മഹാഭാരതം മൂലം/കർണപർവം/അധ്യായം41
< മഹാഭാരതം മൂലം | കർണപർവം
| ←അധ്യായം40 | മഹാഭാരതം മൂലം/കർണപർവം രചന: അധ്യായം41 |
അധ്യായം42→ |
1 [സ്]
തരമാണഃ പുനഃ കൃഷ്ണഃ പാർഥം അഭ്യവദച് ഛനൈഃ
പശ്യ കൗരവ്യ രാജാനം അപയാതാംശ് ച പാണ്ഡവാൻ
2 കർണം പശ്യ മഹാരംഗേ ജ്വലന്തം ഇവ പാവകം
അസൗ ഭീമോ മഹേഷ്വാസഃ സംനിവൃത്തോ രണം പ്രതി
3 തം ഏതേ ഽനു നിവർതന്തേ ധൃഷ്ടദ്യുമ്നപുരോഗമാഃ
പാഞ്ചാലാനാം സൃഞ്ജയാനാം പാണ്ഡവാനാം ച യൻ മുഖം
നിവൃത്തൈശ് ച തഥാ പാർഥൈർ ഭഗ്നം ശത്രുബലം മഹത്
4 കൗരവാൻ ദ്രവതോ ഹ്യ് ഏഷ കർണോ ധാരയതേ ഽർജുന
അന്തകപ്രതിമോ വേഗേ ശക്രതുല്യപരാക്രമഃ
5 അസൗ ഗച്ഛതി കൗരവ്യ ദ്രൗണിർ അസ്ത്രഭൃതാം വരഃ
തം ഏഷ പ്രദ്രുതഃ സംഖ്യേ ധൃഷ്ടദ്യുമ്നോ മഹാരഥഃ
6 സർവം വ്യാചഷ്ട ദുർധർഷോ വാസുദേവഃ കിരീടിനേ
തതോ രാജൻ പ്രാദുരാസീൻ മഹാഘോരോ മഹാരണഃ
7 സിംഹനാദ രവാശ് ചാത്ര പ്രാദുരാസൻ സമാഗമേ
ഉഭയോഃ സേനയോ രാജൻ മൃത്യും കൃത്വാ നിവർതനം