കൂട്ടുകാരെ വിവരം ധരിപ്പിച്ചു. “അല്ലാ ഇത്ര പരുങ്ങലാണോ കഥ! ഉണ്ണാതെകണ്ടെന്തുപട? ഇനി ഈ രാജ്യത്തു നിന്നിട്ടേ ഫലമില്ല. രാജധാനിയിലെ വട്ടം ഇങ്ങിനെയായാൽ നാട്ടിലെക്കഥ ചോദിച്ചറിയണോ?” എന്നും പറഞ്ഞു് അവിടെ കുളിയും ഊണും കഴിച്ച് അന്നു തന്നെ കോഴിക്കോട്ടയ്ക്കു പുറപ്പെട്ടു. അവിടെച്ചെന്നു സാമൂരിപ്പാട്ടിലോടു വൎത്തമാനം പറഞ്ഞു.
അദ്ദേഹം ആൾ ശേഖരത്തോടുകൂടി ഭാരതപ്പുഴയ്ക്കക്കരെ വന്നപ്പോൾ അസംഖ്യം പ്രഭുക്കന്മാർ തങ്ങളുടെ സൈന്യങ്ങളോടുകൂടി അവിടെ യുദ്ധത്തിന്നൊരുങ്ങി നിൽപ്പുണ്ടായിരുന്നു.
അവിടെ വെച്ചു മൂന്നുമാസം മുഴുവൻ ഇരുഭാഗക്കാരും പോൎക്കളും പാപ്പിടമാക്കീട്ടുള്ളതായിട്ടും, ഒടുവിൽ നെടുവിരിപ്പ് സ്വരൂപത്തിലെ ആളുകൾ അനേകം ചത്തൊടുങ്ങി കൊച്ചിരാജ്യത്തേക്ക് ഒരടിപോലും വെക്കുവാൻ കഴിയാതെ മടങ്ങിപ്പോയിട്ടുള്ളതായിട്ടും ഒരു പഴങ്കഥ കേട്ടിട്ടുണ്ട്.
ഈ ഐതിഹ്യത്തിന്റെ വാസ്തവമെങ്ങിനെയിരുന്നാലും ഇതിൽ അന്തഭവിച്ചിരിക്കുന്ന സാരം നമ്മൾ നല്ല വണ്ണം ആലോചിപ്പാനുള്ളതാണ്.
അക്കാലങ്ങളിൽ ചാരപുരുഷന്മാരെ അയ
