മഹാഭാരതം മൂലം/ഭീഷ്മപർവം/അധ്യായം110
| ←അധ്യായം109 | മഹാഭാരതം മൂലം/ഭീഷ്മപർവം രചന: അധ്യായം110 |
അധ്യായം111→ |
1 [സ്]
അർജുനസ് തു രണേ ശല്യം യതമാനം മഹാരഥം
ഛാദയാം ആസ സമരേ ശരൈഃ സംനതപർവഭിഃ
2 സുശർമാണം കൃപം ചൈവ ത്രിഭിസ് ത്രിഭിർ അവിധ്യത
പ്രാഗ്ജ്യോതിഷം ച സമരേ സൈന്ധവം ച ജയദ്രഥം
3 ചിത്രസേനം വികർണം ച കൃതവർമാണം ഏവ ച
ദുർമർഷണം ച രാജേന്ദ്ര ആവന്ത്യൗ ച മഹാരഥൗ
4 ഏകൈകം ത്രിഭിർ ആനർഛത് കങ്കബർഹിണ വാജിതൈഃ
ശരൈർ അതിരഥോ യുദ്ധേ പീഡയൻ വാഹിനീം തവ
5 ജയദ്രഥോ രണേ പാർഥം ഭിത്ത്വാ ഭാരത സായകൈഃ
ഭീമം വിവ്യാധ തരസാ ചിത്രസേന രഥേ സ്ഥിതഃ
6 ശല്യശ് ച സമരേ ജിഷ്ണും കൃപശ് ച രഥിനാം വരഃ
വിവ്യധാതേ മഹാബാഹും ബഹുധാ മർമഭേദിഭിഃ
7 ചിത്രസേനാദയശ് ചൈവ പുത്രാസ് തവ വിശാം പതേ
പഞ്ചഭിഃ പഞ്ചഭിസ് തൂർണം സംയുഗേ നിശിതൈഃ ശരൈഃ
ആജഘ്നുർ അർജുനം സംഖ്യേ ഭീമസേനം ച മാരിഷ
8 തൗ തത്ര രഥിനാം ശ്രേഷ്ഠൗ കൗന്തേയൗ ഭരതർഷഭൗ
അപീഡയേതാം സമരേ ത്രിഗർതാനാം മഹദ് ബലം
9 സുശർമാപി രണേ പാർഥം വിദ്ധ്വാ ബഹുഭിർ ആയസൈഃ
നനാദ ബലവൻ നാദം നാദയൻ വൈ നഭസ്തലം
10 അന്യേ ച രഥിനഃ ശൂരാ ഭീമസേനധനഞ്ജയൗ
വിവ്യധുർ നിശിതൈർ ബാണൈ രുക്മപുംഖൈർ അജിഹ്മഗൈഃ
11 തേഷാം തു രഥിനാം മധ്യേ കൗന്തേയൗ രഥിനാം വരൗ
ക്രീഡമാനൗ രഥോദാരൗ ചിത്രരൂപൗ വ്യരോചതാം
ആമിഷേപ്സൂ ഗവാം മധ്യേ സിംഹാവ് ഇവ ബലോത്കടൗ
12 ഛിത്ത്വാ ധനൂംഷി വീരാണാം ശരാംശ് ച ബഹുധാ രണേ
പാതയാം ആസതുർ വീരൗ ശിരാംസി ശതശോ നൃണാം
13 രഥാശ് ച ബഹവോ ഭഗ്നാ ഹയാശ് ച ശതശോ ഹതാഃ
ഗജാശ് ച സ ഗജാരോഹാഃ പേതുർ ഉർവ്യാം മഹാമൃധേ
14 രഥിനഃ സാദിനശ് ചൈവ തത്ര തത്ര നിസൂദിതാഃ
ദൃശ്യന്തേ ബഹുധാ രാജൻ വേഷ്ടമാനാഃ സമന്തതഃ
15 ഹതൈർ ഗജപദാത്യ് ഓഘൈർ വാജിഭിശ് ച നിസൂദിതൈഃ
രഥൈശ് ച ബഹുധാ ഭഗ്നൈഃ സമാസ്തീര്യത മേദിനീ
16 ഛത്രൈശ് ച ബഹുധാ ഛിന്നൈർ ധ്വജൈശ് ച വിനിപാതിതൈഃ
അങ്കുശൈർ അപവിദ്ധൈശ് ച പരിസ്തോമൈശ് ച ഭാരത
17 കേയൂരൈർ അംഗദൈർ ഹാരൈ രാങ്കവൈർ മൃദിതൈസ് തഥാ
ഉഷ്ണീഷൈർ അപവിദ്ധൈശ് ച ചാമരവ്യജനൈർ അപി
18 തത്ര തത്രാപവിദ്ധൈശ് ച ബാഹുഭിശ് ചന്ദനോക്ഷിതൈഃ
ഊരുഭിശ് ച നരേന്ദ്രാണാം സമാസ്തീര്യത മേദിനീ
19 തത്രാദ്ഭുതം അപശ്യാമ രണേ പാർഥസ്യ വിക്രമം
ശരൈഃ സംവാര്യ താൻ വീരാൻ നിജഘാന ബലം തവ
20 പുത്രസ് തു തവ തം ദൃഷ്ട്വാ ഭീമാർജുനസമാഗമം
ഗാംഗേയസ്യ രഥാഭ്യാശം ഉപജഗ്മേ മഹാഭയേ
21 കൃപശ് ച കൃതവർമാ ച സൈന്ധവശ് ച ജയദ്രഥഃ
വിന്ദാനുവിന്ദാവ് ആവന്ത്യാവ് ആജഗ്മുഃ സംയുഗം തദാ
22 തതോ ഭീമോ മഹേഷ്വാസഃ ഫൽഗുനശ് ച മഹാരഥഃ
കൗരവാണാം ചമൂം ഘോരാം ഭൃശം ദുദ്രുവതൂ രണേ
23 തതോ ബർഹിണവാജാനാം അയുതാന്യ് അർബുദാനി ച
ധനഞ്ജയരഥേ തൂർണം പാതയന്തി സ്മ സംയുഗേ
24 തതസ് താഞ് ശരജാലേന സംനിവാര്യ മഹാരഥാൻ
പാർഥഃ സമന്താത് സമരേ പ്രേഷയാം ആസ മൃത്യവേ
25 ശല്യസ് തു സമരേ ജിഷ്ണും ക്രീഡന്ന് ഇവ മഹാരഥഃ
ആജഘാനോരസി ക്രുദ്ധോ ഭല്ലൈഃ സംനതപർവഭിഃ
26 തസ്യ പാർഥോ ധനുശ് ഛിത്ത്വാ ഹസ്താവാപം ച പഞ്ചഭിഃ
അഥൈനം സായകൈസ് തീക്ഷ്ണൈർ ഭൃശം വിവ്യാധ മർമണി
27 അഥാന്യദ് ധനുർ ആദായ സമരേ ഭര സാധനം
മദ്രേശ്വരോ രണേ ജിഷ്ണും താഡയാം ആസ രോഷിതഃ
28 ത്രിഭിഃ ശരൈർ മഹാരാജ വാസുദേവം ച പഞ്ചഭിഃ
ഭീമസേനം ച നവഭിർ ബാഹ്വോർ ഉരസി ചാർപയത്
29 തതോ ദ്രോണോ മഹാരാജ മാഗധശ് ച മഹാരഥഃ
ദുര്യോധന സമാദിഷ്ടൗ തം ദേശം ഉപജഗ്മതുഃ
30 യത്ര പാർഥോ മഹാരാജ ഭീമസേനശ് ച പാണ്ഡവഃ
കൗരവ്യസ്യ മഹാസേനാം ജഘ്നതുസ് തൗ മഹാരഥൗ
31 ജയത്സേനസ് തു സമരേ ഭീമം ഭീമായുധം യുവാ
വിവ്യാധ നിശിതൈർ ബാണൈർ അഷ്ടഭിർ ഭരതർഷഭ
32 തം ഭീമോ ദശഭിർ വിദ്ധ്വാ പുനർ വിവ്യാധ സപ്തഭിഃ
സാരഥിം ചാസ്യ ഭല്ലേന രഥനീഡാദ് അപാഹരത്
33 ഉദ്ഭ്രാന്തൈസ് തുരഗൈഃ സോ ഽത ദ്രവമാണൈഃ സമന്തതഃ
മാഗധോ ഽപഹൃതോ രാജാ സർവസൈന്യസ്യ പശ്യതഃ
34 ദ്രോണസ് തു വിവരം ലബ്ധ്വാ ഭീമസേനം ശിലീമുഖൈഃ
വിവ്യാധ ബാണൈഃ സുശിതൈഃ പഞ്ചഷഷ്ട്യാ തം ആയസൈഃ
35 തം ഭീമഃ സമരശ്ലാഘീ ഗുരും പിതൃസമം രണേ
വിവ്യാധ നവഭിർ ഭല്ലൈസ് തഥാ ഷഷ്ട്യാ ച ഭാരത
36 അർജുനസ് തു സുശർമാണം വിദ്ധ്വാ ബഹുഭിർ ആയസൈഃ
വ്യധമത് തസ്യ തത് സൈന്യം മഹാഭ്രാണി യഥാനിലഃ
37 തതോ ഭീഷ്മശ് ച രാജാ ച സൗബലശ് ച ബൃഹദ്ബലഃ
അഭ്യദ്രവന്ത സങ്ക്രുദ്ധാ ഭീമസേനധനഞ്ജയൗ
38 തഥൈവ പാണ്ഡവാഃ ശൂരാ ധൃഷ്ടദ്യുമ്നശ് ച പാർഷതഃ
അഭ്യദ്രവൻ രണേ ഭീഷ്മം വ്യാദിതാസ്യം ഇവാന്തകം
39 ശിഖണ്ഡീ തു സമാസാദ്യ ഭാരതാനാം പിതാമഹം
അഭ്യദ്രവത സംഹൃഷ്ടോ ഭയം ത്യക്ത്വാ യതവ്രതം
40 യുധിഷ്ഠിര മുഖാഃ പാർഥാഃ പുരസ്കൃത്യ ശിഖണ്ഡിനം
അയോധയൻ രണേ ഭീഷ്മം സംഹതാ സഹ സൃഞ്ജയൈഃ
41 തഥൈവ താവകാഃ സർവേ പുരസ്കൃത്യ യതവ്രതം
ശിഖണ്ഡിപ്രമുഖാൻ പാർഥാൻ യോധയന്തി സ്മ സംയുഗേ
42 തതഃ പ്രവവൃതേ യുദ്ധം കൗരവാണാം ഭയാവഹം
തത്ര പാണ്ഡുസുതൈഃ സാർധം ഭീഷ്മസ്യ വിജയം പ്രതി
43 താവകാനാം രണേ ഭീഷ്മോ ഗ്ലഹ ആസീദ് വിശാം പതേ
തത്ര ഹി ദ്യൂതം ആയാതം വിജയായേതരായ വാ
44 ധൃഷ്ടദ്യുമ്നോ മഹാരാജ സർവസൈന്യാന്യ് അചോദയത്
അഭിദ്രവത ഗാംഗേയം മാ ഭൈഷ്ട നരസത്തമാഃ
45 സേനാപതിവചഃ ശ്രുത്വാ പാണ്ഡവാനാം വരൂഥിനീ
ഭീഷ്മം ഏവാഭ്യയാത് തൂർണം പ്രാണാംസ് ത്യക്ത്വാ മഹാഹവേ
46 ഭീഷ്മോ ഽപി രഥിനാം ശ്രേഷ്ഠഃ പ്രതിജഗ്രാഹ താം ചമൂം
ആപതന്തീം മഹാരാജ വേലാം ഇവ മഹോദധിഃ