഖാശ് ചാപി കൗരവ്യ കീലൈഃ സുനിചിതാഃ കൃതാഃ
16 ഉദപാനാഃ കുരുശ്രേഷ്ഠ തഥൈവാപ്യ് അംബരീഷകാഃ
സമന്താത് കോശമാത്രം ച കാരിതാ വിഷമാ ച ഭൂഃ
17 പ്രകൃത്യാ വിഷമം ദുർഗം പ്രകൃത്യാ ച സുരക്ഷിതം
പ്രകൃത്യാ ചായുധോപേതം വിശേഷേണ തദാനഘ
18 സുരക്ഷിതം സുഗുപ്തം ച സരായുധ സമന്വിതം
തത് പുരം ഭരതശ്രേഷ്ഠ യഥേന്ദ്ര ഭവനം തഥാ
19 ന ചാമുദ്രോ ഽഭിനിര്യാതി ന ചാമുദ്രഃ പ്രവേശ്യതേ
വൃഷ്ണ്യന്ധകപുരേ രാജംസ് തദാ സൗഭസമാഗമേ
20 അനു രഥ്യാസു സർവാസു ചത്വരേഷു ച കൗരവ
ബലം ബഭൂവ രാജേന്ദ്ര പ്രഭൂതഗജവാജിമത്
21 ദത്തവേതന ഭക്തം ച ദത്തായുധ പരിച്ഛദം
കൃതാപദാനം ച തദാ ബലം ആസീൻ മഹാഭുജ
22 ന കുപ്യ വേതനീ കശ് ചിൻ ന ചാതിക്രാന്ത വേതനീ
നാനുഗ്രഹഭൃതഃ കശ് ചിൻ ന ചാദൃഷ്ട പരാക്രമഃ
23 ഏവം സുവിഹിതാ രാജൻ ദ്വാരകാ ഭൂരിദക്ഷിണൈഃ
ആഹുകേന സുഗുപ്താ ച രാജ്ഞാ രാജീവലോചന