ഈ താളിൽ തെറ്റുതിരുത്തൽ വായന നടന്നിരിക്കുന്നു
മതി മതി കളവൊക്കെ,രക്തമാണെൻ- മതിയിതുനേര,മിനിക്കുറെക്കഴിഞ്ഞാൽ ചതിപറയുകയല്ല കേൾക്കു നീയാ- സ്ഥിതിയെ വരിപ്പതു ഖഡ്ഗമാകുമല്ലോ.
അതിനുടനിടയാക്കിയാൽ നിനക്കെൻ സതി ! ചുടലപ്പിണമായ്ക്ഷണം കളിക്കാം; അതിനിവനപരാധിയല്ലതാനും; മതിമുഖി ! വേണ്ടതുറച്ചുകൊൾക വേഗം.
കുലവധുവുമിവന്നൊരേത്തവാഴ- ക്കുലയുമെതിർക്കുകിലൊന്നുപോലെതന്നെ; കലയുടെകഥയോർക്കിലെൻറെ ചിത്തം കുലഗിരിതന്നെ; കുലുങ്ങുകില്ല ലേശം.
ലതയെതിർമൃദുഗാത്രി ! നാളെയും ഞാൻ കതകിനു മുട്ടുവനന്തിയാകി,ലപ്പോൾ ചിതമൊടിവനെയോ നിനക്കിതംപോൽ ചിതയിൽ വിളങ്ങിന തീയെയോ വരിക്കാം."
അവനരിശമൊടേവമോതി വേഗാ- ലവശതയാർന്നവിടത്തിൽനിന്നു പോയാൻ; അവളുമബലയാൾ തനിക്കടുത്തോ- രവമതിയോർത്തതിമാത്രമാർത്തയായാൾ.
കരിയെതിർനിറവും കൊടുംകനൽത്തീ- പ്പൊരി പതറും മിഴിയും കടുത്തൊരുള്ളും പരിഘമടിപണിഞ്ഞ കൈയുമൊത്തോ- രരിയെ നിനച്ചവളമ്പരന്നു പാരം.
