(ആരേച്ചാരോടു്) അതിനാൽ, നിങ്ങളുടെ കൃത്യം വേഗം നിർവ്വഹിക്കുക. "
പിതിയാസിന്റെ ചെറുതായ ഈ പ്രസംഗം അവസാനിച്ചതും "അരുതെ! വധിക്കരുതെ!" എന്നിങ്ങനെ ഒരു പ്രാർത്ഥന ജനക്കൂട്ടത്തിനിടയ്ക്കുനിന്നുയർന്നതും ഒരുമിച്ചു കഴിഞ്ഞു. അതു് ഡാമന്റെ ശബ്ദമായിരുന്നു. അയാൾ ഒരു കുതിരയുടെ പുറത്തുകയറി വളരെ വേഗത്തിൽ ഓടിച്ചു ചെല്ലുകയായിരുന്നു. അയാൾ ക്ഷണനേരംകൊണ്ടു് കുതിരപ്പുറത്തുനിന്നു ചാടിയിറങ്ങി ഉത്സാഹത്തോടുകൂടി തൂക്കുമരത്തട്ടിൽ കയറിനിന്നു. " എന്റെ സ്നേഹിതാ! നിങ്ങൾ മരിക്കേണ്ടാ, ഞാൻ ഭാഗ്യവാനാകുന്നു." ഇത്രമാത്രം പറയുന്നതിനേ അയാൾക്കു തല്ക്കാലം കഴിഞ്ഞൊള്ളു. തന്റെ സ്നേഹിതൻ വളരെ പ്രയാസപ്പെട്ടു് മരിക്കുന്നതിനായി ചെന്നു ചേർന്നല്ലോ എന്നുവിചാരിച്ചു് പിതിയാസു് വളരെ വ്യസനിച്ചു.
ആ രണ്ടു സ്നേഹിതന്മാരുടെ അന്യോന്യമുള്ള പെരുമാറ്റം കണ്ടപ്പോൾ രാജാവിന്റെ മനസ്സു് അലിഞ്ഞുപോയി. ദയ അദ്ദേഹത്തിന്റെ ഹൃദയത്തിൽ അന്നു് ആദ്യമായിട്ടാണു് ഉണ്ടായതു്. അദ്ദേഹം അവരെ രണ്ടുപേരേയും പരസ്യമായി വളരെ പ്രശംസിക്കുകയും, തത്വജ്ഞാനിയെ ശിക്ഷയിൽനിന്നു മോചിപ്പിക്കുകയും ചെയ്തു.
൨. ഫ്രാ്ൻസിലെ രാജാവായിരുന്ന ജാൺ.
ഇംഗ്ലാണ്ട്, ഫ്റാൻസു് ഇവ യുറോപ്പു ഖണ്ഡത്തിൽ അന്യോന്യം അടുത്തുകിടക്കുന്ന രണ്ടുരാജ്യങ്ങളാകുന്നു. കഴിഞ്ഞ കാലങ്ങളിൽ, ഈ രാജ്യക്കാർ തമ്മിൽ അനേകം ശണ്ഠകൾ ഉണ്ടായിക്കൊണ്ടിരുന്നു. ഒരിക്കൽ, ഫ്റാൻസിലെ രാജാവായിരുന്ന ജാണിനെ ഇംഗ്ലീഷുകാർ പിടിച്ചുകെട്ടി അവരുടെ നാട്ടിൽ കൊണ്ടുപോയി നാലുവർഷത്തോളം തടവിൽ പാർപ്പിച്ചു. അനന്തരം, ഫ്റാൻസു് രാജ്യവു
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി നിർമ്മിച്ചതാണ്. ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Bluemangoa2z എന്ന ഉപയോക്താവിനായിരിക്കും. | |||||
ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
(സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |