ഹൃദയസ്തോത്രം

ചണ്ഡികാഹൃദയസ്തോത്രം

അസ്യ ശ്രീ ചണ്ഡികാ ഹൃദയ സ്തോത്ര മഹാമന്ത്രസ്യ । മാർക്കണ്ഡേയ ഋഷിഃ, അനുഷ്ടുപ്ച്ഛന്ദഃ, ശ്രീ ചണ്ഡികാ ദേവതാ । ഹ്രാം ബീജം, ഹ്രീം ശക്തിഃ, ഹ്രൂം കീലകം, അസ്യ ശ്രീ ചണ്ഡികാ പ്രസാദ സിദ്ധ്യർഥേ ജപേ വിനിയോഗഃ ।

ഹ്രാം ഇത്യാദി ഷഡംഗ ന്യാസഃ ।

ധ്യാനം

സർവമംഗള മാംഗല്യേ ശിവേ സർവാർത്ഥ സാധികേ । ശരണ്യേ ത്ര്യംബകേ ഗൌരീ നാരായണീ നമോസ്തുതേ ॥

ബ്രഹ്മോവാച ।

അഥാതസ്സം പ്രവക്ഷ്യാമി വിസ്തരേണ യഥാതഥം । ചണ്ഡികാ ഹൃദയം ഗുഹ്യം ശൃണുഷ്വൈകാഗ്രമാനസഃ । ।

ഓം ഐം ഹ്രീം ക്ളീം, ഹ്രാം, ഹ്രീം, ഹ്രൂം ജയ ജയ ചാമുണ്ഡേ, ചണ്ഡികേ, ത്രിദശ, മണിമകുടകോടീര സംഘട്ടിത ചരണാരവിന്ദേ, ഗായത്രീ, സാവിത്രീ, സരസ്വതി, മഹാഹികൃതാഭരണേ, ഭൈരവരൂപ ധാരിണീ, പ്രകടിത ദംഷ്ട്രോഗ്രവദനേ, ഘോരേ, ഘോരാനനേജ്വല ജ്വലജ്ജ്വാലാ സഹസ്രപരിവൃതേ, മഹാട്ടഹാസ ബധരീകൃത ദിഗന്തരേ, സർവായുധ പരിപൂർണ്ണേ, കപാലഹസ്തേ, ഗജാജിനോത്തരീയേ, ഭൂതവേതാളബൃന്ദപരിവൃതേ, പ്രകൻപിത ധരാധരേ, മധുകൈടമഹിഷാസുര, ധൂംരലോചന ചണ്ഡമുണ്ഡരക്തബീജ ശുംഭനിശുംഭാദി ദൈത്യനിഷ്കണ്ഢകേ, കാളരാത്രി, മഹാമായേ, ശിവേ, നിത്യേ, ഇന്ദ്രാഗ്നിയമനിരൃതി വരുണവായു സോമേശാന പ്രധാന ശക്തി ഭൂതേ, ബ്രഹ്മാവിഷ്ണു ശിവസ്തുതേ, ത്രിഭുവനാധാരാധാരേ, വാമേ, ജ്യേഷ്ഠേ, രൌദ്ര്യംബികേ, ബ്രാഹ്മീ, മാഹേശ്വരി, കൌമാരി, വൈഷ്ണവീ ശംഖിനീ വാരാഹീന്ദ്രാണീ ചാമുണ്ഡാ ശിവദൂതി മഹാകാളി മഹാലക്ഷ്മീ, മഹാസരസ്വതീതിസ്ഥിതേ, നാദമധ്യസ്ഥിതേ, മഹോഗ്രവിഷോരഗഫണാമണിഘടിത മകുടകടകാദിരത്ന മഹാജ്വാലാമയ പാദബാഹുദണ്ഡോത്തമാംഗേ, മഹാമഹിഷോപരി ഗന്ധർവ വിദ്യാധരാരാധിതേ, നവരത്നനിധികോശേ തത്ത്വസ്വരൂപേ വാക്പാണിപാദപായൂപസ്ഥാത്മികേ, ശബ്ദസ്പർശരൂപരസഗന്ധാദി സ്വരൂപേ, ത്വക്ചക്ഷുഃ ശ്രോത്രജിഹ്വാഘ്രാണമഹാബുദ്ധിസ്ഥിതേ, ഓം ഐംകാര ഹ്രീം കാര ക്ളീം കാരഹസ്തേ ആം ക്രോം ആഗ്നേയനയനപാത്രേ പ്രവേശയ, ദ്രാം ശോഷയ ശോഷയ, ദ്രീം സുകുമാരയ സുകുമാരയ, ശ്രീം സർവം പ്രവേശയ പ്രവേശയ, ത്രൈലോക്യവര വർണ്ണിനി സമസ്ത ചിത്തം വശീകരു വശീകരു മമ ശത്രൂൻ, ശീഘ്രം മാരയ മാരയ, ജാഗ്രത് സ്വപ്ന സുഷുപ്ത്യ വസ്ഥാസു അസ്മാൻ രാജചോരാഗ്നിജല വാത വിഷഭൂത-ശത്രുമൃത്യു-ജ്വരാദി സ്ഫോടകാദി നാനാരോഗേഭ്യോഃ നാനാഭിചാരേഭ്യോ നാനാപവാദേഭ്യഃ പരകർമ മന്ത്ര തന്ത്ര യന്ത്രൌഷധ ശല്യശൂന്യ ക്ഷുദ്രേഭ്യഃ സംയങ്മാം രക്ഷ രക്ഷ, ഓം ഐം ഹ്രാം ഹ്രീം ഹ്രൂം ഹ്രൈം ഹ്രഃ, സ്ഫ്രാം സ്ഫ്രീം സ്ഫ്രൈം സ്ഫ്രൌം സ്ഫ്രഃ - മമ സർവ കാര്യാണി സാധയ സാധയ ഹും ഫട് സ്വാഹാ -

രാജ ദ്വാരേ ശ്മശാനേ വാ വിവാദേ ശത്രു സങ്കടേ ।
ഭൂതാഗ്നി ചോര മദ്ധ്യസ്ഥേ മയി കാര്യാണി സാധയ ॥ സ്വാഹാ ।

ചണ്ഡികാ ഹൃദയം ഗുഹ്യം ത്രിസന്ധ്യം യഃ പഠേന്നരഃ ।
സർവ കാമ പ്രദം പുംസാം ഭുക്തി മുക്തിം പ്രിയച്ചതി ॥