രോന്നിന്റെയും ഗുണദോഷങ്ങൾ, ഗ്രന്ഥകൎത്താവിന്റെ വിദ്യാഭ്യാസത്തിനും ബുദ്ധി സാമ്യത്തിനും അനുസരണമായി
വിസ്തരിക്കപ്പെടുകയൊ സംഗ്രഹിക്കപ്പെടുകയൊ, ചെയ്യാവുന്നതും ഗ്രന്ഥവിസ്താരം ചെയ്യുന്നതായാൽ അതു ബാലന്മാരായ അദ്ധ്യേതാക്കൾക്കും സാധാരണജനങ്ങൾക്കും, സുഗ്രഹവും സുലഭ്യവും അല്ലാതെ ഭവിക്കാവുന്നതും ആകുകൊണ്ടു
പ്രായേണ സംഗതികളെ വിസ്തരിച്ചിട്ടില്ലാത്തതാകുന്നു
എങ്ങനെ ആയാലും പരിശ്രമപ്രോത്സാഹകന്മാരായ മഹാന്മാർ കിഞ്ചിജ്ഞനായ എന്റെ ഈ പ്രയത്നത്തെ അഭിനന്ദിക്കുകയും ൦രം പുസ്തകം ജനസാമാന്യത്തിന് സ്ഥൂലമായെങ്കിലും സ്വദേശ ചരിത്രത്തിന്റെ ഒരു അറിവിനെ കൊടുക്കുന്നതിനു ഉപയോഗപ്പെടുകയും ചെയ്യുന്നപക്ഷം ഞാൻ കൃതകൃത്യനായി ഭവിക്കുന്നതാണ്.
ഈ പുസ്തകത്തെ ആദ്യാവസാനം പരിശോധനചെയ്ത് അതിലുണ്ടായിരുന്ന തെറ്റുകളെ തീർത്തുതന്നിട്ടുള്ള കേരളവർമ്മ വലിയകോയിത്തമ്പുരാൻ തിരുമനസ്സിലേക്കും രാജരാജവർമ്മ കൊച്ചു കോയിത്തമ്പുരാൻ തിരുമനസ്സിലേക്കും കോളേജിലെ മലയാള പണ്ഡിതരായ മാ. രാ. രാ, രാമക്കുറുപ്പ് ബി. എ. അവർകൾക്കും ഞാൻ വളരെ വളരെ വന്ദനങ്ങൾ പറഞ്ഞു കൊള്ളുന്നു.
ഈ പുസ്തകത്തെ അച്ചടിച്ചു പ്രസിദ്ധംചെയ്യുന്നതിൽ ദ്രവ്യമുഖേന സഹായം ചെയ്തിട്ടുള്ള പരോപകാരതല്പരരായ പല മഹാന്മാർക്കും കഴിയുന്നതും വൃത്തിയായി അച്ചടിക്കുന്നതിന് പ്രത്യേകം ശ്രദ്ധവച്ചിട്ടുള്ള "ഷണ്മുഖവിലാസം പ്രസ്സ്" പ്രൊപ്രൈറ്റർ അവർകൾക്കും ഞാൻ എന്തുമാത്രംകടമപ്പെട്ടിരിക്കുന്നു എന്നുള്ളതു അനിർവചനീയമാകുന്നു. ഈ പുസ്തകം ഉടമസ്ഥന്റെ മുദ്രയോടുംകൂടി വിൽക്കപ്പെടും.
1087-മാണ്ടു,
കർക്കടകമാസം 25-ാംനു
