മഹാഭാരതം മൂലം/മൗസലപർവം/അധ്യായം1

വിക്കിഗ്രന്ഥശാല സംരംഭത്തിൽ നിന്ന്
Jump to navigation Jump to search
മഹാഭാരതം മൂലം/മൗസലപർവം
രചന:വ്യാസൻ
അധ്യായം1

1 [വൈ]
     ഷട് ത്രിംശേ ത്വ് അഥ സമ്പ്രാപ്തേ വർഷേ കൗരവനന്ദന
     ദദർശ വിപരീതാനി നിമിത്താനി യുധിഷ്ഠിരഃ
 2 വവുർ വാതാഃ സനിർഘാതാ രൂക്ഷാഃ ശർകര വർഷിണഃ
     അപസവ്യാനി ശകുനാ മണ്ഡലാനി പ്രചക്രിരേ
 3 പ്രത്യഗൂഹുർ മഹാനദ്യോ ദിശോ നീഹാരസംവൃതാഃ
     ഉൽകാശ് ചാംഗാര വർഷിണ്യഃ പ്രപേതുർ ഗഗനാദ് ഭുവി
 4 ആദിത്യോ രജസാ രാജൻ സമവച്ഛന്ന മണ്ഡലഃ
     വിരശ്മിർ ഉദയേ നിത്യം കബന്ധൈഃ സമദൃശ്യത
 5 പരിവേഷാശ് ച ദൃശ്യന്തേ ദാരുണാശ് ചന്ദ്രസൂര്യയോഃ
     ത്രിവർണാഃ ശ്യാമ രൂക്ഷാന്താസ് തഥാ ഭസ്മാരുണ പ്രഭാഃ
 6 ഏതേ ചാന്യേ ച ബഹവ ഉത്പാതാ ഭയസംസിനഃ
     ദേശ്യന്തേ ഽഹർ അഹോ രാജൻ ഹൃദയോദ്വേഗ കാരകാഃ
 7 കസ്യ ചിത് ത്വ് അഥ കാലസ്യ കുരുരാജോ യുധിഷ്ഠിരഃ
     ശുശ്രാവ വൃഷ്ണിചക്രസ്യ മൗസലേ കദനം കൃതം
 8 വിമുക്തം വാസുദേവം ച ശ്രുത്വാ രാമം ച പാണ്ഡവഃ
     സമാനീയാബ്രവീദ് ഭ്രാതൄൻ കിം കരിഷ്യാമ ഇത്യ് ഉത
 9 പരസ്പരം സമാസാദ്യ ബ്രഹ്മദണ്ഡബലത് കൃതാൻ
     വൃഷ്ണീൻ വിനഷ്ടാംസ് തേ ശ്രുത്വാ വ്യഥിതാഃ പാണ്ഡവാഭവൻ
 10 നിധനം വാസുദേവസ്യ സമുദ്രസ്യേവ ശോഷണം
    വീരാ ന ശ്രദ്ദധുസ് തസ്യ വിനാശം ശാർമ്ഗധന്വനഃ
11 മൗസലം തേ പരിശ്രുത്യ ദുഃഖശോകസമന്വിതാഃ
    വിഷണ്ണാ ഹതസങ്കൽപാഃ പാണ്ഡവാഃ സമുപാവിശൻ