ഈ താളിൽ തെറ്റുതിരുത്തൽ വായന നടന്നിരിക്കുന്നു
കുന്നു. ഇതിനു് അയൽരാജ്യമായ കൊച്ചിയേക്കാൾ ൫ ഇരട്ടി വലിപ്പമുണ്ട്. മൈസൂർ തിരുവിതാംകൂറിനേക്കാൾ നാലിരട്ടി വലിപ്പം കൂടിയതാണു്. വിസ്തീർണ്ണം നോക്കിയാൽ ഇൻഡ്യയിലുള്ള നാട്ടുരാജ്യങ്ങളിൽ ൧൯-ാമത്തെ സ്ഥാനമാണു് ഈ സംസ്ഥാനത്തിനുള്ളതു്. കുടിപാർപ്പുനോക്കിയാൽ മൂന്നാമത്തെ സ്ഥാനമുണ്ടു്.
വിഭാഗങ്ങൾ.
ഈ സംസ്ഥാനത്തെ ൩0 താലൂക്കുകളായി വിഭജിച്ചിരിക്കുന്നു. താലൂക്കുകൾ ഇവയാണു.--
| ൧. | തോവാള | ൧൬. | മാവേലിക്കര |
| ൨. | അഗസ്തീശ്വരം | ൧൭. | പത്തനംതിട്ട |
| ൩. | കൽക്കുളം | ൧൮. | തിരുവല്ല |
| ൪. | വിളവങ്കോടു് | ൧൯. | അമ്പലപ്പുഴ |
| ൫. | നെയ്യാറ്റുങ്കര | ൨0. | ചേർത്തല |
| ൬. | തിരുവനന്തപുരം | ൨൧. | വൈക്കം |
| ൭. | നെടുമങ്ങാടു് | ൨൨. | കോട്ടയം |
| ൮. | ചിറയിൻകീഴു് | ൨൩. | ചങ്ങനാശ്ശേരി |
| ൯. | കൊട്ടാരക്കര | ൨൪. | മീനച്ചൽ |
| ൧0. | പത്തനാപുരം | ൨൫. | തൊടുപുഴ |
| ൧൨. | ചെങ്കോട്ട | ൨൬. | മുവാറ്റുപുഴ |
| ൧൨. | കൊല്ലം | ൨൭. | കുന്നത്തുനാടു് |
| ൧൩. | കുന്നത്തൂർ | ൨൮. | പറവൂർ |
| ൧൪. | കരുനാഗപ്പള്ളി | ൨൯. | ദേവികുളം |
| ൧൫. | കാർത്തികപ്പള്ളി | ൩0. | പീരുമേടു്. |
പത്തനംതിട്ട ഒരു പുതിയ താലൂക്കാണു്. കുറച്ചു മുമ്പുവരെ ഇരണിയൽ, ചെങ്ങന്നൂർ, ഏറ്റുമാനൂർ, ആലങ്ങാട് എന്നു നാലു താലൂക്കുകൾ കൂടി ഉണ്ടായിരുന്നു. ഇടയ്ക്കു പരിഷ്കരിച്ചപ്പോൾ ഇവയെ പിരിച്ചു സമീപതാലൂക്കുകളോടു ചേർക്കയുണ്ടായി.
അദ്ധ്യായം ൨.
പ്രകൃതിരൂപം.
പർവ്വതങ്ങൾ.
മലയ്ക്കും സമുദ്രത്തിനും മദ്ധ്യേ സ്ഥിതിചെയ്യുന്ന ഭൂമിയാകകൊണ്ടു് ഈ സംസ്ഥാനം പൊക്കംകൂടിയ കിഴക്കേ അതിരുമുതൽ
