മഹാഭാരതം മൂലം/ആദിപർവം/അധ്യായം31

മഹാഭാരതം മൂലം/ആദിപർവം
രചന:വ്യാസൻ
അധ്യായം 31

1 [ഷ്]
     ഭുജംഗമാനാം ശാപസ്യ മാത്രാ ചൈവ സുതേന ച
     വിനതായാസ് ത്വയാ പ്രോക്തം കാരണം സൂതനന്ദന
2 വരപ്രദാനം ഭർത്രാ ച ക്രദ്രൂ വിനതയോസ് തഥാ
     നാമനീ ചൈവ തേ പ്രോക്തേ പക്ഷിണോർ വൈനതേയയോഃ
3 പന്നഗാനാം തു നാമാനി ന കീർതയസി സൂതജ
     പ്രാധാന്യേനാപി നാമാനി ശ്രോതും ഇച്ഛാമഹേ വയം
4 [സ്]
     ബഹുത്വാൻ നാമധേയാനി ഭുജഗാനാം തപോധന
     ന കീർതയിഷ്യേ സർവേഷാം പ്രാധാന്യേന തു മേ ശൃണു
5 ശേഷഃ പ്രഥമതോ ജാതോ വാസുകിസ് തദനന്തരം
     ഐരാവതസ് തക്ഷകശ് ച കർകോടക ധനഞ്ജയൗ
6 കാലിയോ മണിനാഗശ് ച നാഗശ് ചാപൂരണസ് തഥാ
     നാഗസ് തഥാ പിഞ്ജരക ഏലാ പത്രോ ഽഥ വാമനഃ
7 നീലാനീലൗ തഥാ നാഗൗ കൽമാഷശബലൗ തഥാ
     ആര്യകശ് ചാദികശ് ചൈവ നാഗശ് ച ശല പോതകഃ
8 സുമനോമുഖോ ദധിമുഖസ് തഥാ വിമലപിണ്ഡകഃ
     ആപ്തഃ കോടനകശ് ചൈവ ശംഖോ വാലശിഖസ് തഥാ
9 നിഷ്ഠ്യൂനകോ ഹേമഗുഹോ നഹുഷഃ പിംഗലസ് തഥാ
     ബാഹ്യകർണോ ഹസ്തിപദസ് തഥാ മുദ്ഗരപിണ്ഡകഃ
10 കംബലാശ്വതരൗ ചാപി നാഗഃ കാലീയകസ് തഥാ
    വൃത്തസംവർതകൗ നാഗൗ ദ്വൗ ച പദ്മാവ് ഇതി ശ്രുതൗ
11 നാഗഃ ശംഖനകശ് ചൈവ തഥാ ച സ്ഫണ്ഡകോ ഽപരഃ
    ക്ഷേമകശ് ച മഹാനാഗോ നാഗഃ പിണ്ഡാരകസ് തഥാ
12 കരവീരഃ പുഷ്പദംഷ്ട്ര ഏഌഅകോ ബില്വപാണ്ഡുകഃ
    മൂഷകാദഃ ശംഖശിരാഃ പൂർണദംഷ്ട്രോ ഹരിദ്രകഃ
13 അപരാജിതോ ജ്യോതികശ് ച പന്നഗഃ ശ്രീവഹസ് തഥാ
    കൗരവ്യോ ധൃതരാഷ്ട്രശ് ച പുഷ്കരഃ ശല്യകസ് തഥാ
14 വിരജാശ് ച സുബാഹുശ് ച ശാലിപിണ്ഡശ് ച വീര്യവാൻ
    ഹസ്തിഭദ്രഃ പിഠരകോ മുഖരഃ കോണ വാസനഃ
15 കുഞ്ജരഃ കുരരശ് ചൈവ തഥാ നാഗഃ പ്രഭാ കരഃ
    കുമുദഃ കുമുദാക്ഷശ് ച തിത്തിരിർ ഹലികസ് തഥാ
    കർകരാകർകരൗ ചോഭൗ കുണ്ഡോദര മഹോദരൗ
16 ഏതേ പ്രാധാന്യതോ നാഗാഃ കീർതിതാ ദ്വിജസത്തമ
    ബഹുത്വാൻ നാമധേയാനാം ഇതരേ ന പ്രകീർതിതാഃ
17 ഏതേഷാം പ്രസവോ യശ് ച പ്രസവസ്യ ച സന്തതിഃ
    അസംഖ്യേയേതി മത്വാ താൻ ന ബ്രവീമി ദ്വിജോത്തമ
18 ബഹൂനീഹ സഹസ്രാണി പ്രയുതാന്യ് അർബുദാനി ച
    അശക്യാന്യ് ഏവ സംഖ്യാതും ഭുജഗാനാം തപോധന