ഈ താളിൽ തെറ്റുതിരുത്തൽ വായന നടന്നിരിക്കുന്നു
- സത്യജ്ഞാനസ്വരൂപനഹമെന്നും
- സിദ്ധമാമതിനില്ലൊരു സംശയം.
- പുത്രദാരധനാദികളെക്കാളും
- എത്രയും പ്രിയനാകയാൽ നിത്യവും
- സുപ്തിയിൽ വിപരീതമാം ബുദ്ധികൾ
- ഒക്കെയും നശിച്ചീടുന്ന നേരത്തു
- പ്രേമശേഷനായി ശേഷിക്കകൊണ്ടു-
- മഹമാനന്ദരൂപനെന്നും സിദ്ധം.
- ജാഗ്രദാദിയിൽ ദേഹാദി നിഷ്ഠമാം
- സുഖദുഃഖാദിസാക്ഷിസ്വരൂപമായ്
- സംബന്ധമൊന്നും കൂടാതെ നിൽക്കയാൽ
- അസംഗനഹമെന്നോ ദൃഢമല്ലോ.
- സ്വപ്നത്തിലും സുഷുപ്തിയിലും പിന്നെ
- ചന്ദ്രസൂര്യപ്രകാശാദി കൂടാതെ
- സ്വപ്നവിശ്വവും കാരണജ്ഞാനവും
- ആത്മാവിങ്കൽ പ്രകാശിക്ക മൂലമായ്
- സ്വപ്രകാശസ്വരൂപനഹമെന്നും
- ഇപ്രകാരമറികയാൽ സിദ്ധമായ്.
- വിശ്വമൊക്കെയും സ്വപ്നജഗത്തിന്റെ
- ദ്രഷ്ടാവായീടുമെങ്കിലവിവേകാൽ
- കല്പിതമത്രയല്ലാതെയില്ലൊന്നും
- അതുകൊണ്ടഹമദ്വയനായല്ലോ.
- നിത്യത്വം കൊണ്ടും സർവാത്മത്വം കൊണ്ടും
- പൂർണ്ണത്വവുമനന്തത്വവും കൊണ്ടും
