മഹാഭാരതം മൂലം/ഉദ്യോഗപർവം/അധ്യായം129

മഹാഭാരതം മൂലം/ഉദ്യോഗപർവം
രചന:വ്യാസൻ
അധ്യായം129

1 [വ്]
     വിദുരേണൈവം ഉക്തേ തു കേശവഃ ശത്രുപൂഗഹാ
     ദുര്യോധനം ധാർതരാഷ്ട്രം അഭ്യഭാഷത വീര്യവാൻ
2 ഏകോ ഽഹം ഇതി യൻ മോഹാൻ മന്യസേ മാം സുയോധന
     പരിഭൂയ ച ദുർബുദ്ധേ ഗ്രഹീതും മാം ചികീർഷസി
3 ഇഹൈവ പാണ്ഡവാഃ സർവേ തഥൈവാന്ധകവൃഷ്ണയഃ
     ഇഹാദിത്യാശ് ച രുദ്രാശ് ച വസവശ് ച മഹർഷിഭിഃ
4 ഏവം ഉക്ത്വാ ജഹാസോച്ചൈഃ കേശവഃ പരവീരഹാ
     തസ്യ സംസ്മയതഃ ശൗരേർ വിദ്യുദ്രൂപാ മഹാത്മനഃ
     അംഗുഷ്ഠ മാത്രാസ് ത്രിദശാ മുമുചുഃ പാവകാർചിഷഃ
5 തസ്യ ബ്രഹ്മാ ലലാടസ്ഥോ രുദ്രോ വക്ഷസി ചാഭവത്
     ലോകപാലാ ഭുജേഷ്വ് ആസന്ന് അഗ്നിർ ആസ്യാദ് അജായത
6 ആദിത്യാശ് ചൈവ സാധ്യാശ് ച വസവോ ഽഥാശ്വിനാവ് അപി
     മരുതശ് ച സഹേന്ദ്രേണ വിശ്വേ ദേവാസ് തഥൈവ ച
     ബഭൂവുശ് ചൈവ രൂപാണി യക്ഷഗന്ധർവരക്ഷസാം
7 പ്രാദുരാസ്താം തഥാ ദോർഭ്യാം സങ്കർഷണ ധനഞ്ജയൗ
     ദക്ഷിണേ ഽഥാർജുനോ ധന്വീ ഹലീ രാമശ് ച സവ്യതഃ
8 ഭീമോ യുധിഷ്ഠിരശ് ചൈവ മാദ്രീപുത്രൗ ച പൃഷ്ഠതഃ
     അന്ധകാ വൃഷ്ണയശ് ചൈവ പ്രദ്യുമ്ന പ്രമുഖാസ് തതഃ
9 അഗ്രേ ബഭൂവുഃ കൃഷ്ണസ്യ സമുദ്യതമഹായുധാഃ
     ശംഖചക്രഗദാശക്തിർ ശാർമ്ഗലാംഗലനന്ദകാഃ
10 അദൃശ്യന്തോദ്യതാന്യ് ഏവ സർവപ്രഹരണാനി ച
    നാനാ ബാഹുഷു കൃഷ്ണസ്യ ദീപ്യമാനാനി സർവശഃ
11 നേത്രാഭ്യാം നസ് തതശ് ചൈവ ശ്രോത്രാഭ്യാം ച സമന്തതഃ
    പ്രാദുരാസൻ മഹാരൗദ്രാഃ സധൂമാഃ പാവകാർചിഷഃ
    രോമകൂപേഷു ച തഥാ സൂര്യസ്യേവ മരീചയഃ
12 തം ദൃഷ്ട്വാ ഘോരം ആത്മാനം കേശവസ്യ മഹാത്മനഃ
    ന്യമീലയന്ത നേത്രാണി രാജാനസ് ത്രസ്തചേതസഃ
13 ഋതേ ദ്രോണം ച ഭീഷ്മം ച വിദുരം ച മഹാമതിം
    സഞ്ജയം ച മഹാഭാഗം ഋഷീംശ് ചൈവ തപോധനാൻ
    പ്രാദാത് തേഷാം സ ഭഗവാൻ ദിവ്യം ചക്ഷുർ ജനാർദനഃ
14 തദ് ദൃഷ്ട്വാ മഹദ് ആശ്ചര്യം മാധവസ്യ സഭാ തലേ
    ദേവദുന്ദുഭയോ നേദുഃ പുഷ്പവർഷം പപാത ച
15 ചചാല ച മഹീകൃത്സ്നാ സാഗരശ് ചാപി ചുക്ഷുഭേ
    വിസ്മയം പരമം ജഗ്മുഃ പാർഥിവാ ഭരതർഷഭ
16 തതഃ സ പുരുഷവ്യാഘ്രഃ സഞ്ജഹാര വപുഃ സ്വകം
    താം ദിവ്യാം അദ്ഭുതാം ചിത്രാം ഋദ്ധിമത്താം അരിന്ദമഃ
17 തതഃ സാത്യകിം ആദായ പാണൗ ഹാർദിക്യം ഏവ ച
    ഋഷിഭിസ് തൈർ അനുജ്ഞാതോ നിര്യയൗ മധുസൂദനഃ
18 ഋഷയോ ഽന്തർഹിതാ ജഗ്മുസ് തതസ് തേ നാരദാദയഃ
    തസ്മിൻ കോലാഹലേ വൃത്തേ തദ് അദ്ഭുതം അഭൂത് തദാ
19 തം പ്രസ്ഥിതം അഭിപ്രേക്ഷ്യ കൗരവാഃ സഹ രാജഭിഃ
    അനുജഗ്മുർ നരവ്യാഘ്രം ദേവാ ഇവ ശതക്രതും
20 അചിന്തയന്ന് അമേയാത്മാ സർവം തദ് രാജമണ്ഡലം
    നിശ്ചക്രാമ തതഃ ശൗരിഃ സധൂമ ഇവ പാവകഃ
21 തതോ രഥേന ശുഭ്രേണ മഹതാ കിങ്കിണീകിനാ
    ഹേമജാലവിചിത്രേണ ലഘുനാ മേഘനാദിനാ
22 സൂപസ്കരേണ ശുഭ്രേണ വൈയാഘ്രേണ വരൂഥിനാ
    സൈന്യസുഗ്രീവ യുക്തേന പ്രത്യദൃശ്യത ദാരുകഃ
23 തഥൈവ രഥം ആസ്ഥായ കൃതവർമാ മഹാരഥഃ
    വൃഷ്ണീനാം സംമതോ വീരോ ഹാർദിക്യഃ പ്രത്യദൃശ്യത
24 ഉപസ്ഥിത രഥം ശൗരിം പ്രയാസ്യന്തം അരിന്ദമം
    ധൃതരാഷ്ട്രോ മഹാരാജഃ പുനർ ഏവാഭ്യഭാഷത
25 യാവദ് ബലം മേ പുത്രേഷു പശ്യസ്യ് ഏതജ് ജനാർദന
    പ്രത്യക്ഷം തേ ന തേ കിം ചിത് പരോക്ഷം ശത്രുകർശന
26 കുരൂണാം ശമം ഇച്ഛന്തം യതമാനം ച കേശവ
    വിദിത്വൈതാം അവസ്ഥാം മേ നാതിശങ്കിതും അർഹസി
27 ന മേ പാപോ ഽസ്ത്യ് അഭിപ്രായഃ പാണ്ഡവാൻ പ്രതി കേശവ
    ജ്ഞാതം ഏവ ഹി തേ വാക്യം യൻ മയോക്തഃ സുയോധനഃ
28 ജാനന്തി കുരവഃ സർവേ രാജാനശ് ചൈവ പാർഥിവാഃ
    ശമേ പ്രയതമാനം മാം സർവയത്നേന മാധവ
29 തതോ ഽബ്രവീൻ മഹാബാഹുർ ധൃതരാഷ്ട്രം ജനേശ്വരം
    ദ്രോണം പിതാമഹം ഭീഷ്മം ക്ഷത്താരം ബാഹ്ലികം കൃപം
30 പ്രത്യക്ഷം ഏതദ് ഭവതാം യദ്വൃത്തം കുരുസംസദി
    യഥാ ചാശിഷ്ടവൻ മന്ദോ രോഷാദ് അസകൃദ് ഉത്ഥിതഃ
31 വദത്യ് അനീശം ആത്മാനം ധൃതരാഷ്ട്രോ മഹീപതിഃ
    ആപൃച്ഛേ ഭവതഃ സർവാൻ ഗമിഷ്യാമി യുധിഷ്ഠിരം
32 ആമന്ത്ര്യ പ്രസ്ഥിതം ശൗരിം രഥസ്ഥം പുരുഷർഷഭം
    അനുജഗ്മുർ മഹേഷ്വാസാഃ പ്രവീരാ ഭരതർഷഭാഃ
33 ഭീഷ്മോ ദ്രോണഃ കൃപഃ ക്ഷത്താ ധൃതരാഷ്ട്രോ ഽഥ ബാഹ്ലികഃ
    അശ്വത്ഥാമാ വികർണശ് ച യുയുത്സുശ് ച മഹാരഥഃ
34 തതോ രഥേന ശുഭ്രേണ മഹതാ കിങ്കിണീകിനാ
    കുരൂണാം പശ്യതാം പ്രായാത് പൃഥാം ദ്രഷ്ടും പിതൃഷ്വസാം