— 58 —
31. അഭ്യാസം.
1. ചെറുകുട്ടികൾ നല്ല വാക്കുകൾ പറയേണം. 2. ഇഴജന്തുക്കൾ ചെറു
കുറുകാൽകൊണ്ടു ഇഴയുന്നു. 3. വലിയ ജനസമൂഹം ചെറിയ സ്ഥലത്തു കൂടി
യാൽ തമ്മിൽ തിക്കും തിരക്കും ഉണ്ടാകും. 4. പച്ച മാങ്ങ തിന്നേണ്ട. പഴുത്ത
മാങ്ങ തിന്നുവിൻ. 5. നെടിയ മനുഷ്യൻ കോടി വസ്ത്രം ഉടുത്തു പാഴ്പറമ്പിലെ
പൊട്ടകിണററിന്റെ അരികേ ഇരുന്നു പച്ചവെള്ളം കുടിച്ചു. 6. അരിയ
വില്ലാളി കൊടിയ ശത്രുക്കളോടു എതിൎത്തു. 7. തെളിഞ്ഞ പുതുവെള്ളം കുടിക്ക.
(1) ഇവയിൽ ഉള്ള ഗുണവചനങ്ങളെ പറക. (2) നല്ല, ഇളയ, പഴയ, കുറി
യ, നേരിയ, കറുത്ത, പച്ച, ഉരുണ്ട ഇവയെ ഓരോ നാമത്തോടു ചേൎത്തു വാ
ക്യങ്ങളെ ഉണ്ടാക്കുക.
(ii) വിശേഷ്യവിശേഷണങ്ങൾ.
101. അനേകവസ്തുക്കുൾക്കു സമമായ ഗുണങ്ങൾ ഉണ്ടെ
ങ്കിൽ ആ ഗുണസാമ്യം ഹേതുവായിട്ടു വസ്തുക്കളെ വൎഗ്ഗങ്ങൾ
ആക്കാമെന്നും ഗുണങ്ങൾ വസ്തുക്കളിലുള്ളവയെന്നും മൂമ്പെ
പറഞ്ഞിരിക്കുന്നു. ദ്രവ്യത്തിന്നു അനേകഗുണങ്ങളുള്ളവയിൽ
ഏവയെയാകുന്നു പ്രസംഗത്തിൽ ഗ്രഹിക്കേണ്ടതു എന്നു
കാണിപ്പാനായിട്ടു ഗുണവചനങ്ങളെ പ്രയോഗിക്കുന്നു. ഗുണ
വചനം ജാതിസംഖ്യയെ കുറക്കുകയും ഗുണസംഖ്യയെ അധി
കമാക്കുകയും ചെയ്യുന്നു. അപ്പോൾ ഗുണവചനം ഏതുനാ
മത്തോടു ചേൎന്നിരിക്കുന്നുവോ ആ നാമത്തെ വിശേഷിക്കുന്നു
എന്നു പറയും. ഒരു വസ്തുവിനെയോ വ്യാപാരത്തെയോ
സംബന്ധിച്ചു പറയുമ്പോൾ അതിന്റെ ഗുണങ്ങളെയോ
മറ്റുവല്ല സംഗതിയെയോ കാണിക്കുന്ന പദങ്ങൾ വിശേഷ
ണൾ ആകുന്നു. വിശേഷണം ഏതിനോടു ചേരുന്നുവോ
ആയതിനെ വിശേഷ്യം എന്നു പറയും.
വെള്ളക്കുതിര എന്നതിൽ കുതിര "വിശേഷ്യവും" വെള്ള
"വിശേഷണവും" ആകുന്നു.
