മഹാഭാരതം മൂലം/ആശ്രമവാസികപർവം/അധ്യായം28

വിക്കിഗ്രന്ഥശാല സംരംഭത്തിൽ നിന്ന്
മഹാഭാരതം മൂലം/ആശ്രമവാസികപർവം
രചന:വ്യാസൻ
അധ്യായം28

1 [വൈ]
     വനം ഗതേ കൗരവേന്ദ്രേ ദുഃഖശോകസമാഹതാഃ
     ബഭൂവുഃ പാണ്ഡവാ രാജൻ മാതൃശോകേന ചാർദിതാഃ
 2 തഥാ പൗരജനഃ സർവഃ ശോചന്ന് ആസ്തേ ജനാധിപം
     കുർവാണാശ് ച കഥാസ് തത്ര ബ്രാഹ്മണാ നൃപതിം പ്രതി
 3 കഥം നു രാജാ വൃദ്ധഃ സ വനേ വസതി നിർജനേ
     ഗാന്ധാരീ ച മഹാഭാഗാ സാ ച കുന്തീ പൃഥാ കഥം
 4 സുഖാർഹഃ സ ഹി രാജർഷിർ ന സുഖം തൻ മഹാവനം
     കിം അവസ്ഥഃ സമാസാദ്യ പ്രജ്ഞാ ചക്ഷുർ ഹതാത്മജഃ
 5 സുദുഷ്കരം കൃതവതീ കുന്തീപുത്രാൻ അപശ്യതീ
     രാജ്യശ്രിയം പരിത്യജ്യ വനവാസം അരോചയത്
 6 വിദുരഃ കിം അവസ്ഥശ് ച ഭ്രാതുഃ ശുശ്രൂഷുർ ആത്മവാൻ
     സ ച ഗാവൽഗണിർ ധീമാൻ ഭർതൃപിണ്ഡാനുപാലകഃ
 7 ആകുമാരം ച പൗരാസ് തേ ചിന്താശോകസമാഹതാഃ
     തത്ര തത്ര കഥാശ് ചക്രുഃ സമാസാദ്യ പരസ്പരം
 8 പാണ്ഡവാശ് ചൈവ തേ സർവേ ഭൃശം ശോകപരായണാഃ
     ശോചന്തോ മാതരം വൃദ്ധാം ഊഷുർ നാതിചിരം പുരേ
 9 തഥൈവ പിതരം വൃദ്ധം ഹതപുത്രം ജനേശ്വരം
     ഗാന്ധാരീം ച മഹാഭാഗാം വിദുരം ച മഹാമതിം
 10 നൈഷാം ബഭൂവ സമ്പ്രീതിസ് താൻ വിചിന്തയതാം തദാ
    ന രാജ്യേ ന ച നാരീഷു ന വേദാധ്യയനേ തഥാ
11 പരം നിർവേദം അഗമംശ് ചിന്തയന്തോ നരാധിപം
    തച് ച ജ്ഞാതിവധം ഘോരം സംസ്മരന്തഃ പുനഃ പുനഃ
12 അഭിമന്യോശ് ച ബാലസ്യ വിനാശം രണമൂർധനി
    കർണസ്യ ച മഹാബാഹോഃ സംഗ്രാമേഷ്വ് അപലായിനഃ
13 തഥൈവ ദ്രൗപദേയാനാം അന്യേഷാം സുഹൃദാം അപി
    വധം സംസ്മൃത്യ തേ വീരാ നാതിപ്രമനസോ ഽഭവൻ
14 ഹതപ്രവീരാം പൃഥിവീം ഹതരത്നാം ച ഭാരത
    സദൈവ ചിന്തയന്തസ് തേ ന നിദ്രാം ഉപലേഭിരേ
15 ദ്രൗപദീ ഹതപുത്രാ ച സുഭദ്രാ ചൈവ ഭാമിനീ
    നാതിപ്രീതി യുതേ ദേവ്യൗ തദാസ്താം അപ്രഹൃഷ്ടവത്
16 വൈരാട്യാസ് തു സുതം ദൃഷ്ട്വാ പിതരം തേ പരിക്ഷിതം
    ധാരയന്തി സ്മ തേ പ്രാണാംസ് തവ പൂർവപിതാമഹാ