ഈ താളിന്റെ സാധുത തെളിയിക്കപ്പെട്ടതാണ്
മത്താത ! മൽഗുരോ ! മൽപ്രഥമാതിഥേ !
മദ്ദേവ ! മാർത്താണ്ഡ ! കൈതൊഴുന്നേൻ ;
കൈവണങ്ങീടുന്നേനീനൽസുദിനത്തെ-
യാവേദനം ചെയ്തോരങ്ങെ മേന്മേൽ.
ഇന്ദ്രനു ഞാനെന്നുമിദ്ദാനം നല്കിടൊ-
ല്ലെന്നല്ലീ നേർന്നതു ഭിക്ഷയായി ?
അബ്ഭിക്ഷ കൂടാതെ തീരില്ലെന്നുണ്ടെങ്കിൽ
കല്പിച്ചുകൊണ്ടാലും കാരുണ്യാത്മൻ!
എൻവലങ്കയ്യുണ്ടു വാളുണ്ടു , കണ്ഠമു-
ണ്ടന്വഹം മൂന്നും ഭവാന്നധീനം. 840
ഇത്തമോവല്ലികയിക്ഷണമിബ്ബാല-
മിത്രരക്താംശുവാൽ ദീപ്തമാകും.
ഉച്ചൈശ്ശ്രവസ്സൊരു കൂർമ്മമായ് മാറിന
വജ്രിക്കെൻ കഞ്ചുകകുണ്ഡലങ്ങൾ
ഏകട്ടെ-എൻചിതാവേദി ഹവിസ്സുകൾ-
വേഗത്തിൽകൊണ്ടുപോയ് ഹവ്യവാഹൻ.
XXIX
എന്നോതിഖഡ്ഗവും കൈയുമായ് നിൽക്കുന്ന
തന്നോമൽതങ്കത്തെദ്ധാമരാശി
