26 പ്രഭുശക്തി
==
ആരാണു താനരിമയായ് ഭജനം മുഴുത്തി-
ട്ടൂരാണ്മയായ നിലയിൽ പെരുമാറിടുന്നോൻ;
നേരായ് തെളിഞ്ഞ വഴി വിട്ടു നടപ്പവൎക്കു
ധാരാളമായ് ധരണിയിങ്കലബദ്ധമുണ്ടാം. ൩൪
വീട്ടിൽ തരപ്പിഴവുകൊണ്ടിവിടേയ്ക്കു വന്നു
കൂട്ടിന്നു വൻ കുസൃതിയുള്ളവരോടടുത്തു
നാട്ടിൽ പ്രഭുത്വമിയലുന്നവരെച്ചതിപ്പൂ;
കാട്ടിത്തരാമിതിലെഴും ഫലമിന്നുതന്നെ. ൩൫
ചൊന്നാൻ കുറുപ്പതിനൊരുത്തരമിജ്ജനത്തെ
നന്നാക്കുവാൻ കടമയുള്ള ഭവാന്റെ നേതാ
ഇന്നാട്ടിലുള്ളവരെയൊക്കെ മുടിക്കമൂലാ
വന്നാവിപത്തിനിവിടെപ്പഴി ചൊൽ വതാരേ? ൩൬
കാലം കഴിപ്പതിനു കൈവശമൊന്നുമില്ലാ-
താലാബമറ്റൊരുവിധത്തിലെടുത്തു കൂടി
ശീലം ധരിച്ചു വലിയോരെ വശപ്പെടുത്തി-
ക്കാലം വരയ്പതിഹ നിങ്ങടെ കൂട്ടരത്രേ. ൩൭
തട്ടിപ്പെഴും നുണയർ വല്ലതുമപ്പഴപ്പോൾ
തട്ടിപ്പതിന്നു പറയും ചില ഭോഷ്കു കേട്ടു
കെട്ടിച്ചമഞ്ഞഭിനയിപ്പൊരു വിഢ്ഢി താനേ
മുട്ടിത്തിരിഞ്ഞൊടുവിലേറെ വിഷണ്ണനാകും. ൩൮
ശീലം പിഴച്ച ചപലോക്തികളേവമോതി-
ക്കാലം തുലച്ചിടുവതെന്തിനു നമ്മൾ പാഴെ
കുലം കവിഞ്ഞ ധൃതിയാൽ നിജജീവിതത്തെ
ലേലം വിളിച്ചു കളവാനിഹ വന്നതല്ലേ? ൩൯
![]() ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Amjad Hanan K എന്ന ഉപയോക്താവിനായിരിക്കും. | |||||
ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
(സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |