മയൂഖമാല/ഓമന
< മയൂഖമാല
| ←അന്ത്യയാത്ര | മയൂഖമാല രചന: ഓമന |
നിദ്രയിൽ→ |
[ 7 ]
ഓമന
(ഒരു ലാറ്റിൻകവിത--കാറ്റല്ലസ്)
നർമ്മസല്ലാപത്തിലുത്സുകയാ,-
യെന്മനോനായിക മന്ദമന്ദം
മന്ദഹസിതമനോജ്ഞയായി-
സ്സന്തതമെത്തുന്നിതെന്നരികിൽ!
എന്തെല്ലാമായാലു,മോമലാൾത-
ന്നന്തരംഗം ഞാൻ കവർന്നുപോയി!
തീരെ പ്രതികൂലം ഭാവിച്ചാലും
താരൊളിമെയ്യതു മാമകീനം.
ഞാനു,മിന്നേറെപ്പരുഷഭാവം
സൂനാംഗിയാളോടു കാട്ടിയാലും,
എത്രയും ഗാഢമായ് സ്നേഹിപ്പു ഞാ-
നുത്തമയാകുമവളെ മാത്രം!..
ഒക്ടോബർ 1931