മഹാഭാരതം മൂലം/ആദിപർവം/അധ്യായം225

വിക്കിഗ്രന്ഥശാല സംരംഭത്തിൽ നിന്ന്
മഹാഭാരതം മൂലം/ആദിപർവം
രചന:വ്യാസൻ
അധ്യായം 225

1 [മന്ദപാല]
     യുഷ്മാകം പരിരക്ഷാർഥം വിജ്ഞപ്തോ ജ്വലനോ മയാ
     അഗ്നിനാ ച തഥേത്യ് ഏവം പൂർവം ഏവ പ്രതിശ്രുതം
 2 അഗ്നേർ വചനം ആജ്ഞായ മാതുർ ധർമജ്ഞതാം ച വഃ
     യുഷ്മാകം ച പരം വീര്യം നാഹം പൂർവം ഇഹാഗതഃ
 3 ന സന്താപോ ഹി വഃ കാര്യഃ പുത്രകാ മരണം പ്രതി
     ഋഷീൻ വേദ ഹുതാശോ ഽപി ബ്രഹ്മ തദ് വിദിതം ച വഃ
 4 [വൈ]
     ഏവം ആശ്വാസ്യ പുത്രാൻ സ ഭര്യാം ചാദായ ഭാരത
     മന്ദപാലസ് തതോ ദേശാദ് അന്യം ദേശം ജഗാമ ഹ
 5 മഘവാൻ അപി തിഗ്മാംശുഃ സമിദ്ധം ഖാണ്ഡവം വനം
     ദദാഹ സഹ കൃഷ്ണാഭ്യാം ജനയഞ് ജഗതോ ഽഭയം
 6 വസാ മേദോ വഹാഃ കുല്യാസ് തത്ര പീത്വാ ച പാവകഃ
     അഗച്ഛത് പരമാം തൃപ്തിം ദർശയാം ആസ ചാർജുനം
 7 തതോ ഽന്തരിക്ഷാദ് ഭഗവാൻ അവതീര്യ സുരേശ്വരഃ
     മരുദ്ഗണവൃതഃ പാർഥം മാധവം ചാബ്രവീദ് ഇദം
 8 കൃതം യുവാഭ്യാം കർമേദം അമരൈർ അപി ദുഷ്കരം
     വരാൻ വൃണീതം തുഷ്ടോ ഽസ്മി ദുർലഭാൻ അപ്യ് അമാനുഷാൻ
 9 പാർഥസ് തു വരയാം ആസ ശക്രാദ് അസ്ത്രാണി സർവശഃ
     ഗ്രഹീതും തച് ച ശക്രോ ഽസ്യ തദാ കാലം ചകാര ഹ
 10 യദാ പ്രസന്നോ ഭഗവാൻ മഹാദേവോ ഭവിഷ്യതി
    തുഭ്യം തദാ പ്രദാസ്യാമി പാണ്ഡവാസ്ത്രാണി സർവശഃ
11 അഹം ഏവ ച തം കാലം വേത്സ്യാമി കുരുനന്ദന
    തപസാ മഹതാ ചാപി ദാസ്യാമി തവ താന്യ് അഹം
12 ആഗ്നേയാനി ച സർവാണി വായവ്യാനി തഥൈവ ച
    മദീയാനി ച സർവാണി ഗ്രഹീഷ്യസി ധനഞ്ജയ
13 വാസുദേവോ ഽപി ജഗ്രാഹ പ്രീതിം പാർഥേന ശാശ്വതീം
    ദദൗ ച തസ്മൈ ദേവേന്ദ്രസ് തം വരം പ്രീതിമാംസ് തദാ
14 ദത്ത്വാ താഭ്യാം വരം പ്രീതഃ സഹ ദേവൈർ മരുത്പതിഃ
    ഹുതാശനം അനുജ്ഞാപ്യ ജഗാമ ത്രിദിവം പുനഃ
15 പാവകശ് ചാപി തം ദാവം ദഗ്ധ്വാ സമൃഗപക്ഷിണം
    അഹാനി പഞ്ച ചൈകം ച വിരരാമ സുതർപിതഃ
16 ജഗ്ധ്വാ മാംസാനി പീത്വാ ച മേദാംസി രുധിരാണി ച
    യുക്തഃ പരമയാ പ്രീത്യാ താവ് ഉവാച വിശാം പതേ
17 യുവാഭ്യാം പുരുഷാഗ്ര്യാഭ്യാം തർപിതോ ഽസ്മി യഥാസുഖം
    അനുജാനാമി വാം വീരൗ ചരതം യത്ര വാഞ്ഛിതം
18 ഏവം തൗ സമനുജ്ഞാതൗ പാവകേന മഹാത്മനാ
    അർജുനോ വാസുദേവശ് ച ദാനവശ് ച മയസ് തഥാ
19 പരിക്രമ്യ തതഃ സർവേ ത്രയോ ഽപി ഭരതർഷഭ
    രമണീയേ നദീകൂലേ സഹിതാഃ സമുപാവിശൻ