പുറനാനൂറ്/1-10

പാട്ട് ൧ (കണ്ണികാർനറുങ്കൊന്റൈ)

പാടിയത്: പെരുന്തേവനാർ | പാടപ്പെട്ടത്: ശിവപെരുമാൻ | സംഘസാഹിത്യ കാലഘട്ടത്തിനു നൂറ്റാണ്ടുകൾക്കിപ്പുറം പെരുന്തേവനാർ പാടിയ പുകഴ്പ്പാട്ട്

കണ്ണി കാർനറുങ്കൊന്റൈ; കാമർ
വണ്ണ മാർപിൻ താരുങ്കൊന്റൈ;
ഊർതി വാൽവെൾ ഏറെ; ചിറന്ത
ചീർ കെഴു കൊടിയും അവ്വേറു എൻപ;
കറൈ മിടറു അണിയലും അണിന്തന്റു, അക്കറൈ ൫
മറൈ നവിൽ അന്തണർ നുവലവും പടുമേ;
പെണ്ണുരു ഒരു തിറൻ ആകിന്റു, അവ്വുരുത്
തന്നുൾ അടക്കിക്കരക്കിനും കരക്കും;
പിറൈ നുതൽ വണ്ണം ആകിന്റു, അപ്പിറൈ
പതിനെൺ കണനും ഏത്തവും പടുമേ; ൧൦
എല്ലാ ഉയിർക്കും ഏമം ആകിയ
നീരറവു അറിയാക്കരകത്തു-
ത്താഴ് ചടൈപ്പൊലിന്ത അരുന്തവത്തോറ്കേ.

പാട്ട് ൨ (മൺതിണിന്ത നിലനും)

പാടിയത്: മുരഞ്ചിയൂർ മുടിനാകനാർ | പാടപ്പെട്ടത്: ചേരമാൻ പെരുഞ്ചോറ്റു ഉതിയൻ ചേരലാതൻ

മൺ തിണിന്ത നിലനും,
നിലം ഏന്തിയ വിചുമ്പും,
വിചുമ്പു തൈവരു വളിയും,
വളിത്തലൈഇയ തീയും,
തീ മുരണിയ നീരും എൻറാങ്കു ൫
ഐമ്പെരും പൂതത്തു ഇയറ്കൈ പോല-,
പ്പോറ്റാർപ് പൊറുത്തലും ചൂഴ്ച്ചിയതു അകലമും,
വലിയും തെറലും അളിയും ഉടൈയോയ്!
നിൻ കടൽ പിറന്ത ഞായിറു പെയർത്തു നിൻ
വെൺതലൈപ്പുണരിക്കുട കടൽ കുളിക്കും ൧൦
യാണർ വൈപ്പിൻ നൻനാട്ടുപ്പൊരുന!
വാനവരമ്പനൈ! നീയോ പെരുമ!
അലങ്കു ഉളൈപ്പുരവി ഐവരോടു ചിനൈഇ
നിലന്തലൈക്കൊണ്ട പൊലം പൂന്തുമ്പൈ
ഈരൈമ്പതിന്മരും പൊരുതു കളത്തു ഒഴിയ-, ൧൫
പ്പെരുഞ്ചോറ്റു മികുപതം വരൈയാതു കൊടുത്തോയ്!
പാഅൽ പുളിപ്പിനും, പകൽ ഇരുളിനും,
നാഅൽ വേത നെറി തിരിയിനും,
തിരിയാച്ചുറ്റമൊടു മുഴുതു ചേൺ വിളങ്കി
നടുക്കിന്റി നിലിയരോ അത്തൈ; അടുക്കത്തു- 20
ച്ചിറുതലൈ നവ്വിപ്പെരുങ്കൺ മാപ്പിണൈ
അന്തി അന്തണർ അരുങ്കടൻ ഇറുക്കും
മുത്തീ വിളക്കിൽ തുഞ്ചും,
പൊൻ കോട്ടു ഇമയമും പൊതിയമും പോന്റേ.

പാട്ട് ൩ (ഉവവുമതി)

പാടിയത്: ഇരുമ്പിടർത് തലൈയാർ | പാടപ്പെട്ടത്: പാണ്ടിയൻ കരുങ്കൈ ഒൾവാൾ പെരുമ്പെയർ വഴുതി

ഉവവുമതി ഉരുവിൻ ഓങ്കൽ വെൺകുടൈ
നിലവുക്കടൽ വരൈപ്പിൻ മണ്ണകം നിഴറ്റ,
ഏമ മുരചം ഇഴുമെന മുഴങ്ക,
നേമി ഉയ്ത്ത നേഎ നെഞ്ചിൻ,
തവിരാ ഈകൈക്കവുരിയർ മരുക! ൫
ചെയിർ തീർ കറ്പിൻ ചേയിഴൈ കണവ!
പൊൻനോടൈപ്പുകർ അണി നുതൽ
തുൻനരുന്തിറൽ കമഴ് കടാഅത്തു,
എയിറു പടൈയാക എയിറ് കതവു ഇടാഅ-
ക്കയിറു പിണിക്കൊണ്ട കവിഴ് മണി മരുങ്കിൽ, ൧൦
പെരുങ്കൈ യാനൈ ഇരും പിടർത്തലൈയിരുന്തു,
മരുന്തിൽ കൂറ്റത്തു അരുന്തൊഴിൽ ചായാ-
ക്കരുങ്കൈ ഒൾ വാൾ പെരും പെയർ വഴുതി!
നിലം പെയരിനും നിൻ ചൊൽ പെയരൽ,
പൊലങ്കഴൽ കാൽ പുലർ ചാന്തിൻ ൧൫
വിലങ്കു അകന്റ വിയൻ മാർപ!
ഊർ ഇല്ല ഉയവു അരിയ
നീർ ഇല്ല നീൾ ഇടൈയ,
പാർവൽ ഇരുക്കൈക്കവി കൺ നോക്കിൻ,
ചെന്തൊടൈ പിഴൈയാ വൻകൺ ആടവർ, ൨൦
അമ്പു വിട വീഴ്ന്തോർ വമ്പപ്പതുക്കൈത്,
തിരുന്തു ചിറൈ വളൈവായ്പ് പരുന്തു ഇരുന്തു ഉയവും
ഉൻന മരത്ത തുൻനരുങ്കവലൈ,
നിൻ നചൈ വേട്കൈയിൻ ഇരവലർ വരുവർ അതു
മുൻനം മുകത്തിൻ ഉണർന്തു, അവർ ൨൫
ഇന്മൈ തീർത്തൽ വന്മൈയാനേ.

പാട്ട് ൪ (വാൾവലന്തര)

പാടിയത്: പരണർ | പാടപ്പെട്ടത്: ചോഴൻ ഉരുവപ്പക്കറേർ ഇളഞ്ചേട് ചെന്റി

വാൾ വലന്തര മറുപ്പട്ടന,
ചെവ്വാനത്തു വനപ്പുപ്പോന്റന,
താൾ കളങ്കൊളക്കഴൽ പറൈന്തന,
കൊൽ ഏറ്റിൻ മരുപ്പുപ്പോന്റന,
തോൽ തുവൈത്തു അമ്പിൻ തുളൈ തോന്റുവ, ൫
നിലൈക്കു ഒരാഅ ഇലക്കം പോന്റന;
മാവേ, എറി പതത്താൻ ഇടങ്കാട്ടക്
കറുഴ് പൊരുത ചെവ്വായാൻ
എരുത്തു വവ്വിയ പുലി പോന്റന,
കളിറേ, കതവു എറിയാച്ചിവന്തു ഉരാഅയ്, ൧൦
നുതി മഴുങ്കിയ വെൺകോട്ടാൻ
ഉയിർ ഉണ്ണും കൂറ്റുപ്പോൻറന;
നീയേ, അലങ്കു ഉളൈപ്പരീഇ ഇവുളി-
പ്പൊലന്തേർ മിചൈപ്പൊലിവു തോന്റി,
മാക്കടൽ നിവന്തു എഴുതരും ൧൫
ചെഞ്ഞായിറ്റുക്കവിനൈ മാതോ;
അനൈയൈ ആകന്മാറേ,
തായിൽ തൂവാക്കുഴവി പോല
ഓവാതു കൂഉം, നിൻ ഉടറ്റിയോർ നാടേ.

പാട്ട് ൫ (എരുമൈ അന്ന)

പാടിയത്: നരിവെരൂ ഉത്തലൈയാർ | പാടപ്പെട്ടത്: ചേരമാൻ കരുവൂരേറിയ ഒൾവാട് കോപ്പെരുഞ് ചേരൽ

എരുമൈ അന്ന കരുങ്കൽ ഇടൈതോറു
ആനിൻ പരക്കും, യാനൈയ മുൻപിൻ
കാനക നാടനൈ നീയോ പെരുമ!
നീയോർ ആകലിൻ, നിൻ ഒന്റു മൊഴിവൽ!
അരുളും അൻപും നീക്കി, നീങ്കാ ൫
നിരയങ്കൊൾപവരൊടു ഒന്റാതു, കാവൽ
കുഴവി കൊൾപവരിൻ ഓമ്പുമതി,
അളിതോ താനേ, അതു പെറൽ അരുങ്കുരൈത്തേ.

പാട്ട് ൬ (വടാഅതുപനിപടു)

പാടിയത്: കാരികിഴാർ | പാടപ്പെട്ടത്: പാണ്ടിയൻ പല്യാകചാലൈ മുതുകുടുമിപ്പെരുവഴുതി

വടാഅതു പനിപടു നെടുവരൈ വടക്കും,
തെനാഅതു ഉരുകെഴു കുമരിയിൻ തെറ്കും,
കുണാഅതു കരൈ പൊരു തൊടു കടൽ കുണക്കും,
കുടാഅതു തൊന്റു മുതിർ പൗവത്തിൻ കുടക്കും,
കീഴതു മുപ്പുണർ അടുക്കിയ മുറൈ മുതറ് കട്ടിൻ ൫
നീർനിലൈ നിവപ്പിൻ കീഴും, മേലതു
ആനിലൈ ഉലകത്താനും, ആനാതു
ഉരുവും പുകഴും ആകി, വിരി ചീർ-
ത്തെരികോൽ ഞമൻ പോല, ഒരു തിറം
പറ്റൽ ഇലിയരോ നിൻ തിറം ചിറക്ക! ൧൦
ചെയ്-വിനൈക്കു എതിർന്ത തെവ്വർ തേഎത്തു-
ക്കടറ്പടൈ കുളിപ്പ മണ്ടി, അടർപ്പുകർ-
ച്ചിറുകൺ യാനൈ ചെവ്വിതിൻ ഏവി-,
പ്പാചവൽ പടപ്പൈ ആർ എയിൽ പല തന്തു,
അവ് എയിൽ കൊണ്ട ചെയ്-വുറു നൻകലം ൧൫
പരിചിൻ മാക്കട്കു വരിചൈയിൻ നൽകി-,
പ്പണിയിയർ അത്തൈ നിൻ കുടൈയേ മുനിവർ
മുക്കൺ ചെൽവർ നകർ വലഞ്ചെയറ്കേ,
ഇറൈഞ്ചുക പെരുമ നിൻ ചെന്നി! ചിറന്ത
നാന്മറൈ മുനിവർ ഏന്തു കൈ എതിരേ, ൨൦
വാടുക ഇറൈവ നിൻ കണ്ണി! ഒന്നാർ
നാടു ചുടു കമഴ് പുകൈ എറിത്തലാനേ,
ചെൽവിയർ അത്തൈ നിൻ വെകുളി! വാൽ ഇഴൈ
മങ്കൈയർ തുനിത്ത വാൾ മുകത്തു എതിരേ,
ആങ്ക വെന്റി എല്ലാം വെന്റു അകത്തു അടക്കിയ ൨൫
തണ്ടാ ഈകൈത്തകൈമാൺ കുടുമി,
തൺകതിർ മതിയം പോലവും, തെറു ചുടർ
ഒൺകതിർ ഞായിറു പോലവും,
മൻനിയ പെരുമ, നീ നിലമിചൈയാനേ!

പാട്ട് ൭ (കളിറുകടൈഇയ)

പാടിയത്: കരുങ്കുഴൽ ആതനാർ | പാടപ്പെട്ടത്: ചോഴൻ കരികാറ് പെരുവളത്താൻ

കളിറു കടൈഇയ താൾ,
കഴൽ ഉരീഇയ തിരുന്തു അടി-,
ക്കണൈ പൊരുതു കവി വൺകൈയാൽ,
കൺ ഒളിർ വരൂഉം കവിൻ ചാപത്തു,
മാ മറുത്ത മലർ മാർപിൻ, ൫
തോൽ പെയരിയ എറുഴ് മുൻപിൻ,
എല്ലൈയും ഇരവും എണ്ണായ്, പകൈവർ
ഊർ ചുടു വിളക്കത്തു അഴു വിളിക്കമ്പലൈ-
ക്കൊള്ളൈ മേവലൈ; ആകലിൻ, നല്ല
ഇല്ല ആകുപവാൽ ഇയൽ തേർ വളവ! ൧൦
തൺ പുനൽ പരന്ത പൂചൽ മൺ മറുത്തു
മീനിൻ ചെറുക്കും യാണർ-
പ്പയൻ തികഴ് വൈപ്പിൻ പിറർ അകന്റലൈ നാടേ.

പാട്ട് ൮ (വൈയം കാവലർ)

പാടിയത്: കപിലർ | പാടപ്പെട്ടത്: ചേരമാൻ കടുങ്കോ വാഴിയാതൻ

വൈയം കാവലർ വഴിമൊഴിന്തു ഒഴുക-,
പ്പോകം വേണ്ടി,പ്പൊതുച്ചൊൽ പൊറാഅതു ,
ഇടം ചിറിതു എന്നും ഊക്കം തുരപ്പ,
ഒടുങ്കാ ഉള്ളത്തു, ഓമ്പാ ഈകൈ-,
ക്കടന്തു അടു താനൈച് ചേരലാതനൈ
യാങ്കനം ഒത്തിയോ? വീങ്കുചെലൽ മണ്ടിലം!
പൊഴുതുഎന വരൈതി; പുറക്കൊടുത്തു ഇറത്തി;
മാറി വരുതി; മലൈമറൈന്തു ഒളിത്തി;
അകൽഇരു വിചുമ്പി നാനും
പകൽവിളങ്കുതിയാൽ പൽകതിർ വിരിത്തേ.

പാട്ട് ൯ (ആവും ആനിയൽ)

പാടിയത്: നെട്ടിമൈയാർ | പാടപ്പെട്ടത്: പാണ്ടിയൻ പല്യാകചാലൈ മുതുകുടുമിപ്പെരുവഴുതി

“ആവും, ആൻ ഇയൽ പാർപ്പന മാക്കളും,
പെണ്ടിരും, പിണിയുടൈയീരും പേണിത്
തെൻപുലം വാഴ്നർക്കു അരുങ്കടൻ ഇറുക്കും
പൊൻ പോൽ പുതൽവർപ്പെറാഅതീരും,
എം അമ്പു കടി വിടുതും, നും അരൺ ചേർമിൻ” എന ൫
അറത്തു ആറു നുവലും പൂട്കൈ മറത്തിൻ,
കൊൽകളിറ്റു മീമിചൈക്കൊടി വിചുമ്പു നിഴറ്റും
എങ്കോ വാഴിയ, കുടുമി, തങ്കോ-
ച്ചെന്നീർപ്പചുമ്പൊൻ വയിരിയർക്കു ഈത്ത,
മുന്നീർ വിഴവിൻ നെടിയോൻ ൧൦
നൻനീർപ്പഃറുളി മണലിനും പലവേ!

പാട്ട് ൧൦ (വഴിപടുവോരൈ)

പാടിയത്: ഊൻ പൊതി പചുങ്കുടൈയാർ | പാടപ്പെട്ടത്: ചോഴൻ നെയ്തലങ്കാനൽ ഇളഞ്ചേട് ചെന്റി

വഴിപടുവോരൈ വൽ അറിതീയേ;
പിറർ പഴി കൂറുവോർ മൊഴി തേറലൈയേ;
നീ മെയ് കണ്ട തീമൈ കാണിൻ,
ഒപ്പ നാടി അത് തക ഒറുത്തി;
വന്തു അടി പൊരുന്തി മുന്തൈ നിറ്പിൻ ൫
തണ്ടമും തണിതി, നീ പണ്ടൈയിൻ പെരിതേ,
അമിഴ്തു അട്ടു ആനാക്കമഴ് കുയ് അടിചിൽ
വരുനർക്കു വരൈയാ വചൈ ഇൽ വാഴ്ക്കൈ
മകളിർ മലൈത്തൽ അല്ലതു, മള്ളർ
മലൈത്തൽ പോകിയ ചിലൈത്താർ മാർപ! ൧൦
ചെയ്തു ഇരങ്കാ വിനൈച്ചേൺ വിളങ്കും പുകഴ്,
നെയ്തലങ്കാനൽ നെടിയോയ്!
എയ്ത വന്തനം യാം; ഏത്തുകം പലവേ.