ഈ താളിൽ തെറ്റുതിരുത്തൽ വായന നടന്നിരിക്കുന്നു
-43-
20. ദൃഷ്ടാന്തമാല.
————:*:————
ധന്യൻ ധനഞ്ജയനപാരപരാക്രമൻ താൻ
മുന്നം വിരാടനഗരത്തിലിരുന്ന കാലം
തന്വംഗിമാരുടയ നൎത്തകനായി; കാല-
ത്തിന്നൊത്തകോലമഖിലൎക്കുമതീവയുക്തം.
ധന്യത്വമുള്ള മുകിൽവൎണ്ണനെ യാഗമധ്യേ
നിന്ദിച്ചസഭ്യമുരചെയ്തൊരു ചേദിരാജൻ
ഖിന്നത്വമാൎന്നവിടെ വെച്ചു നശിച്ചുപോയി-
യെന്നോൎക്ക നല്ലവരെ വല്ലതുമോതിടൊല്ല.
പാൎത്തട്ടടക്കിയൊരു കൗരവരെ ജ്ജയിച്ചു
പാൎത്തീടുവാൻ വിരുതരെങ്കിലു മന്നുകാട്ടിൽ
പാൎത്താൽ പൃഥാതനയർ; സത്തുക്കൾ കാലമേറ്റ-
മോൎത്താണു സൎവ്വസമയത്തുമിരിപ്പതല്ലൊ.
സമ്പത്തിനാൽ മദമെഴും നഹുഷക്ഷിതീശൻ
കുംഭോൽഭവാവമതി ചെയ്തഥ ശാപമൂലം
പാമ്പായ്ഭവിച്ചു ബഹുകാലമഹോവലഞ്ഞൂ:
സമ്പത്തു കൊണ്ടു മദമാൎക്കുമുദിച്ചിടൊല്ലേ.
പാടേ കുചേലനു, ദരിദ്രതയായ ദുഃഖ-
ച്ചൂടോടെ ചെന്നു ഹരിയെബ്ബത കണ്ടമൂലം
