പരിശുദ്ധ ഖുര്ആന്/അല് ഫാത്തിഹ
വിക്കിഗ്രന്ഥശാല സംരംഭത്തില് നിന്ന്
| പരിശുദ്ധ ഖുര്ആന് അദ്ധ്യായങ്ങള് |
|
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 |
|
<<മുന്നദ്ധ്യായം |
1 പരമകാരുണികനും കരുണാനിധിയുമായ അല്ലാഹുവിന്റെ നാമത്തില് .[1]
2 സ്തുതി സര്വ്വലോക പരിപാലകനായ അല്ലാഹുവിന്നാകുന്നു.
3 പരമകാരുണികനും കരുണാനിധിയും.
4 പ്രതിഫല ദിവസത്തിന്റെ ഉടമസ്ഥന്.
5 നിന്നെ മാത്രം ഞങ്ങള് ആരാധിക്കുന്നു. നിന്നോട് മാത്രം ഞങ്ങള് സഹായം തേടുന്നു. [2]
6 ഞങ്ങളെ നീ നേര്മാര്ഗത്തില് [3] ചേര്ക്കേണമേ.
7 നീ അനുഗ്രഹിച്ചവരുടെ മാര്ഗത്തില് . കോപത്തിന്ന് ഇരയായവരുടെ മാര്ഗത്തിലല്ല [4]. പിഴച്ചുപോയവരുടെ മാര്ഗത്തിലുമല്ല.
- ↑ വിശുദ്ധ ഖുര്ആന്റെ പ്രാരംഭമായതിനാല് ഈ പേര് ലഭിച്ചു.
- ↑ ആരാധനയും സഹായാര്ത്ഥനയും അഭേദ്യമായി ബന്ധപ്പെട്ട കാര്യങ്ങളാണ്.മനുഷ്യര് വിവിധ വ്യക്തികളെയും ശക്തികളെയും ആരാധിച്ചു പോന്നിട്ടുള്ളത് ആരാധ്യരില് നിന്നും അഭൗതികമായ രീതിയില് സഹായം ലഭിക്കുമെന്ന പ്രതീക്ഷയിലാണ്. പ്രപഞ്ചനാഥനല്ലാത്ത ആരില് നിന്നും അഭൗതിക സഹായം പ്രതീക്ഷിക്കുന്നതും അതിന്നായി പ്രാര്ത്ഥിക്കുന്നതും ഇസ്ലാം പഠിപ്പിക്കുന്ന ഏകദൈവത്വത്തിന് വിരുദ്ധമത്രെ.
- ↑ നിഷ്കളങ്കമായ ഏകദൈവാരാധനയുടെ മാര്ഗ്ഗത്തില്, അല്ലാഹുവോട് നേരിട്ടുള്ള പ്രാര്ത്ഥനയുടെ മാര്ഗ്ഗത്തില്, അഥവാ പ്രവചകന്മാരും സജ്ജനങ്ങളും പിന്തുടര്ന്ന കളങ്കമില്ലാത്ത തൌഹീദിന്റെ മാര്ഗ്ഗത്തില് ഞങ്ങളെ ചേര്ക്കേണമേ എന്നര്ത്ഥം.
- ↑ 'കോപത്തിന് ഇരയായവര്' എന്നതിന്റെ പരിധിയില് അവിശ്വാസവും സത്യനിഷേധവും മര്ക്കടമുഷ്ടിയും കൈക്കൊണ്ട എല്ലാവരും ഉള്പ്പെടുമെങ്കിലും ഇവിടെ പ്രധാനമായി ഉദ്ദേശിക്കപ്പെട്ടിട്ടുള്ളത്, വേദഗ്രന്ഥത്തിന്റെ വാഹകരാണെന്നതില് അഭിമാനം കൊള്ളുന്നതോടൊപ്പം സ്വാര്ത്ഥതാല്പര്യങ്ങള്ക്ക് വേണ്ടി വേദവാക്യങ്ങള് ദുര്വ്യാഖ്യാനം ചെയ്തത് നിമിത്തം അല്ലാഹുവിന്റെ കോപത്തിന് ഇരയായ യഹൂദരാണ്. ഈ നിലപാട് സ്വീകരിക്കുന്ന ഏത് സമുദായക്കാരുടെ അവസ്ഥയും ഇതുപോലെതന്നെ. പിഴച്ചുപോയവര് എന്നതുകൊണ്ട് ഇവിടെ പ്രധാനമായും ഉദ്ദേശിക്കപ്പെട്ടിട്ടുള്ളത് യേശുക്രിസ്തുവെ ദൈവപുത്രനാക്കുകയു പൗരോഹിത്യത്തെ മതത്തിന്റെ അടിത്തറയാക്കുകയും ചെയ്ത ക്രിസ്ത്യാനികളാണ്. ദൈവിക സന്ദേശം ലഭിച്ചിട്ട് അതില് നിന്ന് വ്യതിചലിച്ചുപോയ ഏത് സമുദായക്കാരും വഴിപിഴച്ച കൂട്ടത്തില്തന്നെ.
|
<<മുന്നദ്ധ്യായം |
