മഹാഭാരതം മൂലം/വിരാടപർവം/അധ്യായം51
| ←അധ്യായം50 | മഹാഭാരതം മൂലം/വിരാടപർവം രചന: അധ്യായം51 |
അധ്യായം52→ |
1 [വൈ]
താന്യ് അനീകാന്യ് അദൃശ്യന്ത കുരൂണാം ഉഗ്രധന്വിനാം
സംസർപന്തോ യഥാ മേഘാ ഘർമാന്തേ മന്ദമാരുതാഃ
2 അഭ്യാശേ വാജിനസ് തസ്ഥുഃ സമാരൂഢാഃ പ്രഹാരിഭിഃ
ഭീമരൂപാശ് ച മാതംഗാസ് തോമരാങ്കുശചോദിതാഃ
3 തതഃ ശക്രഃ സുരഗണൈഃ സമാരുഹ്യ സുദർശനം
സഹോപായാത് തദാ രാജൻ വിശ്വാശ്വി മരുതാം ഗണൈഃ
4 തദ് ദേവ യക്ഷഗന്ധർവമഹോരഗസമാകുലം
ശുശുഭേ ഽഭ്രവിനിർമുക്തം ഗ്രഹൈർ ഇവ നഭസ്തലം
5 അസ്ത്രാണാം ച ബലം തേഷാം മാനുഷേഷു പ്രയുജ്യതാം
തച് ച ഘോരം മഹദ് യുദ്ധം ഭീഷ്മാർജുനസമാഗമേ
6 ശതം ശതസഹസ്രാണാം യത്ര സ്ഥൂണാ ഹിരണ്മയാഃ
മണിരത്നമയാശ് ചാന്യാഃ പ്രാസാദം ഉപധാരയൻ
7 തത്ര കാമഗമം ദിവ്യം സർവരത്നവിഭൂഷിതം
വിമാനം ദേവരാജസ്യ ശുശുഭേ ഖേചരം തദാ
8 തത്ര ദേവാസ് ത്രയസ് ത്രിംശത് തിഷ്ഠന്തി സഹ വാസവാഃ
ഗന്ധർവാ രാക്ഷസാഃ സർപാഃ പിതരശ് ച മഹർഷിഭിഃ
9 തഥാ രാജാ വസു മനാ ബലാക്ഷഃ സുപ്രതർദനഃ
അഷ്ടകശ് ച ശിബിശ് ചൈവ യയാതിർ നഹുഷോ ഗയഃ
10 മനുഃ ക്ഷേപോ രഘുർ ഭാനുഃ കൃശാശ്വഃ സഗരഃ ശലഃ
വിമാനേ ദേവരാജസ്യ സമദൃശ്യന്ത സുപ്രഭാഃ
11 അഗ്നേർ ഈശസ്യ സോമസ്യ വരുണസ്യ പ്രജാപതേഃ
തഥാ ധാതുർ വിധാതുശ് ച കുബേരസ്യ യമസ്യ ച
12 അലംബുസോഗ്രസേനസ്യ ഗർധർവസ്യ ച തുംബുരോഃ
യഥാഭാഗം യഥോദ്ദേശം വിമാനാനി ചകാശിരേ
13 സർവദേവ നികായാശ് ച സിദ്ധാശ് ച പരമർഷയഃ
അർജുനസ്യ കരൂണാം ച ദ്രഷ്ടും യുദ്ധം ഉപാഗതാഃ
14 ദിവ്യാനാം തത്ര മാല്യാനാം ഗന്ധഃ പുണ്യോ ഽഥ സർവശഃ
പ്രസസാര വസന്താഗ്രേ വനാനാം ഇവ പുഷ്പിതാം
15 രക്താരക്താനി ദേവാനാം സമദൃശ്യന്ത തിഷ്ഠതാം
ആതപത്രാണി വാസാംസി സ്രജശ് ച വ്യജനാനി ച
16 ഉപശാമ്യദ് രജോ ഭൗമം സർവം വ്യാപ്തം മരീചിഭിഃ
ദിവ്യാൻ ഗന്ധാൻ ഉപാദായ വായുർ യോധാൻ അസേവത
17 പ്രഭാസിതം ഇവാകാശം ചിത്രരൂപം അലം കൃതം
സമ്പതദ് ഭിഃ സ്ഥിതൈശ് ചൈവ നാനാരത്നാവഭാസിതൈഃ
വിമാനൈർ വിവിധൈശ് ചിത്രൈർ ഉപാനീതൈഃ സുരോത്തമൈഃ