താൾ:Prakruthi-shasthram-randam-bhagam-randam-farathile-1936.pdf/32

പ്രകൃതിശാസ്ത്രം

22

അവർ അധികം വളരുകയില്ല. വളരെ വേഗത്തിൽ അവൎക്കു് ദീനം പിടിക്കയുമില്ല.
യൌവനം:- കൌമാരത്തിൽനിന്നു യൌവ നത്തിലെത്തുന്ന സന്ധിഘട്ടം വളരെ ശ്രദ്ധാർഹമാകുന്നു. ഈ ഘട്ടത്തിൽ വിവേകപൂർവ്വം ചെരുമാറിയില്ലെങ്കിൽ ജീവിതം മുഴുവനും നിഷ്പ്രയോജനമായിത്തീരാൻ എളുപ്പമുണ്ടു്. അംഗഘടനയിലും സ്വഭാവത്തിലും വ്യത്യാസം വരുന്നു. സുഖക്കേടുകൾ പിടിപ്പാൻ വളരെ എളുപ്പമുണ്ടു് . ആദൎശങ്ങൾ മുൻനിൎത്തി അവയെ പ്രവൃത്തിപദ്ധതിയിൽ കൊണ്ടുവരുവാൻ ഉദ്യമിക്കുന്ന ഒരു ഘട്ടമാണിതു്. വിവാഹം കഴിക്കുന്നതും സന്താനങ്ങൾ ജനിക്കുന്നതും ഈ കാലഘട്ടത്തിലാകുന്നു. യൌവനം 14 വയസ്സു തുടങ്ങി 20വരെ ആണെന്നു പറയാം.
വാൎദ്ധക്യം:-ജരയും നരയും ബാധിക്കുന്നു; കണ്ണിന്നു കാഴ്ച കുറയുന്നു; കവിളൊട്ടുന്നു. പല്ലു കൊഴിയുന്നു. മുതുകു കൂന്നുപോകുന്നു; വാൎദ്ധക്യം ജീവിതത്തിന്റെ അവസാന ദശയാണ് നിത്യവിശ്രമമായ മരണം അടുത്തിരിക്കുന്ന ഘട്ടം. ശക്തിക്ഷയവും രോഗവും നിമിത്തം മനുഷ്യർ മരിക്കുന്നു. പിന്നീടുള്ള സ്ഥിതിയെന്തെന്നു കണ്ടുപിടിച്ചിട്ടുള്ളവരാരാനും ഉണ്ടോ? മൃഗങ്ങൾക്കും മിക്കവാറും ഈ ദശകൾ ഉണ്ടു്. പക്ഷെ അവയുടെ ശൈശവം നമ്മുടെ ശൈശവകാലം പോലെ അത്ര ദീർഘിച്ചതല്ല.പശു പ്രസവിച്ചു നാലുമണിക്കൂറിനുള്ളിൽ തന്നെ പശുക്കുട്ടി കുട്ടി ഓടി നടക്കുവാൻ തുടങ്ങുന്നു. മുട്ടയിൽനിന്നു വിരിഞ്ഞു അധികകാലം ചെല്ലുംമുമ്പുതന്നെ പക്ഷിക്കുഞ്ഞുങ്ങൾ പറക്കാൻ പഠിക്കുന്നു.

——————