ശ്രീമഹാഭാഗവതം/മുകുന്ദാഷ്ടകം
| ←ഗോവിന്ദാഷ്ടകം | ഭാഗവതം കിളിപ്പാട്ട് (കിളിപ്പാട്ട്) രചന: മുകുന്ദാഷ്ടകം |
ഹരിപദാഷ്ടകം→ |
കരാരവിന്ദേന പദാരവിന്ദം
മുഖാരവിന്ദേ വിനിവേശയന്തം
വടസ്യ പത്രസ്യ പുടേ ശയാനം
ബാലം മുകുന്ദം മനസാ സ്മരാമി.
സംഹൃത്യ ലോകാൻ വടപത്രമദ്ധ്യേ
ശയാനമാദ്യന്തവിഹീനരൂപം
സർവ്വേശ്വരം സർവ്വഹിതാവതാരം
ബാലം മുകുന്ദം മനസാ സ്മരാമി.
ആലോക്യ മാതുർമ്മുഖമാദരേണ
സ്തന്യം പിബന്തം സരസീരുഹാക്ഷം
സച്ചിന്മയം ദേവമനന്തരൂപം
ബാലം മുകുന്ദം മനസാ സ്മരാമി.
ഇന്ദീവരശ്യാമളകോമളാംഗം
ഇന്ദ്രാദി ദേവാർച്ചിതപാദപദ്മം
സന്താന കല്പദ്രുമമാശ്രിതാനാം
ബാലം മുകുന്ദം മനസാ സ്മരാമി.
കളിന്ദജാന്തഃസ്ഥിതകാളിയസ്യ
ഫണാഗ്രരംഗേ നടനപ്രിയം തം
തത്പുച്ഛഹസ്തം ശരദിദ്ന്ദുവക്ത്രം
ബാലം മുകുന്ദം മനസാ സ്മരാമി.
ശിക്യേ നിധായാജ്യപയോദധീനി
തിര്യഗ്ഗതായാം വ്രജനായികായാം
ഭുക്ത്വാ യദേഷ്ടം കപടേന സുപ്തം
ബാലം മുകുന്ദം മനസാ സ്മരാമി.
ലംബാളകം ലംബിതഹാരയഷ്ടിം
ശ്രൃംഗാര ലീലാങ്കുരദന്തപംക്തിം
ബിംബാധരം ചാരുവിശാലനേത്രം
ബാലം മുകുന്ദം മനസാ സ്മരാമി.
ഉലൂഖലേ ബദ്ധമുദാരചൗര്യ-
മുത്തുംഗയുഗ്മാർജ്ജുനഭംഗലീലം
ഉത്ഫുല്ല പദ്മായതചാരുനേത്രം
ബാലം മുകുന്ദം മനസാ സ്മരാമി.
- ഫലശ്രുതി
ഏവം മുകുന്ദാഷ്ടക
മാദരേണ
സകൃത് പഠേദ് യഃ സ ലഭേത നിത്യം
ജ്ഞാനപ്രദം പാപഹരം പവിത്രം
ശ്രിയശ്ച വിദ്യാ ച യശശ്ച മുക്തിം.