പാവപ്പെട്ട ഈ ജന്തുവാണോ തുലയേണ്ടത് ? (തൊണ്ടയിടറിക്കൊണ്ടു്) ഞാൻ പറയട്ടെ : പ്രാണികളെക്കൊന്നു് ഒരു നന്മയും നേടാനില്ല. പ്രാണിഹിംസ പാപമാണു്. നാമല്ല ജന്തുക്കൾക്കു ജീവൻ കൊടുത്തതു്. ആ നിലയ്ക്ക് അതില്ലാതാക്കാനും നമുക്കു് അധികാരമില്ല.
പുരോഹിതൻ :-മഹാരാജാവ് എന്താണു മിണ്ടാതെ നില്ക്കുന്നത് ? യാഗം മുടക്കിയതു കണ്ടില്ലേ ?
ബിംബിസാരൻ: ഇദ്ദേഹം പറയുന്നതാണു ശരി എന്നു് എനിക്കു തോന്നുന്നു. (ബുദ്ധനോടു്) മഹാത്മാവേ, ഇന്നു മുതൽ അങ്ങയുടെ ശിഷ്യനാകാൻ ഞാൻ ആഗ്രഹിക്കുന്നു. (ബുദ്ധനെ വണങ്ങുന്നു.)
ബുദ്ധൻ :-മഹാരാജാവേ, അങ്ങു മേലിൽ ഒരു ജീവിയേയും ദ്രോഹിക്കാൻ അനുവദിക്കരുതേ ! അവയോട് നാം ദയ കാണിച്ചില്ലെങ്കിൽ, ഈശ്വരൻ നമ്മോട് ദയ കാണി ക്കുമോ ?
ബിംബിസാരൻ :--യാഗം അവസാനിപ്പിച്ചിരി ക്കുന്നു. ഒരു ജീവിയേയും കൊന്നിട്ടു് എനിക്കു മേന്മ വേണ്ട. ഇനി ഈ നാട്ടിൽ ആരും ജന്തുക്കളെ ഹിംസിക്കരുതു്.
ബുദ്ധൻ:--മഹാരാജാവേ, അങ്ങയ്ക്കു നന്മ വരട്ടെ!!
