പടയ്ക്കു മറുതല തിരിയ്ക്കുന്നൊരു മുഖം
സീതയെത്തന്നെ നിനച്ചീടുന്നതൊരു മുഖം
മധുവും മാംസവും ഭക്ഷിയ്ക്കുന്നതൊരു മുഖം
ഇന്ദ്രജിത്തിനെ വിളിച്ചീടുന്നതൊരു മുഖം
വരവും പെരുക്കീട്ടു വസിയ്ക്കുന്നൊരു മുഖം
പാണികളിരുപതിൽ നിറച്ചും വളകളും
മാർപതം ചവിടിയും കഴുത്തിൽ മാലകളും
ഭംഗിയിൽ ആട പട്ടു ഞൊറിഞ്ഞു ചാർത്തി തൊങ്ങൽ
പൊൻമണി അരഞ്ഞാളും കൂടെത്താൻ പലതിട്ടു
കാൽചിലമ്പോടു നല്ല പൊന്നുമേ കിരീടവും
കയ്ക്കു മോതിരം നല്ല കപട നെററിപ്പൊട്ടും
കവചവും നക്രചക്രവും തെളിതാര
വാക്കിനു ഭംഗിയേറും നാവുതൻ ഗുണങ്ങളും
അററമായുധങ്ങുളം ആന തേർ കുതിരയും
കണ്ടപ്പോൾ അമ്മമാ‌ർകൾ സന്തോഷിച്ചവളേയും
കളിയോടൊന്നു ചൊല്ലി വാങ്ങിച്ചു സുമിത്രയും
കൌതുകത്തോടു കണ്ടു മൂവരും തെളിഞ്ഞിട്ടു
കാണാതെ മറയിൽകൊണ്ടൊളിച്ചു കൊണ്ടുവച്ചു
കീഴിലുണ്ടായ മൊഴി അമ്മമാർ പറയുന്നു
മൂവരുമൊരുമിച്ചു കലഫിഹിച്ചുടൻ തമ്മിൽ
വരുന്ന വഴി പിഴവിഴുകാതുടൻ നോക്കി
ഇരിക്കുന്നേരത്തിങ്കൽ വരുന്നു രാമദേവൻ
പെരിയ പെരുമ്പടക്കൂട്ടവും താനുമായി
അമരരാജന്മാരും ഇന്ദ്രനും ദേവകളും
നിഴലും സ്വരൂപവും ഇളയ ബാലന്മാരും
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
