ഈ താളിന്റെ സാധുത തെളിയിക്കപ്പെട്ടതാണ്
24
10. അമ്പിളി
--
(പാനമട്ട്)
തുമ്പപ്പൂവിലും തൂമയേഴും നിലാ-
വമ്പിൽ തൂവിക്കൊണ്ടാകാശവീഥിയിൽ
അമ്പിളി പൊങ്ങി നില്ക്കുന്നിതാ മര-
ക്കൊമ്പിൽ നിന്നു കോലോളം ദൂരത്തിൽ
വെള്ളമേഘ ശകലങ്ങളാം നുര
തള്ളിച്ചുകൊണ്ടു ദേവകൾ വിണ്ണാകും-
വെള്ളത്തിൽ വിളയാടിത്തുഴഞ്ഞു പോം
വെള്ളിയോടമിതെന്നു തോന്നീടുന്നു!
വിണ്മേൽനിന്നു മന്ദസ്മിതം തൂവുമെൻ
വെൺമതിക്കൂമ്പേ നിന്നെയീയന്തിയൽ
അമ്മ തന്നങ്കമേറിയെൻ സോദര
"നമ്മാവാ" യെന്നലിഞ്ഞു വിളിക്കുന്നു!
ദേഹശോഭ പോലുള്ളത്തിൽ കൂറുമീ-
മോഹനാകൃതിക്കുണ്ടിതൻ പിന്നാലെ,
സ്നേഹമോടും വിളിക്കും വഴിപോരു-
ന്നാഹാ! കൊച്ചുവെള്ളാട്ടിൻ കിടാവു പോൽ.
