മഹാഭാരതം മൂലം/ആദിപർവം/അധ്യായം12
< മഹാഭാരതം മൂലം | ആദിപർവം
| ←അധ്യായം11 | മഹാഭാരതം മൂലം/ആദിപർവം രചന: അധ്യായം 12 |
അധ്യായം13→ |
1 [രു]
കഥം ഹിംസിതവാൻ സർപാൻ ക്ഷത്രിയോ ജനമേജയഃ
സർപാ വാ ഹിംസിതാസ് താത കിമർഥം ദ്വിജസത്തമ
2 കിമർഥം മോക്ഷിതാശ് ചൈവ പന്നഗാസ് തേന ശംസ മേ
ആസ്തീകേന തദ് ആചക്ഷ്വ ശ്രോതും ഇച്ഛാമ്യ് അശേഷതഃ
3 [ർസി]
ശ്രോഷ്യസി ത്വം രുരോ സർവം ആസ്തീക ചരിതം മഹത്
ബ്രാഹ്മണാനാം കഥയതാം ഇത്യ് ഉക്ത്വാന്തരധീയത
4 [സ്]
രുരുശ് ചാപി വനം സർവം പര്യധാവത് സമന്തതഃ
തം ഋഷിം ദ്രഷ്ടും അന്വിച്ഛൻ സംശ്രാന്തോ ന്യപതദ് ഭുവി
5 ലബ്ധസഞ്ജ്ഞോ രുരുശ് ചായാത് തച് ചാചഖ്യൗ പിതുസ് തദാ
പിതാ ചാസ്യ തദ് ആഖ്യാനം പൃഷ്ടഃ സർവം ന്യവേദയത്