മഹാഭാരതം മൂലം/ആശ്രമവാസികപർവം/അധ്യായം3

മഹാഭാരതം മൂലം/ആശ്രമവാസികപർവം
രചന:വ്യാസൻ
അധ്യായം3

1 [വൈ]
     സ രാജാ സുമഹാതേജാ വൃദ്ധഃ കുരുകുലോദ്വഹഃ
     നാപശ്യത തദാ കിം ചിദ് അപ്രിയം പാണ്ഡുനന്ദനേ
2 വർതമാനേഷു സദ്വൃത്തിം പാണ്ഡവേഷു മഹാത്മസു
     പ്രീതിമാൻ അഭവദ് രാജാ ധൃതരാഷ്ട്രോ ഽംബികാ സുതഃ
3 സൗബലേയീ ച ഗാന്ധാരീ പുത്രശോകം അപാസ്യ തം
     സദൈവ പ്രീതിം അത്യാസീത് തനയേഷു നിജേഷ്വ് ഇവ
4 പ്രിയാണ്യ് ഏവ തു കൗരവ്യോ നാപ്രിയാണി കുരൂദ്വഹ
     വൈചിത്രവീര്യേ നൃപതൗ സമാചരതി നിത്യദാ
5 യദ് യദ് ബ്രൂതേ ച കിം ചിത് സാ ധൃതരാഷ്ട്രോ നരാധിപഃ
     ഗുരു വാ ലഘു വാ കാര്യം ഗാന്ധാരീ ച യശസ്വിനീ
6 തത് സ രാജാ മഹാരാജ പാണ്ണ്ഡവാനാം ധുരന്ധരഃ
     പൂജയിത്വാ വചസ് തത് തദ് അകാർഷീത് പരവീരഹാ
7 തേന തസ്യാഭവത് പ്രീതോ വൃത്തേന സ നരാധിപഃ
     അന്വതപ്യച് ച സംസ്മൃത്യ പുത്രം മന്ദം അചേതസം
8 സദാ ച പ്രാതർ ഉത്ഥായ കൃതജപ്യഃ ശുചിർ നൃപഃ
     ആശാസ്തേ പാണ്ഡുപുത്രാണാം സമരേഷ്വ് അപരാജയം
9 ബ്രാഹ്മണാൻ വാചയിത്വാ ച ഹുത്വാ ചൈവ ഹുതാശനം
     ആയുഷ്യം പാണ്ഡുപുത്രാണാം ആശാസ്തേ സ നരാധിപഃ
10 ന താം പ്രീതിം മരാം ആപ പുത്രേഭ്യഃ സ മഹീപതിഃ
    യാം പ്രീതിം പാണ്ഡുപുത്രേഭ്യഃ സമവാപ തദാ നൃപഃ
11 ബ്രാഹ്മണാനാം ച വൃദ്ധാനാം ക്ഷത്രിയാണാം ച ഭാരത
    തഥാ വിട് ശൂദ്ര സംഘാനാം അഭവത് സുപ്രിയസ് തദാ
12 യച് ച കിം ചിത് പുരാ പാപം ധൃതരാഷ്ട്ര സുതൈഃ കൃതം
    അകൃത്വാ ഹൃദി തദ് രാജാ തം നൃപം സോ ഽന്വവർതത
13 യശ് ച കശ് ചിൻ നരഃ കിം ചിദ് അപ്രിയം ചാംബികാ സുതേ
    കുരുതേ ദ്വേഷ്യതാം ഏതി സ കൗന്തേയസ്യ ധീമതഃ
14 ന രാജ്ഞോ ധൃതരാഷ്ട്രസ്യ ന ച ദുര്യോധനസ്യ വൈ
    ഉവാച ദുഷ്കൃതം കിം ചിദ് യുധിഷ്ഠിര ഭയാൻ നരഃ
15 ധൃത്യാ തുഷ്ടോ നരേന്ദ്രസ്യ ഗാന്ധാരീ വിദുരസ് തഥാ
    ശൗചേന ചാജാത ശത്രോർ ന തു ഭീമസ്യ ശത്രുഹൻ
16 അന്വവർതത ഭീമോ ഽപി നിഷ്ടനൻ ധർമജം നൃപം
    ധൃതരാഷ്ട്രം ച സമ്പ്രേക്ഷ്യ സദാ ഭവതി ദുർമനാഃ
17 രാജാനം അനുവർതന്തം ധർമപുത്രം മഹാമതിം
    അന്വവർതത കൗരവ്യോ ഹൃദയേന പരാങ്മുഖഃ