ഈ താളിൽ തെറ്റുതിരുത്തൽ വായന നടന്നിരിക്കുന്നു
രണ്ടാമങ്കം ൨൩
വിദൂഷകൻ--(ഇരുന്നിട്ട്) തോഴരുടെ കാമവ്യാധി ശമനോ ന്മുഖമായ നിലയിൽ തന്നെയായി.
രാജാവ്-- (സന്തോഷത്തോടെ) അവൾ ഈ അപരാധത്തിൽ നിന്നു രക്ഷപ്പെട്ടുവോ?
വിദൂഷകൻ-- അതല്ല. ആജീവനാന്ത ഋഷിപുത്രിയുടെ ദാസ്യത്തെ സ്വീകരിക്കയാണുണ്ടായത്.
രാജാവ്--എന്നാലെത്ര കഷ്ടമായി. താൻ പിന്നെ എന്താണ് എന്റെ വ്യാധിമാറുമെന്നു പറഞ്ഞത്?
വിദൂഷകൻ--തോഴർ ബുദ്ധിമാനല്ലേ? അവൾ ഈ ജന്മം അസാദ്ധ്യനിലയിലാണെന്ന് അറിഞ്ഞാൽ പിന്നെ അവളിൽ ആശ വെക്കുകയില്ലെന്നുവെച്ചു പറഞ്ഞതാണ്.
രാജാവ്--ഇങ്ങിനെ വിചാരിക്കുന്നുവോ?
അനക്കമില്ലാതനുരാഗശക്തിയാൽ
മനസ്സൊരേ വസ്തുവിലായുറക്കവേ
തനിച്ചതേ വസ്തു നശിച്ചുപോകിലോ
തനിക്കു മേലാൻ സുഖമേതുകാലമാം. ൧൦
വിദൂഷകൻ--ആ മാരണദേവത കിണറ്റിൽപ്പെട്ടപ്പോഴെക്കു പിടിച്ചുകേറ്റുവാൻ തോഴർ ഹാജരായല്ലൊ.
രാജാവ്-- അതുനിമിത്തം നന്നെ പശ്ചാത്താപമുണ്ട്. ഞാൻ കാട്ടിൽക്കൂടി വരുന്ന വഴിക്കു നിലവിളികേട്ടപ്പോൾ വല്ല പിശാചുക്കളോ മറ്റൊ ആണെന്നു സംശയിച്ചാണ് അടുത്തുചെന്നത്. പിന്നെ കയറ്റാതെ
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Mridula എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
