താൾ:Communist Manifesto (ml) appendix.djvu/11

വിക്കിഗ്രന്ഥശാല സംരംഭത്തിൽ നിന്ന്
Jump to navigation Jump to search
ഈ താളിൽ തെറ്റുതിരുത്തൽ വായന ഉണ്ടായിട്ടില്ല



ചോ­ദ്യം 13: മു­റ­യ്ക്കു് ആവർത്തി­ക്കു­ന്ന ഈ വാ­ണി­ജ്യ പ്ര­തി­സ­ന്ധി­ക­ളിൽ നി­ന്നു് എത്തി­ചേ­രാ­വു­ന്ന നി­ഗ­മ­ന­ങ്ങൾ എന്തെ­ല്ലാ­മാ­ണു്

ഉത്ത­രം: ഒന്നാ­മ­ത്, വൻകി­ട­വ്യ­വ­സാ­യം തന്നെ­യാ­ണ് അതി­ന്റെ വി­കാ­സ­ത്തി­ലെ പ്രാ­രം­ഭ­ഘ­ട്ട­ങ്ങ­ളിൽ സ്വ­ത­ന്ത്ര­മ­ത്സ­രം സൃ­ഷ്ടി­ച്ച­തെ­ങ്കി­ലും ഇപ്പോ­ഴ­ത് സ്വ­ത­ന്ത്ര­മ­ത്സ­ര­ത്തി­ന­പ്പു­റ­ത്തേ­ക്ക് വളർന്നി­രി­ക്കു­ന്നു. മത്സ­ര­വും പൊ­തു­വിൽ വ്യ­ക്തികൾ ഒറ്റ­യ്ക്കൊ­റ്റ­യ്ക്ക് വ്യാ­വ­സാ­യി­കോ­ല്പാ­ദ­നം നട­ത്തു­ന്ന­തും വൻകി­ട­വ്യ­വ­സാ­യ­ത്തി­നൊ­രു വി­ല­ങ്ങാ­യി­ത്തീർന്നി­രി­ക്കു­ന്നു. ആ വി­ല­ങ്ങ് അതു പൊ­ട്ടി­ക്ക­ണം, പൊ­ട്ടി­ക്കു­ക­യും ചെ­യ്യും. വൻകി­ട­വ്യ­വ­സാ­യം ഇന്ന­ത്തെ അടി­സ്ഥാ­ന­ത്തിൽ നട­ത്ത­പ്പെ­ടു­ന്ന കാ­ല­ത്തോ­ളം ഏഴു വർഷം കൂ­ടു­മ്പോൾ ആവർത്തി­ക്കു­ന്ന പൊ­തു­പ്ര­തി­സ­ന്ധി­യി­ലൂ­ടെ കട­ന്നു­പൊ­യ്ക്കൊ­ണ്ടു മാ­ത്ര­മേ അതിനു നിലനിൽക്കു­വാൻ കഴിയൂ. ആ കു­ഴ­പ്പം ഓരോ തവ­ണ­യും നാ­ഗ­രി­ക­ത­യെ ഒന്ന­ട­ങ്കം ഭീ­ഷ­ണി­പ്പെ­ടു­ത്തു­ന്നു. അത് തൊ­ഴി­ലാ­ളി­ക­ളെ ദു­രി­ത­ത്തി­ന്റെ പടു­കു­ഴി­യി­ലേ­ക്ക് വലി­ച്ചെ­റി­യു­ന്നു­വെ­ന്ന് മാ­ത്ര­മ­ല്ല, വള­രെ­യേ­റെ ബൂർഷ്വാ­ക­ളെ­ക്കൂ­ടി നശി­പ്പി­ക്കു­ന്നു. അതു­കൊ­ണ്ട് ഒന്നു­കിൽ വൻകി­ട­വ്യ­വ­സാ­യ­ത്തെ ഉപേ­ക്ഷി­ക്ക­ണം. അതു സാ­ദ്ധ്യ­മ­ല്ലെ­ങ്കിൽ പര­സ്പ­രം മത്സ­രി­ക്കു­ന്ന ഒറ്റ­യ്ക്കൊ­റ്റ­യ്ക്കു­ള്ള ഫാ­ക്ട­റി ഉടമകൾക്കു പകരം സമൂ­ഹ­മൊ­ട്ടാ­കെ ഒരു നി­ശ്ചി­ത­പ­ദ്ധ­തി­യ­നു­സ­രി­ച്ചും എല്ലാ­വ­രു­ടെ­യും ആവ­ശ്യ­ങ്ങ­ള­നു­സ­രി­ച്ചും വ്യാ­വ­സാ­യി­കോ­ല്പാ­ദ­നം നട­ത്തി­ക്കൊ­ണ്ടു­പോ­കു­ന്ന തി­ക­ച്ചും പു­തി­യൊ­രു സാ­മൂ­ഹ്യ­സം­വി­ധാ­നം അത് ആവ­ശ്യ­മാ­ക്കി­ത്തീർക്കു­ന്നു.

രണ്ടാ­മ­ത്, സമൂ­ഹ­ത്തി­ലെ ഓരോ അം­ഗ­ത്തി­നും തി­ക­ഞ്ഞ സ്വാ­ത­ന്ത്ര്യ­ത്തോ­ടെ തന്റെ എല്ലാ ശക്തി­ക­ളും കഴി­വു­ക­ളും വി­ക­സി­പ്പി­ക്കു­വാ­നും പ്ര­യോ­ഗി­ക്കു­വാ­നും കഴി­യു­മാ­റ് ജീ­വി­ത­ത്തി­നാ­വ­ശ്യ­മായ എല്ലാ സാ­മ­ഗ്രി­ക­ളും അത്ര­യ­ധി­കം ഉല്പാ­ദി­പ്പി­ക്ക­പ്പെ­ടു­ന്ന ഒരു സാ­മൂ­ഹ്യ­ക്ര­മ­ത്തെ നിലവിൽ കൊ­ണ്ടു­വ­രാൻ വൻകി­ട­വ്യ­വ­സാ­യ­ത്തി­നും അതു സാ­ദ്ധ്യ­മാ­ക്കി­ത്തീർത്തി­ട്ടു­ള്ള അപ­രി­മി­ത­മായ ഉല്പാ­ദന വി­ക­സ­ന­ത്തി­നും കഴി­യു­ന്ന­താ­ണ്. അങ്ങി­നെ ഇന്ന­ത്തെ സമൂ­ഹ­ത്തിൽ എല്ലാ ദു­രി­ത­ങ്ങ­ളും എല്ലാ വാ­ണി­ജ്യ­പ്ര­തി­സ­ന്ധി­ക­ളും ഉള­വാ­ക്കു­ന്ന­ത് വൻകി­ട­വ്യ­വ­സാ­യ­ത്തി­ന്റെ ഏതു ഗു­ണ­മാ­ണോ അതേ ഗുണം തന്നെ­യാ­ണ് വ്യ­ത്യ­സ്ത­മാ­യൊ­രു സാ­മൂ­ഹ്യ­സം­വി­ധാ­ന­ത്തിൻ കീഴിൽ ഈ ദു­രി­ത­ങ്ങ­ളും വി­നാ­ശ­ക­ര­മായ ചാ­ഞ്ചാ­ട്ട­ങ്ങ­ളും നശി­പ്പി­ക്കു­ന്ന­ത്.

"https://ml.wikisource.org/w/index.php?title=താൾ:Communist_Manifesto_(ml)_appendix.djvu/11&oldid=157952" എന്ന താളിൽനിന്ന് ശേഖരിച്ചത്