മഹാഭാരതം മൂലം/സഭാപർവം/അധ്യായം44
| ←അധ്യായം43 | മഹാഭാരതം മൂലം/സഭാപർവം രചന: അധ്യായം44 |
അധ്യായം45→ |
1 [ഷ്]
ദുര്യോധന ന തേ ഽമർഷഃ കാര്യഃ പ്രതി യുധിഷ്ഠിരം
ഭാഗധേയാനി ഹി സ്വാനി പാണ്ഡവാ ഭുഞ്ജതേ സദാ
2 അനേകൈർ അഭ്യുപായൈശ് ച ത്വയാരബ്ധാഃ പുരാസകൃത്
വിമുക്താശ് ച നരവ്യാഘ്രാ ഭാഗധേയ പുരസ്കൃതാഃ
3 തൈർ ലബ്ധാ ദ്രൗപദീ ഭാര്യാ ദ്രുപദശ് ച സുതൈഃ സഹ
സഹായഃ പൃഥിവീ ലാഭേ വാസുദേവശ് ച വീര്യവാൻ
4 ലബ്ധശ് ച നാഭിഭൂതോ ഽർഥഃ പിത്ര്യോ ഽംശഃ പൃഥിവീപതേ
വിവൃദ്ധസ് തേജസാ തേഷാം തത്ര കാ പരിദേവനാ
5 ധനഞ്ജയേന ഗാണ്ഡീവം അക്ഷയ്യൗ ച മഹേഷുധീ
ലബ്ധാന്യ് അസ്ത്രാണി ദിവ്യാനി തർപയിത്വാ ഹുതാശനം
6 തേന കാർമുകമുഖ്യേന ബാഹുവീര്യേണ ചാത്മനഃ
കൃതാ വശേ മഹീപാലാസ് തത്ര കാ പരിദേവനാ
7 അഗ്നിദാഹാൻ മയം ചാപി മോക്ഷയിത്വാ സദാനവം
സഭാം താം കാരയാം ആസ സവ്യസാചീ പരന്തപഃ
8 തേന ചൈവ മയേനോക്താഃ കിം കരാ നാമ രാക്ഷസാഃ
വഹന്തി താം സഭാം ഭീമാസ് തത്ര കാ പരിദേവനാ
9 യച് ചാസഹായതാം രാജന്ന് ഉക്തവാൻ അസി ഭാരത
തൻ മിഥ്യാ ഭ്രാതരോ ഹീമേ സഹായാസ് തേ മഹാരഥാഃ
10 ദ്രോണസ് തവ മഹേഷ്വാസഃ സഹ പുത്രേണ ധീമതാ
സൂതപുത്രശ് ച രാധേയോ ഗൗതമശ് ച മഹാരഥഃ
11 അഹം ച സഹ സോദര്യൈഃ സൗമദത്തിശ് ച വീര്യവാൻ
ഏതൈസ് ത്വം സഹിതഃ സർവൈർ ജയ കൃത്സ്നാം വസുന്ധരാം
12 [ദ്]
ത്വയാ ച സഹിതോ രാജന്ന് ഏതൈശ് ചാന്യൈർ മഹാരഥൈഃ
ഏതാൻ ഏവ വിജേഷ്യാമി യദി ത്വം അനുമന്യസേ
13 ഏതേഷു വിജിതേഷ്വ് അദ്യ ഭവിഷ്യതി മഹീ മമ
സർവേ ച പൃഥിവീപാലാഃ സഭാ സാ ച മഹാധനാ
14 [ഷ്]
ധനഞ്ജയോ വാസുദേവോ ഭീമസേനോ യുധിഷ്ഠിരഃ
നകുലഃ സഹദേവശ് ച ദ്രുപദശ് ച സഹാത്മ ജൈഃ
15 നൈതേ യുധി ബലാജ് ജേതും ശക്യാഃ സുരഗണൈർ അപി
മഹാരഥാ മഹേഷ്വാസാഃ കൃതാസ്ത്രാ യുദ്ധദുർമദാഃ
16 അഹം തു തദ് വിജാനാമി വിജേതും യേന ശക്യതേ
യുധിഷ്ഠിരം സ്വയം രാജംസ് തൻ നിബോധ ജുഷസ്വ ച
17 [ദ്]
അപ്രമാദേന സുഹൃദാം അന്യേഷാം ച മഹാത്മനാം
യദി ശക്യാ വിജേതും തേ തൻ മമാചക്ഷ്വ മാതുല
18 [ഷ്]
ദ്യൂതപ്രിയശ് ച കൗന്തേയോ ന ച ജാനാതി ദേവിതും
സമാഹൂതശ് ച രാജേന്ദ്രോ ന ശക്ഷ്യതി നിവർതിതും
19 ദേവനേ കുശലശ് ചാഹം ന മേ ഽസ്തി സദൃശോ ഭുവി
ത്രിഷു ലോകേഷു കൗന്തേയം തം ത്വം ദ്യൂതേ സമാഹ്വയ
20 തസ്യാക്ഷകുശലോ രാജന്ന് ആദാസ്യേ ഽഹം അസംശയം
രാജ്യം ശ്രിയം ച താം ദീപ്താം ത്വദർഥം പുരുഷർഷഭ
21 ഇദം തു സർവം ത്വം രാജ്ഞേ ദുര്യോധന നിവേദയ
അനുജ്ഞാതസ് തു തേ പിത്രാ വിജേഷ്യേ തം ന സംശയഃ
22 [ദ്]
ത്വം ഏവ കുരുമുഖ്യായ ധൃതരാഷ്ട്രായ സൗബല
നിവേദയ യഥാന്യായം നാഹം ശക്ഷ്യേ നിശംസിതും