ഈ താളിൽ തെറ്റുതിരുത്തൽ വായന നടന്നിരിക്കുന്നു
ചന്ദനപർവത മന്ദമരുത്തും
ചഞ്ചല വണ്ടുകളുടെ ഝംകൃതിയും
സുന്ദരി കുയിലുകളുടെ സൂക്തിയും
സുഖമേകുമിഹ വസന്തേ.
ശൃണുസഖി, കൃഷ്ണൻ ക്രീഡിക്കുന്നു തൃഷ്ണതകും
സഖിമാരൊടു സാകം കൃപയുള്ളൊരു മുകുന്ദൻ.
മന്മഥമഥനം കൊണ്ടു കരഞ്ഞും
മരണമതിൽ സുഖമെന്നു പറഞ്ഞും
കല്മഷമോർക്കും വിരഹിണിമാരെ-
ക്കരയിക്കുന്നു കാലം……(ശൃണുസഖി)
പ്ലാശുമ്പൂക്കളഹോ യുവഹൃദയം
ക്ലേശം കൂടാതെ ഭേദിപ്പാൻ
ആശമുഴുത്തൊരു കാമദേവന്റെ നഖ-
രാശികണക്കെ വിളങ്ങീടുന്നു….(ശൃണു സഖി)
പുന്നപ്പൂവുവിടർന്നിതു മനസിജ-
മന്നവ വീരന്റെ-
പൊന്നുങ്കാലുള്ളൊരു വെള്ളക്കുട
മിന്നുന്നതുപോലെ മിന്നുന്നു….(ശൃണു സഖി)
ഫുല്ലമല്ലിക കുറുമൊഴി പിച്ചക-
മെല്ലാ മലരുകടേയും
