മഹാഭാരതം മൂലം/കർണപർവം/അധ്യായം11

മഹാഭാരതം മൂലം/കർണപർവം
രചന:വ്യാസൻ
അധ്യായം11

1 [സ്]
     ഭീമസേനം തതോ ദ്രൗണീ രാജൻ വിവ്യാധ പത്രിണാ
     ത്വരയാ പരയാ യുക്തോ ദർശയന്ന് അസ്ത്രലാഘവം
2 അഥൈനം പുനർ ആജഘ്നേ നവത്യാ നിശിതൈഃ ശരൈഃ
     സർവമർമാണി സമ്പ്രേക്ഷ്യ മർമജ്ഞോ ലഘുഹസ്തവത്
3 ഭീമസേനഃ സമാകീർണോ ദ്രൗണിനാ നിശിതൈഃ ശരൈഃ
     രരാജ സമരേ രാജൻ രശ്മിവാൻ ഇവ ഭാസ്കരഃ
4 തതഃ ശരസഹസ്രേണ സുപ്രയുക്തേന പാണ്ഡവഃ
     ദ്രോണപുത്രം അവച്ഛാദ്യ സിംഹനാദം അമുഞ്ചത
5 ശരൈഃ ശരാംസ് തതോ ദ്രൗണിഃ സംവാര്യ യുധി പാണ്ഡവം
     ലലാടേ ഽഭ്യഹനദ് രാജൻ നാരാചേന സ്മയന്ന് ഇവ
6 ലലാടസ്ഥം തതോ ബാണം ധാരയാം ആസ പാണ്ഡവഃ
     യഥാ ശൃംഗം വനേ ദൃപ്തഃ ഖഡ്ഗോ ധാരയതേ നൃപ
7 തതോ ദ്രൗണിം രണേ ഭീമോ യതമാനം പരാക്രമീ
     ത്രിഭിർ വിവ്യാധ നാരാചൈർ ലലാടേ വിസ്മയന്ന് ഇവ
8 ലലാടസ്ഥൈസ് തതോ ബാണൈർ ബ്രാഹ്മണഃ സ വ്യരോചത
     പ്രാവൃഷീവ യഥാ സിക്തസ് ത്രിശൃംഗഃ പർവതോത്തമഃ
9 തതഃ ശരശതൈർ ദ്രൗണിർ മദയാം ആസ പാണ്ഡവഃ
     ന ചൈനം കമ്പയാം ആസ മാതരിശ്വേവ പർവതം
10 തഥൈവ പാണ്ഡവം യുദ്ധേ ദ്രൗണിഃ ശരശതൈഃ ശിതൈഃ
    നാകമ്പയത സംഹൃഷ്ടോ വാര്യോഘ ഇവ പർവതം
11 താവ് അന്യോന്യം ശരൈർ ഘോരൈശ് ഛാദയാനൗ മഹാരഥൗ
    രഥചര്യാ ഗതൗ ശൂരൗ ശുശുഭാതേ രണോത്കടൗ
12 ആദിത്യാവ് ഇവ സന്ദീപ്തൗ ലോകക്ഷയകരാവ് ഉഭൗ
    സ്വരശ്മിഭിർ ഇവാന്യോന്യം താപയന്തൗ ശരോത്തമൈഃ
13 കൃതപ്രതികൃതേ യത്നം കുർവാണൗ ച മഹാരണേ
    കൃതപ്രതികൃതേ യത്നം ചക്രാതേ താവ് അഭീതവത്
14 വ്യാഘ്രാവ് ഇവ ച സംഗ്രാമേ ചേരതുസ് തൗ മഹാരഥൗ
    ശരദംഷ്ട്രൗ ദുരാധർഷൗ ചാപവ്യാത്തൗ ഭയാനകൗ
15 അഭൂതാം താവ് അദൃശ്യൗ ച ശരജാലൈഃ സമന്തതഃ
    മേഘജാലൈർ ഇവ ച്ഛന്നൗ ഗഗനേ ചന്ദ്രഭാസ്കരൗ
16 പ്രകാശൗ ച മുഹൂർതേന തത്രൈവാസ്താം അരിന്ദമൗ
    വിമുക്തൗ മേഘജാലേന ശശിസൂര്യൗ യഥാ ദിവി
17 അപസവ്യം തതശ് ചക്രേ ദ്രൗണിസ് തത്ര വൃകോദരം
    കിരഞ് ശരശതൈർ ഉഗ്രൈർ ധാരാഭിർ ഇവ പർവതം
18 ന തു തൻ മമൃഷേ ഭീമഃ ശത്രോർ വിജയലക്ഷണം
    പ്രതിചക്രേ ച തം രാജൻ പാണ്ഡവോ ഽപ്യ് അപസവ്യതഃ
19 മണ്ഡലാനാം വിഭാഗേഷു ഗതപ്രത്യാഗതേഷു ച
    ബഭൂവ തുമുലം യുദ്ധം തയോസ് തത്ര മഹാമൃധേ
20 ചരിത്വാ വിവിധാൻ മാർഗാൻ മണ്ഡലം സ്ഥാനം ഏവ ച
    ശരൈഃ പൂർണായതോത്സൃഷ്ടൈർ അന്യോന്യം അഭിജഘ്നതുഃ
21 അന്യോന്യസ്യ വധേ യത്നം ചക്രതുസ് തൗ മഹാരഥൗ
    ഈഷതുർ വിരഥം ചൈവ കർതും അന്യോന്യം ആഹവേ
22 തതോ ദ്രൗണിർ മഹാസ്ത്രാണി പ്രാദുശ്ചക്രേ മഹാരഥഃ
    താന്യ് അസ്ത്രൈർ ഏവ സമരേ പ്രതിജഘ്നേ ഽസ്യ പാണ്ഡവഃ
23 തതോ ഘോരം മഹാരാജ അസ്ത്രയുദ്ധം അവർതത
    ഗ്രഹയുദ്ധം യഥാ ഘോരം പ്രജാസംഹരണേ അഭൂത്
24 തേ ബാണാഃ സമസജ്ജന്ത ക്ഷിപ്താസ് താഭ്യാം തു ഭാരത
    ദ്യോതയന്തോ ദിശഃ സർവാസ് തച് ച സൈന്യം സമന്തതഃ
25 ബാണസംഘാവൃതം ഘോരം ആകാശം സമപദ്യത
    ഉക്ലാ പാതകൃതം യദ്വത് പ്രജാനാം സങ്ക്ഷയേ നൃപ
26 ബാണാഭിഘാതാത് സഞ്ജജ്ഞേ തത്ര ഭാരത പാവകഃ
    സ വിസ്ഫുലിംഗോ ദീപ്താർചിഃ സോ ഽദഹദ് വാഹിനീ ദ്വയം
27 തത്ര സിദ്ധാ മഹാരാജ സമ്പതന്തോ ഽബ്രുവൻ വചഃ
    അതി യുദ്ധാനി സർവാണി യുദ്ധം ഏതത് തതോ ഽധികം
28 സർവയുദ്ധാനി ചൈതസ്യ കലാം നാർഹന്തി ഷോഡശീം
    നൈതാദൃശം പുനർ യുദ്ധം ന ഭൂതം ന ഭവിഷ്യതി
29 അഹോ ജ്ഞാനേന സംയുക്താവ് ഉഭൗ ചോഗ്രപരാക്രമൗ
    അഹോ ഭീമേ ബലം ഭീമം ഏതയോശ് ച കൃതാസ്ത്രതാ
30 അഹോ വീര്യസ്യ സാരത്വം അഹോ സൗഷ്ഠവം ഏതയോഃ
    സ്ഥിതാവ് ഏതൗ ഹി സമരേ കാലാന്തകയമോപമൗ
31 രുദ്രൗ ദ്വാവ് ഇവ സംഭൂതൗ യഥാ ദ്വാവ് ഇവ ഭാസ്കരൗ
    യമൗ വാ പുരുഷവ്യാഘ്രൗ ഘോരരൂപാവ് ഇമൗ രണേ
32 ശ്രൂയന്തേ സ്മ തദാ വാചഃ സിദ്ധാനാം വൈ മുഹുർ മുഹുഃ
    സിംഹനാദശ് ച സഞ്ജജ്ഞേ സമേതാനാം ദിവൗകസാം
    അദ്ഭുതം ചാപ്യ് അചിന്ത്യം ച ദൃഷ്ട്വാ കർമ തയോർ മൃധേ
33 തൗ ശൂരൗ സമരേ രാജൻ പരസ്പരകൃതാഗസൗ
    പരസ്പരം ഉദൈക്ഷേതാം ക്രോധാദ് ഉദ്വൃത്യ ചാക്ഷുഷീ
34 ക്രോധരക്തേക്ഷണൗ തൗ തു ക്രോധാത് പ്രസ്ഫുരിതാധരൗ
    ക്രോധാത് സന്ദഷ്ട ദശനൗ സന്ദഷ്ട ദശനച് ഛദൗ
35 അന്യോന്യം ഛാദയന്തൗ സ്മ ശരവൃഷ്ട്യാ മഹാരഥൗ
    ശരാംബുധാരൗ സമരേ ശസ്ത്രവിദ്യുത് പ്രകാശിനൗ
36 താവ് അന്യോന്യം ധ്വജൗ വിദ്ധ്വാ സാരഥീ ച മഹാരഥൗ
    അന്യോന്യസ്യ ഹയാൻ വിദ്ധ്വാ ബിഭിദാതേ പരസ്പരം
37 തതഃ ക്രുദ്ധൗ മഹാരാജ ബാണൗ ഗൃഹ്യ മഹാഹവേ
    ഉഭൗ ചിക്ഷിപതുസ് തൂർണം അന്യോന്യസ്യ വധൈഷിണൗ
38 തൗ സായകൗ മഹാരാജ ദ്യോതമാനൗ ചമൂമുഖേ
    ആജഘ്രാതേ സമാസാദ്യ വജ്രവേഗൗ ദുരാസദൗ
39 തൗ പരസ്പരവേഗാച് ച ശരാഭ്യാം ച ഭൃശാഹതൗ
    നിപേതതുർ മഹാവീരൗ സ്വരഥോപസ്ഥയോസ് തദാ
40 തതസ് തു സാരഥിർ ജ്ഞാത്വാ ദ്രോണപുത്രം അചേതനം
    അപോവാഹ രണാദ് രാജൻ സർവക്ഷത്രസ്യ പശ്യതഃ
41 തഥൈവ പാണ്ഡവം രാജൻ വിഹ്വലന്തം മുഹുർ മുഹുഃ
    അപോവാഹ രഥേനാജൗ സാരഥിഃ ശത്രുതാപനം