ഈ താളിന്റെ സാധുത തെളിയിക്കപ്പെട്ടതാണ്
32
വൻ പറഞ്ഞു――"ഇതിന്റെ കിഴക്കുവശം കാടായി കിടക്കുന്ന സ്ഥലം കിടാവിത്തു കൃഷിക്കു കുറെക്കൂട്ടി നന്നാണെന്നു് തോന്നുന്നു. ഇതു ആരുടെ എങ്കിലും പേരിൽ പതിഞ്ഞിട്ടുള്ളതാണോ?"
ആ--"ദേവസ്വം വക തരിശായി കിടക്കയാണ്. കാടുതെളിക്കാൻ തന്നെ കുറെ വിഷമമാണു്."
രാ--"കാടു തെളിച്ചു ശരിപ്പെടുത്തിയാൽ ആശാന്റെ നന്താവനത്തെക്കാൾ ഫലപുഷ്ഠിയുള്ള ഭൂമിയായിത്തീരുമെന്നു തൊന്നുന്നു."
ആ--"അതിനു സംശയമില്ല. എല്ലാത്തരം കൃഷികൾക്കും ഈ സ്ഥലം ഉപയോഗപ്പെടുത്താം. ചിറയോടു ചേൎന്നു കിടക്കുന്ന ഒരു നൂറുപറ വിത്തുപാടു സ്ഥലം നല്ല ഒന്നാംതരം വിരിപ്പൂനിലമാക്കിത്തീൎക്കാം, അതിനു മേലേവശം,തെങ്ങു കൃഷിക്കു വളരെ വിശേഷപ്പെട്ട സ്ഥലമാണു്. അതിനും മേലേവശം, എല്ലാത്തരം കരക്കൃഷികൾക്കും കൊള്ളാം. കുറേ കിഴക്കായി ഒരു തോടുള്ളതു് അമരാവതിയിൽ നിന്നു് മതിലിച്ചിറയിലേയ്ക്കുള്ള ഒരു കൈവഴിയാണു്. പലേടത്തും കര ഇടിഞ്ഞുവീണു് നികന്നു പോയതിനാൽ വൎഷകാലത്തു മാത്രമേ ഇപ്പോൾ അതിൽ വെള്ളമുള്ളു. തെളിച്ചു നേരേ ആക്കാമെങ്കിൽ, പരിശുദ്ധജലം എപ്പോഴും ഒഴുകിക്കൊണ്ടിരിക്കും. വടക്കുകിഴക്കായിക്കാണുന്ന ആ പേരാലിന്റെ കിഴക്കുവശത്തു് ഒരു നല്ല വെള്ളച്ചാട്ടമുണ്ടായിരുന്നു. ഞാൻ ഇവിടെ വന്ന ഇടയ്ക്ക് പതിവായി കുളിച്ചുവന്നത് അവിടെയാണു്.
പന്തലിലും വീട്ടുമുറ്റത്തും വിരിച്ചിരിക്കുന്ന ആറ്റുമണൽ അവിടെനിന്നു കൊണ്ടുവന്നതാണു്."
