യോഗം, ഭോഗവു മാലയസ്ഥിതിയുമാസ്സത്തായ സന്യാസവും ,
ലോകേശൻ പദഭക്തി , പൂജ, ധനമാർജ്ജിക്കുന്ന മാർഗ്ഗങ്ങളും ,
ത്യാഗം, നേർച്ചക, ളെന്നുവേണ്ട വലുതാം തീവ്രവ്രതാദ്യങ്ങളും
ഹാ, കാണേണ്ടിവയൊക്കെയേറ്റമവതന്നുള്ളൂടു മൂടാടിജ്ഞാൻ !! 3.
കാണുന്നില്ലൊരു ചെറ്റു സൗഖ്യമിവിടെക്കാനൽജലത്തെക്കൊതി - ച്ചേണം പോലുഴലുന്നതാണു രസമോഹംതേടുമിജ്ജീവിതം ! ഊനംവിട്ടഗുണങ്ങളെത്രയൊരുവന്നുൾത്താരിൽ വർദ്ധിക്കുമോ നൂനം ജീവിതമത്രദുസ്സഹവുമായ്, ത്തീരുന്നു പാരിൽ സഖേ!! 4.
സ്വാർഥപ്രീതിവെടിഞ്ഞു വിസ്തൃത മനസ്സാം ഭക്തനല്ലോ ഭവാ നോർത്താലിങ്ങിനെയുള്ളവർക്കിവിടെ വാഴാവല്ല തെല്ലും സഖേ ! അത്യന്തോഗ്രമിരുമ്പുകൂട മെതിരിട്ടേറ്റുന്നതല്ലാകവേ പുത്തൻചാരുപളുങ്കുപാവയുടെമേലേൾക്കിൽ സഹിക്കാവതോ! 5
ഉള്ളത്തിൽ കനിവൊട്ടുമെന്നി യതിനീചത്വത്തൊടും , നല്ലതേൻ - തുള്ളിക്കൊത്തുമതൃത്തെഴും മൊഴിയൊടും നഞ്ചൊത്തനെഞ്ചത്തൊടും കള്ളംതന്നെനിറഞ്ഞു നേരകലയായ് തന്നെബ്ഭരിപ്പാൻസ്വയം തള്ളിക്കേറുമൊരുത്തനാകിലിവിടെസ്സൗഖ്യം നിനക്കും സഖേ! 6.
നന്നായാഞ്ഞഥ ജീവിതം പണയമായ് വച്ചൂ പഠിച്ചീടുവാ നിന്നേവം വിധമായിതെന്റെ സമയം ഹാ! പാതിയും പോയിതേ! എന്നല്ലുൾപ്രിയ മൂലമായിഹ സഖേ! യുന്മത്തനെപ്പോലെ ഞാൻ ചെന്നോരോന്നു പിടിച്ചതൊക്കെ നിഴൽപോൽ നിസ്സാരമായ്പോയിതോ!! 7
കൂറുള്ളോരുടെ കൂട്ടുവിട്ടിഹ ഹ! ഞാൻ കൂറക്കരക്കെട്ടതിൽ
കീറക്കച്ചയുടുത്തു കണ്ടപടിതോറും പോയിരുന്നൂ സഖേ: !
തീരെ ക്ളേശമിയന്നതീവ്രതമായീടും വ്രതം നോറ്റു താൻ
പാരം മേനിയലഞ്ഞുഹാ ! ഫലമെനിക്കുണ്ടായതെന്തായതിൽ ?!! 8.
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Sujanika എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
