ഈ താളിൽ തെറ്റുതിരുത്തൽ വായന നടന്നിരിക്കുന്നു
ശകുന്തള
മർത്ത്യസാമാന്യമായ ജിജ്ഞാസയാൽ വിശ്രമിയ്ക്കുമനധ്യായമായവേളയിൽ
ആത്മവൃത്തം തിരക്കിയോരാ വടു- ശ്രേഷ്ഠനോടു തുടർന്നാൾ ശകുന്തള;--
"ശങ്കയെന്തിനി,ന്നല്ലെങ്കിലോതിടാം, സങ്കടം പറഞ്ഞൊട്ടു കുറച്ചിടാം
ഞാനൊരപ്സരഃസംഭവയാണു, വി- ജഞാനി താതനോ ബ്രഹ്മർഷിയാമൊരാൾ
കണ്വപോഷിതയായി," പിമ്പോമലിൻ കൺ നിറഞ്ഞിതു ബാല്യസ്മരണയിൽ
'താതമാതാക്കളെങ്ങുപോയ്' അന്തരാ ചോദ്യമിട്ടു കുതുകിയാമാ വടു
"അക്കഥയിരിക്കട്ടെ" തടഞ്ഞവൾ മിയ്ക്കതും തല താഴ്ത്തിത്തുടർന്നോതി:-
"ഇസ്ഥിതിക്കു നിദാനമാം സംഭവ- മൊട്ടെടുത്തു പറയേണ്ടതുണ്ടു മേ.
ഇഷ്ടമെന്താണെനിയ്ക്ക,തു നേടിയേ- യക്ഷമാലയുമച്ഛനെടുക്കുള്ളൂ;
ധാത്രി ഗൌതമിയ്ക്കിന്നുമരുമ ഞാൻ, ആത്മതുല്യയാണാളിമാർക്കത്രയോ,
41
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
