മഹാഭാരതം മൂലം/വനപർവം/അധ്യായം214

←അധ്യായം213

മഹാഭാരതം മൂലം/വനപർവം രചന:വ്യാസൻ അധ്യായം214

അധ്യായം215→

1 [മാർക്]
     ശിവാ ഭാര്യാ ത്വാംഗിരസഃ ശീലരൂപഗുണാന്വിതാ
     തസ്യാഃ സാ പ്രഥമം രൂപം കൃത്വാ ദേവീ ജനാധിപ
     ജഗാമ പാവകാഭ്യാശം തം ചോവാച വരാംഗനാ
 2 മാം അഗ്നേ കാമസന്തപ്താം ത്വം കാമയിതും അർഹസി
     കരിഷ്യസി ന ചേദ് ഏവം മൃതാം മാം ഉപധാരയ
 3 അഹം അംഗിരസോ ഭാര്യാ ശിവാ നാമ ഹുതാശന
     സഖീഭിഃ സഹിതാ പ്രാപ്താ മന്ത്രയിത്വാ വിനിശ്ചയം
 4 [അഗ്നി]
     കഥം മാം ത്വം വിജാനീഷേ കാമാർതം ഇതരാഃ കഥം
     യാസ് ത്വയാ കീർതിതാഃ സർവാഃ സപ്തർഷീണാം പ്രിയാഃ സ്ത്രിയഃ
 5 [ഷിവാ]
     അസ്മാകം ത്വം പ്രിയോ നിത്യം ബിഭീമസ് തു വയം തവ
     ത്വച് ചിത്തം ഇംഗിതൈർ ജ്ഞാത്വാ പ്രേഷിതാസ്മി തവാന്തികം
 6 മൈഥുനായേഹ സമ്പ്രാപ്താ കാമം പ്രാപ്തം ദ്രുതം ചര
     മാതരോ മാം പ്രതീക്ഷന്തേ ഗമിഷ്യാമി ഹുതാശന
 7 [മാർക്]
     തതോ ഽഗ്നിർ ഉപയേമേ താം ശിവാം പ്രീതിമുദാ യുതഃ
     പ്രീത്യാ ദേവീ ച സംയുക്താ ശുക്രം ജഗ്രാഹ പാണിനാ
 8 അചിന്തയൻ മമേദം യേ രൂപം ദ്രക്ഷ്യന്തി കാനനേ
     തേ ബ്രാഹ്മണീനാം അനൃതം ദോഷം വക്ഷ്യന്തി പാവകേ
 9 തസ്മാദ് ഏതദ് ദ്രക്ഷ്യമാണാ ഗരുഡീ സംഭവാമ്യ് അഹം
     വനാൻ നിർഗമനം ചൈവ സുഖം മമ ഭവിഷ്യതി
 10 സുപർണീ സാ തദാ ഭൂത്വാ നിർജഗാമ മഹാവനാത്
    അപശ്യത് പർവതം ശ്വേതം ശരസ്തംബൈഃ സുസംവൃതം
11 ദൃഷ്ടീ വിഷൈഃ സപ്ത ശീർഷൈർ ഗുപ്തം ഭോഗിഭിർ അദ്ഭുതൈഃ
    രക്ഷോഭിശ് ച പിശാചൈശ് ച രൗദ്രൈർ ഭൂതഗണൈസ് തഥാ
    രാക്ഷസീഭിശ് ച സമ്പൂർണം അനേകൈശ് ച മൃഗദ്വിജൈഃ
12 സാ തത്ര സഹസാ ഗത്വാ ശൈലപൃഷ്ഠം സുദുർഗമം
    പ്രാക്ഷിപത് കാഞ്ചനേ കുണ്ഡേ ശുക്രം സാ ത്വരിതാ സതീ
13 ശിഷ്ടാനാം അപി സാ ദേവീ സപ്തർഷീണാം മഹാത്മനാം
    പത്നീ സരൂപതാം കൃത്വാ കാമയാം ആസ പാവകം
14 ദിവ്യരൂപം അരുന്ധത്യാഃ കർതും ന ശകിതം തയാ
    തസ്യാസ് തപഃ പ്രഭാവേണ ഭർതൃശുശ്രൂഷണേന ച
15 ഷട്കൃത്വസ് തത് തു നിക്ഷിപ്തം അഗ്നേ രേതോ കുരൂത്തമ
    തസ്മിൻ കുണ്ടേ പ്രതിപദി കാമിന്യാ സ്വാഹയാ തദാ
16 തത് സ്കന്നം തേജസാ തത്ര സംഭൃതം ജനയത് സുതം
    ഋഷിഭിഃ പൂജിതം സ്കന്നം അനയത് സ്കന്ദതാം തതഃ
17 ഷട്ശിരാ ദ്വിഗുണശ്രോത്രോ ദ്വാദശാക്ഷി ഭുജക്രമഃ
    ഏകഗ്രീപസ് ത്വ് ഏകകായഃ കുമാരഃ സമപദ്യത
18 ദ്വിതീയായാം അഭിവ്യക്തസ് തൃതീയായാം ശിശുർ ബഭൗ
    അംഗപ്രത്യംഗ സംഭൂതശ് ചതുർഥ്യാം അഭവദ് ഗുഹഃ
19 ലോഹിതാഭ്രേണ മഹതാ സംവൃതഃ സഹ വിദ്യുതാ
    ലോഹിതാഭ്രേ സുമഹതി ഭാതി സൂര്യ ഇവോദിതഃ
20 ഗൃഹീതം തു ധനുസ് തേന വിപുലം ലോമഹർഷണം
    ന്യസ്തം യത് ത്രിപുരഘ്നേന സുരാരിവിനികൃന്തനം
21 തദ്ഗൃഹീത്വാ ധനുഃശ്രേഷ്ഠം നനാദ ബലവാംസ് തദാ
    സംമോഹയന്ന് ഇവേമാം സ ത്രീംൽ ലോകാൻ സചരാചരാൻ
22 തസ്യ തം നിനദം ശ്രുത്വാ മഹാമേഘൗഘനിസ്വനം
    ഉത്പേതതുർ മഹാനാഗൗ ചിത്രശ് ചൈരാവതശ് ച ഹ
23 താവ് ആപതന്തൗ സമ്പ്രേക്ഷ്യ സ ബാലാർകസമദ്യുഥിഃ
    ദ്വാഭ്യാം ഗൃഹീത്വാ പാണിഭ്യാം ശക്തിം ചാന്യേന പാണിനാ
    അപരേണാഗ്നിദായാദസ് താമ്രചൂഡം ഭുജേന സഃ
24 മഹാകായം ഉപശ്ലിഷ്ടം കുക്കുടം ബലിനാം വരം
    ഗൃഹീത്വാ വ്യനദദ് ഭീമം ചിക്രീഡ ച മഹാബലഃ
25 ദ്വാഭ്യാം ഭുജാഭ്യാം ബലവാൻ ഗൃഹീത്വാ ശംഖം ഉത്തമം
    പ്രാധ്മാപയത ഭൂതാനാം ത്രാസനം ബലിനാം അപി
26 ദ്വാഭ്യാം ഭുജാഭ്യാം ആകാശം ബഹുശോ നിജഘാന സഃ
    ക്രീഡൻ ഭാതി മഹാസേനസ് ത്രീംൽ ലോകാൻ വദനൈഃ പിബൻ
    പർവതാഗ്രേ ഽപ്രമേയാത്മാ രശ്മിമാൻ ഉദയേ യഥാ
27 സ തസ്യ പർവതസ്യാഗ്രേ നിഷണ്ണോ ഽദ്ഭുതവിക്രമഃ
    വ്യലോകയദ് അമേയാത്മാ മുഖൈർ നാനാവിധൈർ ദിശഃ
    സ പശ്യൻ വിവിധാൻ ഭാവാംശ് ചകാര നിനദം പുനഃ
28 തസ്യ തം നിനദം ശ്രുത്വാ ന്യപതൻ ബഹുധാ ജനാഃ
    ഭീതാശ് ചോദ്വിഗ്ന മനസസ് തം ഏവ ശരണം യയുഃ
29 യേ തു തം സംശ്രിതാ ദേവം നാനാവർണാസ് തദാ ജനാഃ
    താൻ അപ്യ് ആഹുഃ പാരിഷദാൻ ബ്രാഹ്മണാഃ സുമഹാബലാൻ
30 സ തൂത്ഥായ മഹാബാഹുർ ഉപസാന്ത്വ്യ ച താഞ് ജനാൻ
    ധനുർ വികൃഷ്യ വ്യസൃജദ് ബാണാഞ് ശ്വേതേ മഹാഗിരൗ
31 ബിഭേദ സ ശരൈഃ ശൈലം ക്രൗഞ്ചം ഹിമവതഃ സുതം
    തേന ഹംസാശ് ച ഗൃഘ്രാശ് ച മേരും ഗച്ഛന്തി പർവതം
32 സ വിശീർണോ ഽപതച് ഛൈലോ ഭൃശം ആർതസ്വരാൻ രുവൻ
    തസ്മിൻ നിപതിതേ ത്വ് അന്യേ നേദുഃ ശൈലാ ഭൃശം ഭയാത്
33 സ തം നാദം ഭൃശാർതാനാം ശ്രുത്വാപി ബലിനാം വരഃ
    ന പ്രാവ്യഥദ് അമേയാത്മാ ശക്തിം ഉദ്യമ്യ ചാനദത്
34 സാ തദാ വിപുലാ ശക്തിഃ ക്ഷിപ്താ തേന മഹാത്മനാ
    ബിഭേദ ശിഖരം ഘോരം ശ്വേതസ്യ തരസാ ഗിരൗ
35 സ തേനാഭിഹതോ ദീനോ ഗിരിഃ ശ്വേതോ ഽചലൈഃ സഹ
    ഉത്പപാത മഹീം ത്യക്ത്വാ ഭീതസ് തസ്മാൻ മഹാത്മനഃ
36 തതഃ പ്രവ്യഥിതാ ഭൂമിർ വ്യശീര്യത സമന്തതഃ
    ആർതാ സ്കന്ദം സമാസാദ്യ പുനർ ബലവതീ ബഭൗ
37 പർവതാശ് ച നമസ്കൃത്യ തം ഏവ പൃഥിവീം ഗതാഃ
    അഥായം അഭജൽ ലോകഃ സ്കന്ദ ശുക്ലസ്യ പഞ്ചമീം