പുറനാനൂറ്/41-50

←ഉള്ളടക്കം

പുറനാനൂറ് പുറനാനൂറ്/41-50

പുറനാനൂറ്/51-60→

പാട്ട് ൪൧ (കാലനും)

പാടിയത്: കോവൂർ കിഴാർ | പാടപ്പെട്ടത്: ചോഴൻ കുളമുറ്റത്തുത്തുഞ്ചിയ കിള്ളിവളവൻ

കാലനും കാലം പാർക്കും, പാരാതു
വേൽ ഈണ്ടു താനൈ വിഴുമിയോർ തൊലൈയ,
വേണ്ടിടത്തു അടൂഉം വെൽ പോർ വേന്തേ!
തിചൈ ഇരു നാൻകും ഉറ്കം ഉറ്കവും,
പെരു മരത്തു ഇലൈയിൽ നെടുങ്കോടു വറ്റൽ പറ്റവും, ൫
വെങ്കതിർക്കനലി തുറ്റവും പിറവും,
അഞ്ചുവരത്തകുന പുള്ളുക്കുരൽ ഇയമ്പവും,
എയിറു നിലത്തു വീഴവും, എണ്ണെയ് ആടവും,
കളിറു മേൽ കൊള്ളവും, കാഴകം നീപ്പവും,
വെള്ളി നോൻപടൈ കട്ടിലൊടു കവിഴവും, ൧൦
കനവിൻ അരിയന കാണാ നനവിൻ
ചെരുച്ചെയ് മുൻപ നിൻ വരുതിറൻ നോക്കി,
മൈയൽ കൊണ്ട ഏമം ഇൽ ഇരുക്കൈയർ
പുതൽവർ പൂങ്കൺ മുത്തി, മനൈയോട്കു
എവ്വം കരക്കും പൈതൽ മാക്കളൊടു ൧൫
പെരുങ്കലക്കുറ്റന്റാൽ താനേ, കാറ്റോടു
എരി നികഴ്ന്തന്ന ചെലവിൻ
ചെരു മികു വളവ നിറ് ചിനൈഇയോർ നാടേ.

പാട്ട് ൪൨ (ആനായീകൈ)

പാടിയത്: ഇടൈക്കാടനാർ | പാടപ്പെട്ടത്: ചോഴൻ കുളമുറ്റത്തുത്തുഞ്ചിയ കിള്ളിവളവൻ

ആനാ ഈകൈ അടു പോർ അണ്ണൽ! നിൻ
യാനൈയും മലൈയിൻ തോന്റും പെരുമ! നിൻ
താനൈയും കടലെന മുഴങ്കും, കൂർ നുനൈ
വേലും മിന്നിൻ വിളങ്കും, ഉലകത്തു
അരൈചു തലൈ പനിക്കും ആറ്റലൈ ആതലിൻ, ൫
പുരൈ തീർന്തന്റു, അതു പുതുവതോ അന്റേ,
തൺ പുനൽ പൂചൽ അല്ലതു നൊന്തു,
കളൈക വാഴി വളവ എന്റു നിൻ
മുനൈതരു പൂചൽ കനവിനും അറിയാതു,
പുലി പുറങ്കാക്കും കുരുളൈ പോല ൧൦
മെലിവു ഇൽ ചെങ്കോൽ നീ പുറങ്കാപ്പ-,
പ്പെരുവിറൽ യാണർത്തു ആകി അരിനർ
കീഴ് മടൈക്കൊണ്ട വാളൈയും, ഉഴവർ
പടൈ മിളിർന്തിട്ട യാമൈയും, അറൈനർ
കരുമ്പിറ് കൊണ്ട തേനും, പെരുന്തുറൈ ൧൫
നീർതരു മകളിർ കുറ്റ കുവളൈയും,
വൻപുലക്കേളിർക്കു വരുവിരുന്തു അയരും
മെൻപുല വൈപ്പിൻ നൻനാട്ടുപ്പൊരുന!
മലൈയിൻ ഇഴിന്തു മാക്കടൽ നോക്കി
നിലവരൈ ഇഴിതരും പൽ യാറു പോല- ൨൦
പ്പുലവരെല്ലാം നിൻ നോക്കിനരേ,
നീയേ മരുന്തു ഇൽ കണിച്ചി വരുന്ത വട്ടിത്തു-
ക്കൂറ്റു വെകുണ്ടന്ന മുൻപൊടു,
മാറ്റു ഇരു വേന്തർ മൺ നോക്കിനൈയേ.

പാട്ട് ൪൩ (നിലമിചൈ)

പാടിയത്: താമറ്പൽ കണ്ണനാർ | പാടപ്പെട്ടത്: ചോഴൻ നലങ്കിള്ളി തമ്പി മാവളത്താൻ

നില മിചൈ വാഴ്നർ അലമരൽ തീര-,
ത്തെറു കതിർക്കനലി വെമ്മൈ താങ്കി-,
ക്കാൽ ഉണവാകച്ചുടരൊടു കൊട്കും,
അവിർ ചടൈ മുനിവരും മരുള-, ക്കൊടുഞ്ചിറൈ-
ക്കൂർ ഉകിർപ്പരുന്തിൻ ഏറു കുറിത്തു ഒരീഇത്, ൫
തന്നകം പുക്ക കുറുനടൈപ്പുറവിൻ
തപുതി അഞ്ചിച്ചീരൈ പുക്ക
വരൈയാ ഈകൈ ഉരവോൻ മരുക!
നേരാർക്കടന്ത മുരൺ മികു തിരുവിൻ
തേർ വൺ കിള്ളി തമ്പി വാർ കോൽ ൧൦
കൊടുമര മറവർ പെരുമ! കടുമാൻ
കൈ വൺ തോന്റൽ! ഐയം ഉടൈയേൻ,
“ആർ പുനൈ തെരിയൽ നിൻ മുന്നോർ എല്ലാം
പാർപ്പാർ നോവന ചെയ്യലർ മറ്റു ഇതു
നീർത്തോ നിനക്കു?” എന വെറുപ്പക്കുറി, ൧൫
നിൻ യാൻ പിഴൈത്തതു നോവായ് എന്നിനും,
നീ പിഴൈത്തായ് പോൽ നനി നാണിനൈയേ,
തമ്മൈപ്പിഴൈത്തോർ -പ്പൊറുക്കുഞ്ചെമ്മൽ
ഇക്കുടിപ്പിറന്തോർക്കു എണ്മൈ കാണും എന-
ക്കാൺതകു മൊയ്മ്പ! കാട്ടിനൈ ആകലിൻ ൨൦
യാനേ പിഴൈത്തനെൻ ചിറക്ക നിൻ ആയുൾ,
മിക്കു വരും ഇൻനീർക്കാവിരി
എക്കർ ഇട്ട മണലിനും പലവേ!

പാട്ട് ൪൪ (ഇരുമ്പിടിത്തൊഴു)

പാടിയത്: കോവൂർ കിഴാർ | പാടപ്പെട്ടത്: ചോഴൻ നലങ്കിള്ളി

ഇരും പിടിത് തൊഴുതിയൊടു പെരുങ്കയം പടിയാ,
നെല്ലുടൈക്കവളമൊടു നെയ്മ്മിതി പെറാഅ,
തിരുന്തരൈ നോൻ വെളിൽ വരുന്ത ഒറ്റി,
നില മിചൈപ്പുരളും കൈയ വെയ്തു ഉയിർത്തു,
അലമരൽ യാനൈ ഉരുമെന മുഴങ്കവും, ൫
പാൽ ഇൽ കുഴവി അലറവും മകളിർ
പൂ ഇൽ വറുന്തലൈ മുടിപ്പവും, നീർ ഇൽ
വിനൈ പുനൈ നൽ ഇൽ ഇനൈകൂഉക്കേട്പവും,
ഇന്നാതു അമ്മ ഈങ്കു ഇനിതു ഇരുത്തൽ
തുന്നരും തുപ്പിൻ വയമാൻ തോന്റൽ! ൧൦
അറവൈ ആയിൻ നിനതു എനത്തിറത്തൽ,
മറവൈ ആയിൻ, പോരൊടു തിറത്തൽ
അറവൈയും മറവൈയും അല്ലൈയാക-,
ത്തിറവാതു അടൈത്ത തിണ്ണിലൈക്കതവിൻ
നീൾ മതിൽ ഒരു ചിറൈ ഒടുങ്കുതൽ ൧൫
നാണുത്തകവുടൈത്തു ഇതു കാണുങ്കാലേ.

പാട്ട് ൪൫ (ഇരുമ്പനൈ)

പാടിയത്: കോവൂർ കിഴാർ | പാടപ്പെട്ടത്: ചോഴൻ നലങ്കിള്ളിയും, നെടുങ്കിള്ളിയും

ഇരുമ്പനൈ വെൺതോടു മലൈന്തോൻ അല്ലൻ,
കരുഞ്ചിനൈ വേമ്പിൻ തെരിയലോൻ അല്ലൻ,
നിന്ന കണ്ണിയും ആർ മിടൈന്തന്റേ, നിന്നൊടു
പൊരുവോൻ കണ്ണിയും ആർ മിടൈന്തന്റേ,
ഒരുവീർ തോറ്പിനും തോറ്പനും കുടിയേ, ൫
ഇരുവീർ വേറൽ ഇയറ്കൈയും അന്റേ, അതനാൽ,
കുടിപ്പൊരുൾ അന്റുനും ചെയ്തി, കൊടിത്തേർ
നുമ്മോർ അന്ന വേന്തർക്കു
മെയ്മ്മലി ഉവകൈ ചെയ്യും, ഇവ് ഇകലേ.

പാട്ട് ൪൬ (നീയേ പുറവിൻ)

പാടിയത്: കോവൂർ കിഴാർ | പാടപ്പെട്ടത്: ചോഴൻ കുളമുറ്റത്തുത് തുഞ്ചിയ കിള്ളിവളവൻ

നീയേ പുറവിൻ അല്ലൽ അന്റിയും പിറവും
ഇടുക്കൺ പലവും വിടുത്തോൻ മരുകനൈ,
ഇവരേ പുലൻ ഉഴുതു ഉണ്മാർ പുൻകൺ അഞ്ചി-
ത്തമതു പകുത്തു ഉണ്ണും തണ്ണിഴൽ വാഴ്നർ,
കളിറു കണ്ടു അഴൂഉം അഴാഅൽ മറന്ത ൫
പുന്തലൈച്ചിറാഅർ, മന്റു മരുണ്ടു നോക്കി,
വിരുന്തിറ് പുൻകൺ നോവുടൈയർ,
കേട്ടനൈയായിൻ, നീ വേട്ടതു ചെയ്മ്മേ.

പാട്ട് ൪൭ (വള്ളിയോർപ്പടർന്തു)

പാടിയത്: കോവൂർ കിഴാർ | പാടപ്പെട്ടത്: ചോഴൻ നലങ്കിള്ളി

വള്ളിയോർപ്പടർന്തു പുള്ളിൻ പോകി,
നെടിയ എന്നാതു ചുരം പല കടന്തു,
വടിയാ നാവിൻ വല്ലാങ്കുപ്പാടി-,
പ്പെറ്റതു മകിഴ്ന്തും ചുറ്റം അരുത്തി,
ഓമ്പാതു ഉണ്ടു കൂമ്പാതു വീചി, ൫
വരിചൈക്കു വരുന്തും ഇപ്പരിചിൽ വാഴ്ക്കൈ,
പിറർക്കുത്തീതു അറിന്തന്റോ ഇന്റേ, തിറപ്പട
നണ്ണാർ നാണ അണ്ണാന്തു ഏകി,
ആങ്കു ഇനിതു ഒഴുകിൻ അല്ലതു, ഓങ്കു പുകഴ്
മണ്ണാൾ ചെൽവം എയ്തിയ ൧൦
നുമ്മോർ അന്ന ചെമ്മലും ഉടൈത്തേ.

പാട്ട് ൪൮ (കോതൈമാർപിൻ)

പാടിയത്: പൊയ്കൈയാർ | പാടപ്പെട്ടത്: ചേരമാൻ കോക്കോതൈ മാർപൻ

കോതൈ മാർപിൻ കോതൈയാനും,
കോതൈയൈപ്പുണർന്തോർ കോതൈയാനും,
മാക്കഴി മലർന്ത നെയ്തലാനും,
കൾ നാറുമ്മേ കാനൽ അം തൊണ്ടി
അഃതു എം ഊരേ, അവൻ എം ഇറൈവൻ, ൫
അന്നോൻ പടർതി ആയിൻ, നീയും
എമ്മും ഉള്ളുമോ മുതുവായ് ഇരവല!
അമർ മേമ്പടൂഉം കാലൈ നിൻ,
പുകഴ് മേമ്പടുനനൈക്കണ്ടനം എനവേ.

പാട്ട് ൪൯ (നാടൻ എൻ കോ)

പാടിയത്: പൊയ്കൈയാർ | പാടപ്പെട്ടത്: ചേരമാൻ കോക്കോതൈ മാർപൻ

നാടൻ എൻ കോ, ഊരൻ എൻ കോ,
പാടിമിഴ് പനിക്കടൽ ചേർപ്പൻ എൻ കോ,
യാങ്കനം മൊഴികോ, ഓങ്കു വാൾ കോതൈയൈ?
പുനവർ തട്ടൈ പുടൈപ്പിൻ അയലതു.
ഇറങ്കു കതിർ അലമരു കഴനിയും ൫
പിറങ്കു നീർച്ചേർപ്പിനും പുൾ ഒരുങ്കു എഴുമേ.

പാട്ട് ൫൦ (മാചറവിചിത്ത)

പാടിയത്: മോചികീരനാർ | പാടപ്പെട്ടത്: ചേരമാൻ തകടൂർ എറിന്ത പെരുഞ്ചേരൽ ഇരുമ്പൊറൈ

മാചറ വിചിത്ത വാർപുറു വൾപിൻ
മൈപടു മരുങ്കുൽ പൊലിയ, മഞ്ഞൈ
ഒലി നെടും പീലി ഒൺ പൊറി മണിത്താർ
പൊലങ്കുഴൈ ഉഴിഞൈയൊടു പൊലിയച്ചൂട്ടി-,
ക്കുരുതി വേട്കൈ ഉരുകെഴു മുരചം ൫
മണ്ണി വാരാ അളവൈ, എണ്ണെയ്
നുരൈ മുകന്തന്ന മെൻ പൂഞ്ചേക്കൈ
അറിയാതു ഏറിയ എന്നൈത്തെറുവര,
ഇരുപാൽ പടുക്കു നിൻ വാൾവായ് ഒഴിത്തതൈ
അതൂഉം ചാലും നറ്റമിഴ് മുഴുതു അറിതൽ, ൧൦
അതനൊടും അമൈയാതു അണുക വന്തു നിൻ
മതനുടൈ മുഴവുത്തോൾ ഓച്ചിത്തണ്ണെന
വീചിയോയേ, വിയൽ ഇടം കമഴ,
ഇവൻ ഇചൈ ഉടൈയോർക്കു അല്ലതു അവണതു
ഉയർനിലൈ ഉലകത്തു ഉറൈയുൾ ഇന്മൈ ൧൫
വിളങ്കക്കേട്ടമാറു കൊൽ,
വലമ്പടു കുരുചിൽ നീ ഈങ്കു ഇതു ചെയലേ?