ഈ താളിന്റെ സാധുത തെളിയിക്കപ്പെട്ടതാണ്
അത്രമേലുൽഗതിനൽകിടുമാവീഴ്ച
മൃത്യുവുമാശിപ്പാനുള്ള മൃത്യു-
ഏകമാം ശ്വാസത്തിൻ സ്പർശത്താലപ്പുണ്യ-
ലോകത്തിലെത്തിക്കും വ്യോമയാനം
കിട്ടിയാൽ ധന്യനായ് ഞാൻ. എനിക്കാപ്പദം
വിട്ടൊരു പൈതൃകസ്വത്തെന്തുള്ളു ? 740
ദേവി ജയലക്ഷ്മി പുൽകുവോന്നുർവ്വര
ജീവിതത്യാഗിക്കു വീരസ്വർഗ്ഗം.
കാന്ദിശീകന്നു നിരയവു; മേകിടും
പോർനിലം വില്ലാളിക്കേകലക്ഷ്യം;
മറ്റുള്ള ജീവികൾ ചാകിലും നൽകുന്നു
മുറ്റും തദ്ദേഹത്താൽ ലോകാഭീഷ്ടം ,
രോമവും , ചർമ്മവും , ശൃംഗവും മറ്റും - ത-
ദാമിഷംപോലും നമുക്കു കാമ്യം ,
പട്ടടക്കുണ്ടിനുപാഴ് വളമാവതു
കഷ്ടമേ ! മർത്ത്യന്റെ കായം മാത്രം 750
പ്രസ്പഷ്ടമോതുന്നുണ്ടന്യർക്കായ് ജീവിപ്പാൻ
ഹൃൽസ്പന്ദവ്യാജത്താലന്തര്യാമി
കേവലമെങ്ങു ഞാൻ പോകിലും കേൾക്കുന്ന-
താവാക്കിൻ മാറ്റൊലിയൊന്നുമാത്രം ,
