ഈ താളിൽ തെറ്റുതിരുത്തൽ വായന നടന്നിരിക്കുന്നു
പാഠം 17
പുതുമഴ
നോക്കൂ തമ്പീ, ബഹുസുഖമേകും
മാരിപതിക്കുന്നു ;
കേൾക്കൂ മധുരം, മധുരം ലളിതം
കിളികൾ ചിലയ്ക്കുന്നു ;
കന്നിക്കാറുകളലറും നാദം
കാതു തുളക്കുന്നു :
മിന്നൽപ്പിണരുകൾ മിന്നിച്ചിന്നി-
ക്കണ്ണു മയക്കുന്നു ;
പുഴകളിലോരോ നുരയാൽ പുഞ്ചിരി
തൂകിക്കൊണ്ടിപ്പോൾ
തഴുകീടുന്നു തമ്മിൽത്തമ്മിൽ-
ത്തരളതരംഗങ്ങൾ ;
“തർ, തറ" നാദം നീളെമുഴക്കി-
ത്തവളകൾ കേഴുന്നു;
പുത്തൻവെള്ളം വന്നിഹ നമ്മുടെ
കുളവും നിറയുന്നു.
-വെണ്ണിക്കുളം ഗോപാലക്കുറുപ്പ്
അഭ്യാസം
1. ചേൎത്തെഴുതുക :-
കാറുകൾ+അലറും;
മിന്നി+ചിന്നി+കണ്ണു മയക്കുന്നു.
