മഹാഭാരതം മൂലം/സഭാപർവം/അധ്യായം9

വിക്കിഗ്രന്ഥശാല സംരംഭത്തിൽ നിന്ന്
മഹാഭാരതം മൂലം/സഭാപർവം
രചന:വ്യാസൻ
അധ്യായം9

1 [ൻ]
     യുധിഷ്ഠിര സഭാ ദിവ്യാ വരുണസ്യ സിതപ്രഭാ
     പ്രമാണേന യഥാ യാമ്യാ ശുഭപ്രാകാരതോരണാ
 2 അന്തഃ സലിലം ആസ്ഥായ വിഹിതാ വിശ്വകർമണാ
     ദിവ്യരത്നമയൈർ വൃക്ഷൈഃ ഫലപുഷ്പപ്രദൈർ യുതാ
 3 നീലപീതാസിത ശ്യാമൈഃ സിതൈർ ലോഹിതകൈർ അപി
     അവതാനൈസ് തഥാ ഗുൽമൈഃ പുഷ്പമഞ്ജരി ധാരിഭിഃ
 4 തഥാ ശകുനയസ് തസ്യാം നാനാരൂപാ മൃദു സ്വരാഃ
     അനിർദേശ്യാ വപുഷ്മന്തഃ ശതശോ ഽഥ സഹസ്രശഃ
 5 സാ സഭാ സുഖസംസ്പർശാ ന ശീതാ ന ച ഘർമദാ
     വേശ്മാസനവതീ രമ്യാ സിതാ വരുണപാലിതാ
 6 യസ്യാം ആസ്തേ സ വരുണോ വാരുണ്യാ സഹ ഭാരത
     ദിവ്യരത്നാംബര ധരോ ഭൂഷണൈർ ഉപശോഭിതഃ
 7 സ്രഗ്വിണോ ഭൂഷിതാശ് ചാപി ദിവ്യമാല്യാനുകർഷിണഃ
     ആദിത്യാസ് തത്ര വരുണം ജലേശ്വരം ഉപാസതേ
 8 വാസുകിസ് തക്ഷകശ് ചൈവ നാഗശ് ചൈരാവതസ് തഥാ
     കൃഷ്ണശ് ച ലോഹിതശ് ചൈവ പദ്മശ് ചിത്രശ് ച വീര്യവാൻ
 9 കംബലാശ്വതരൗ നാഗൗ ധൃതരാഷ്ട്ര ബലാഹകൗ
     മണിമാൻ കുണ്ഡലധരഃ കർകോടക ധനഞ്ജയൗ
 10 പ്രഹ്ലാദോ മൂഷികാദശ് ച തഥൈവ ജനമേജയഃ
    പതാകിനോ മണ്ഡലിനഃ ഫണവന്തശ് ച സർവശഃ
11 ഏതേ ചാന്യേ ച ബഹവഃ സർപാസ് തസ്യാം യുധിഷ്ഠിര
    ഉപാസതേ മഹാത്മാനം വരുണം വിഗതക്ലമാഃ
12 ബലിർ വൈരോചനോ രാജാ നരകഃ പൃഥിവീം ജയഃ
    പ്രഹ്ലാദോ വിപ്ര ചിത്തിശ് ച കാലഖഞ്ജാശ് ച സർവശഃ
13 സുഹനുർ ദുർമുഖഃ ശംഖഃ സുമനാഃ സുമതിഃ സ്വനഃ
    ഘടോദരോ മഹാപാർശ്വഃ ക്രഥനഃ പിഠരസ് തഥാ
14 വിശ്വരൂപഃ സുരൂപശ് ച വിരൂപോ ഽഥ മഹാശിരാഃ
    ദശഗ്രീവശ് ച ബാലീ ച മേഘവാസാ ദശാവരഃ
15 കൈടഭോ വിടടൂതശ് ച സംഹ്രാദശ് ചേന്ദ്ര താപനഃ
    ദൈത്യദാനവ സംഘാശ് ച സർവേ രുചിരകുണ്ഡലാഃ
16 സ്രഗ്വിണോ മൗലിനഃ സർവേ തഥാ ദിവ്യപരിച്ഛദാഃ
    സർവേ ലബ്ധവരാഃ ശൂരാഃ സർവേ വിഗതമൃത്യവഃ
17 തേ തസ്യാം വരുണം ദേവം ധർമപാശസ്ഥിതാഃ സദാ
    ഉപാസതേ മഹാത്മാനം സർവേ സുചരിതവ്രതാഃ
18 തഥാ സമുദ്രാശ് ചത്വാരോ നദീ ഭാഗീരഥീ ച യാ
    കാലിന്ദീ വിദിശാ വേണ്ണാ നർമദാ വേഗവാഹിനീ
19 വിപാശാ ച ശതദ്രുശ് ച ചന്ദ്ര ഭാഗാ സരസ്വതീ
    ഇരാവതീ വിതസ്താ ച സിന്ധുർ ദേവ നദസ് തഥാ
20 ഗോദാവരീ കൃഷ്ണ വേണ്ണാ കാവേരീ ച സരിദ് വരാ
    ഏതാശ് ചാന്യാശ് ച സരിതസ് തീർഥാനി ച സരാംസി ച
21 കൂപാശ് ച സപ്രസ്രവണാ ദേഹവന്തോ യുധിഷ്ഠിര
    പല്വലാനി തഡാഗാനി ദേഹവന്ത്യ് അഥ ഭാരത
22 ദിശസ് തഥാ മഹീ ചൈവ തഥാ സർവേ മഹീധരാഃ
    ഉപാസതേ മഹാത്മാനം സർവേ ജലചരാസ് തഥാ
23 ഗീതവാദിത്രവന്തശ് ച ഗന്ധർവാപ്സരസാം ഗണാഃ
    സ്തുവന്തോ വരുണം തസ്യാം സർവ ഏവ സമാസതേ
24 മഹീധരാ രത്നവന്തോ രസാ യേഷു പ്രതിഷ്ഠിതാഃ
    സർവേ വിഗ്രഹവന്തസ് തേ തം ഈശ്വരം ഉപാസതേ
25 ഏഷാ മയാ സമ്പതതാ വാരുണീ ഭരതർഷഭ
    ദൃഷ്ടപൂർവാ സഭാ രമ്യാ കുബേരസ്യ സഭാം ശൃണു