ഈ താളിന്റെ സാധുത തെളിയിക്കപ്പെട്ടതാണ്
ഓതിനാൻ ഭാസ്കരൻ ശങ്കയാൽ കണ്ഠത്തിൽ
പാതിതടഞ്ഞൊരു വാക്കിവണ്ണം;
IX
'ആരോമൽപൈതലേ ! ഹാ ! കഷ്ടമയ്യോ ! നീ
യാരെന്നുരച്ചുപോയ് ഹന്ത ! നിന്നെ ?
രാധേയനല്ല, നീ, യാധിരഥിയല്ല;
സൂതകുലത്തിൽ ജനിച്ചോനല്ല; 190
പാലാഴിപൈതലാം പാരിജാതത്തെയോ
കാലിക്കുളമ്പുചാൽ പെറ്റിടുന്നു ?
പണ്ഡാരകീർത്തിയാം നിൻജനയിത്രിയ-
പ്പാണ്ഡവമാതാവാം കുന്തിദേവി !
ധർമ്മിഷ്ഠൻ, വില്ലാളി, ദാതാ, വനുകമ്പി-
യിമ്മട്ടിൽ ത്രൈലോക്യം വാഴ്ത്തും നിന്നാൽ-
സീമന്തപുത്രനാൽ വീരസൂവായവ-
ളാമാന്യ, ഗോവിന്ദന്നച്ഛൻപെങ്ങൾ
പാർത്ഥപുമർത്ഥങ്ങൾ നാലിലും ധർമ്മം നീ-
പാർത്ഥയുഗങ്ങളിൽ സത്യവും നീ; 200
അച്ഛനാരെന്നതും കാണ്മീലേ കുഞ്ഞതീ-
പ്പശ്ചാത്താപാർത്തനാം പാപിതന്നെ !
