യ്തില്ലാ. അവരിൽ അനേകർ പിൻകാലങ്ങളിൽ ഉന്നത സ്ഥിതിയെ പ്രാപിച്ചു. ഈയിടക്കു മാറിപ്പോയ ഉമ്മിണിത്തമ്പി ദിവാൻ തന്നെ അപായപ്പെടുത്തുവാൻ ആലോചിക്കുന്നതിനായി അറിഞ്ഞു അയാളെ തടവുകാരനായി ചെങ്കൽപട്ടിൽ അയച്ചു. അനന്തരം മിസ്റ്റർ മൺഡ്രൊ രാജഭരണത്തിനു അത്യാവശ്യമായ ചട്ടങ്ങൾ ഇല്ലാതിരുന്നതിനാൽ നാട്ടുകാരുടെ ആലോചനയും കൂടി ധർമ്മശാസ്ത്രത്തേയും കീഴ്നടപ്പിനെയും ആ സമയം കമ്പനിക്കാരുടെ രാജ്യത്തിൽ നടപ്പായിരുന്ന റൂൾസുകളെയും അനുസരിച്ചു ക്രിമിനാൽ സിവിൽ ഈ ജീവനക്കാരുടെ ഉപയോഗത്തിനായി ഒരു ചട്ടം ഉണ്ടാക്കി അക്കാലത്തെ വഴക്കു പ്രകാരം അതിനു ചട്ടവരിയോല എന്ന പേരും കല്പിച്ചു. അത്... മാണ്ടു ചിങ്ങം മാസം...നു കല്പന പ്രകാരം പരസ്യമാക്കപ്പെട്ടു. അതിൽ... വകുപ്പുകൾ ഒണ്ടു. അതിൽ പ്രകാരം ഈ രാജ്യത്തു ആദ്യമായി നീതിന്യായ കോടതികളും ഒരു അപ്പീൽ കോർട്ടും ഏർപ്പെടുത്തപ്പെട്ടു. അവയിൽ അപ്പീൽ കോർട്ടും ഒരു കീഴ്കോർട്ടും തിരുവനന്തപുരത്തും മറ്റു നാലു കോടതികളും പത്മനാഭപുരം, മാവേലിക്കര, വൈക്കം, ആലങ്ങാടു ഈ സ്ഥലങ്ങളിലും ആയിരുന്നു. അപ്പീൽ കോർട്ടിലെ ഒന്നാം ജഡ്ജി ദിവാനായിരുന്നു ക്രിമിനാൽ സിവിൽ ഈ വക കേസുകളിലുള്ള നടപടികളെയും ജഡ്ജിമാരുടെ അധികാരങ്ങളേയും വ്യക്തമായി അതിൽ വിവരിച്ചിരുന്നു സർക്കാർ ജീവനക്കാരുടെ മേൽ ഉണ്ടാകുന്ന കുറ്റങ്ങളെ വിചാരണ കഴിച്ചു തീർച്ച ചെയ്യുന്നതിനായി ഹജൂർ കോർട്ട് എന്ന നാമധേയത്തോടുകൂടി വേറൊരു കോർട്ടും ഏർപ്പെടുത്തി. കാര്യക്കാർ എന്ന് വിളിക്കപ്പെട്ടു വന്നിരുന്ന മണ്ടപ
